ZYA Tonzang panmun apna leh ankuang umkhopna omding

ZYA Tonzang panmun apna leh ankuang umkhopna omding

ZYA-Tonzang in Advisor, EC, OB, Block makai leh Unit makai teel khin hi. Tuateng khempeuh gawmkhawm in Panmun Apna leh Ankuang Unkhopna keimah Mung Laan Thang’ inn ah anuai a hun gelna om bang in kinei ding hi.

Mualpi, Vialcian, Tung Tuang leh Tuitum khuate pan in zong ZYA makaite leh khuasung a muan leh suan teng in hong siimna ding un kizawn hi.

Ani: July 27, 2019 (Saturday)
Ahun: 3:00 PM
Amun: Mung Laan Thang’ (s/o Pu Cin Za Khup) inn, Sitpyan road, Zion veng, Tonzang

Lungdam Lua

July kha 27, 2019 ni a kibawl ding ZYA-Tonzang khawmpi a beiding Ks. 400,000/ Zomi National TV (ZNTV) in hong sik ahih man in nakpi tak in ih lungdam hi.

Hih bang in ankuang hong luikhia ZNTV hong phungcing semsem henla, sim le mal ban ah tuipi galkhat dong ah aki thehthang Zosuante hong khihkhawm ahi Zomite’ Ngenpi hong suakta hen. Lungdam, Mung Laan Thang (Secretary, ZYA-Tonzang)

ZYA – Tonzang ah Tonzang khuabup phial lutkhin

Khuakhat tuikhat, vengkhat pamkhat, sikhat sakhat, tuinak khat anekhawm Tonzang khuapi atengkhawm teng in nopna dahna ah ki uap liailiai in kinuampih kidahpih theihna ding lunggulhna tawh ZYA-Tonzang ah kigawmkhawm khinta uh hi.

Tuni (July 10, 2019) in ZYA-Tonzang te’n innvakna leh pawlzotna hialbawl ta hi. ZYA-Tonzang ah akihel nuam nailo khat leh nih aom teei hang in khuabup i 99.99% ZYA-Tonzang ah lutkhin ta hi.

Maban Ding:

July 13 ni (Saturday) Pa Mung Laan Thang’ inn (Sitpyan road, Tonzang) ah kimuh khopna sun 12:00 pan nei ding in nitak an nekkhopna tawh zomsuak ding

• Veng khenna (ZYA Unit) nei ding
• Veng makai ding tel ding
• Khuabup khawmpi vai kikum ding

Amanlang thei pen in Khuabup khawmpi sam ding.

• Department tuamtuam khen ding
• Department makaite leh veng makaite biakna makaite’n Pasian’ tungah apna leh kiciamna neisak ding
• Khuabup ankuang umkhawm ding

Hunsau maban

• ZYA zuminn leh hall neihzawhna ding
• Ambulance neihzawhna ding
• Blood bank neihzawhna ding
• Hunbit in nasep zawhna ding etc….

Lungdam, Mung Laan Thang (Secretary, ZYA-Tonzang)