ZYA India & Myanmar makaite kimukhawm

ZYA India & Myanmar makaite kimukhawm

Zomi Youth Association (ZYA) GHQ-India leh ZYA GHQ-Myanmar makaite’n kimuhkhawmna leh maban kalsuan dingdan kikupkhawmna Oct. 4-5, 2017 sung in Nanpulun Baptist Church, Tamu, Myanmar ah nei uhi. ZYA GHQ-India makaite’n Oc. 4, 2017 in Lamka nusia mini bus khat leh Bolero 2 zang in Moreh zuan uh a, Moreh ah CYA Moreh Unit te’n vaidawn in, huaini mah in ZYA Myanmar lamte leng Kalaymyo, Rangoon akipan in Tamu ah pawlpi 2te kisutuah in nitak in kimeltheih tuahna in fellowship zangkhawm in ZYA India in nitak ann nekkhawmpih uhi.

Oct. 5, 2017 zingkal in thu tuamtuam kikup khawmna nei in ZYA Saklam (India) leh Khanglam (Myanmar) paidan leh a nasepte uh banah maban kalsuan dingdan, bangchi leh Zomi khangthakte kisamat, kingaina leh kimaingal zawsem akal suankhawm thei ding hiam chihte kikumkhawm in thu poimawh dangdang leng kikumkhawm uhi.

Zomi sung a Nam (Tribe) tuamtuam omte, Pawl (Organization) tuamtuamte huapzoutak leh kitheisiam tuah tak a kalsuan apoimawh dan leh Zosuante atamthei pen a kimuhtuah leh kithuzaktuah poimawh asak dante uh kikup khawmna aneih khit un ZYA Myanmar in Vok khat gou in India lam apan kalsuante annkuang umpihna nei uhi. Huai hun ah India lam apan in palai 29 leh Myanmar lam apan palai 30 tel thei uh a, hibang programme lawhching taka zat ahih theihna dia panlakpih mimal leh pawl tuamtuam tung ah ZYA GHQ in kipahthu gen hi.

ZYA mailam nasep zia ding & kizop danding lunggulhnate pulakna a nuai a bangteng kinei hi.

• 1. Kumkhat khatvei kimuhkhopna neih ding
• 2. Flag kibang thei leh
• 3. Logo kibang thei leh
• 4. Letter Head kibang thei leh
• 5. Ki huhtuah a, nasem ding
• 6. Common festival ni kibang sak ding (eg. khuado, sialsawm etc..)
• 7. Social media tawh ki thuzakna group bawlin kizom ding
• 8. ZYA Day ni kibang zangkhawm thei leng
• 9. ZYA lapi khat neih zawh na ding
• 10. Leitungbup Zomite omna peuh ah ZYA om zawh nading lunggulhna kinei
• 11. Gam nih makaite Thukikupna (Annual Meeting) neih ding.

Hih kimuhkhopna ah India pan anuai a Zomi kipawlnate zong hong kihel thei hi.

• Zomi Mother Association (ZMA)
• Zomi Human Right Foundation (ZHRF)
• Zomi Student Federation (ZSF)
• Inntek tanupi hong sepsak ZYA Tamu tung kilungdam mahmah hi. Ref: ZYA Myanmar & PhualvaTimes