ZYA – Tamu

ZYA-Tamu ZYA-Kalay Secretary pa hong zaksakna tungtawn in 27.7.2014 ni
in GZA-Tamu Local Committee te makaihna tawh Tamu khuasung a om Zomi
khangno mi 30 val tutkhopna (Pawlpi kim EBC,AG,Tuiphum, Sevenday..RC)
pan kinei in Tedim or Zomi koi zaw in dingding cih kikupna nei uh a,
Zomi kahi hi cih vive in zo ahih manin ZYA-Tamu dinkhiat ding kikupna
nei to pah uh a, makai kiguang to pah uh hi.

Aug.3, 2014 ni in Zion AG biakinn ah kipsakna le Topa tungah apna
neeih ding cih gelna hi napi in, TCLC makai te holthohna tawh Pawlpi
Upa makai nih le thum in zadah uh ahih manin NBC-Nanpulun Tuiphum
biakinn ah ZYA-Kalay pan mi 8 in hong uap uh hi. Evan.Langh Do Khup in
hanthotna nasia tak in hong nei a, Zomi khangno mi 200 val kikhawmin
tha kingah mahmah a, inntak pawlpi pan Pa Go Khan Tuang (Sumkem
ZYA-Tamu) thusiamna tawh niangtui lim mahmah hongvak hi. Nitak kikhop
man ciangin ZYA-Tamu makai teng tutkhopna nei uh a, Sumkem pa in
tutkhopna aman ciang sen an sai ah anlim mahmah tawh makai nekpihna
nei hi.

Mailam ah Tamu khuasung ah Tadim Christian Youth Fellowship makai te
le ZYA-Tamu makai te ki mu khawmin holimna nei ding uh a, Zomi in
kalsuan khop theihna ding vaihawmna ZYA-Tamu in ngimna nei hi. Mun
Tuamtuam pan Zomi Youth Association tek in hong pan pih tek ta un.
Banghang hiam cih le Zomi sang in Tedim cih min adeih omlai pian mawk
hi. Hong huamkim pen Zomi ah kigawm ding.

Mailam ah TAmu thukizakna ZYA-Tamu an hong vai hawm ding uh hi. Tamu
khua mi khangno gamdang a om teng in no hih theih zahzah tawh kum khat
kum nih ma hongpatpih ta un.

Lungdam

Letsuan Guite