ZYA kilamzia gencianna

ZYA kilamzia gencianna

To,

Laizom it le ngah teng,

Tuteng net sungah ZYA thu nong khahte uh kana simsim teh mailam kalsuanzia ahoihzawktheihna ding lunggulhna tawh kei mimal in ZYA kilamzia tawh kisai gencianna pawlkhat hong nei nuam ing.

Zomi Youth Association Org./Adm. Structure Sample kong belhthuah(attachment) na en hamtang un.

Mipawlkhatte in Kalay ZYA or ZYA Kalay cithei pahpah uha, tuni tan tua bang Kipawlna aom in omnailo hi. ZYA a kiphuatcil Jan. 17, 2005 in kei zong akihel kahi-a, Chin Youth Organization cih ding thu hong kisun ciangin nakpi tak nial in ZYA cih ding in kana hahpan mahmah
hi.

2005- 2007 ciang ZYA Assistant Secretary kasem a, 2007 – 2012 dong ZYA General Secretary sem in tun 2012-2015 dong ZYA Vice President in ka pang hi.

ZYA a kiphuat tung limlim in Kawlpi bek a dingin kiphuan hilo-a, Zomibup huam in kiphuan ahihi. Kawlpi pan kipan leh Kawlpi ah ZYA zumpi om cihthu bek hi-a, tuni tan ZYA ngimna leh tupna akikhel bangmah omlo hi.

Tulaitak in zong Zogam leh Zomite tenna mun 26 ah kihong khin a tua khempeuh kigawmna phualpi (Central/General Head Quater)pen Kawlpi cih thubek ahi hi. Ahangin Kawlpi panin kiphuan khia-a, damdam in hong khanglian a Kumpi theihpih tanpha in hong picing semsem ahih manbek ahihi.

ZYA kumpi ah phalna a kingetciangin ZYA thuletguipi (Constitution & Bylaw)zong a kibelhkhawm hi-a, Zomite omna mun tuamtuam ah Branch neih kawikawi ding cihzong kihel hi in, kumpi in hong phal ahi hi.

Pawlkhatte in Kalay ZYA omsak in tua nuai ah lut dingin a kingaihsut uh ciangin haksa samahmah uh hi. Tuni tan ZYA Kalay or Kalay ZYA cih bang omnailo-a, a lutna ding uh zong omlo hi.

Keimahmah a kipan makai pawlkhat in kam tangzang in Kalay ZYA or ZYA Kalay kicikha thei ahih manin pawlkhat ten telkhialh lawh uh hi. ZYA Kalay Region/Zone hong pian ding akihanciam mahmah laitak hi in ZYA Unit/Area mun 3 mun 4 khawng bekah kihong zo pan hi.

Mailam ah ah bel (1).ZYA Kalay Unit, (2).ZYA Kalay Area/Block, (3). ZYA Kalay Zone/Region cihte hong piangto ding hi. Aizong in nang Kalay District huamsung mi nahih kei leh lutthei tuanlo lai ding hi teh.

Kalay District huam na hihkei leh ZYA Kalay ah na lutthei kei ding a, aizongin ZYA (General Head Quarter Kalay ah om)ah koi mun koimun pancilo na ut hunhun in suaktak na kipawl/lutthei hi.

Bekthamlo in Kum 3 term khat hi-a, Zogam mong khuata khat pan nahiphial zongin ZYA General Secretary or Central Committee member khat peuhpeuh zong na hithei hi.

“Kipawlna a hong tamluat lemaw, kikhenna hizaw aive.(Singdam gamlei ah Zotawi lianu DVD).” Cih la lungngai kawm ni, ZYA leh ZYA kipawl theilo cikhawng mailam ah hong omkha leh dahhuai mahmah ding hi.
Zomite kipumkhatna in khangtoh theihna ding lunggulhna tawh,

Sia Pauno
Vice President
Central ZYA