Video: Zukham numeikhat in akhe ekbuk sungah awkcipsak
China, Guangxi Region sungah numei khatin zukhamsa in ekbuk azatleh akhe alangkhat awkcipsak in cimawh mahmah hi. Tuabangin akhe a awkcipsak laitak leh aki hotkhiat laitak Video kizaihkha in, tua Video Clip pen Pear Video ah kikhahkhia hi. Tuazawh asawtlo in Social Media tuamtuam ah kithehzakpah hi.
China, Yulin khuasung ah nung Tuesday ni in thupiang ahihi. Numeinu akhe a awkcipsak ciangin Yulin Fire Department te kisampah a, aki sapzawh Minute 6 khitciangin tungpah uhhi.
Tua ekbuk pen tutna apalo Squat Toilet te hi a, Yulin Fire Department te’nzong Toilet Bowl pen sukham in numeinu ii akhe lakkhiat sakthei uhhi.
Numeinu akhe a awksak hunpen zingsanglam 3:30am hunpawl hi a, Video sungah zukham kawmsa in cimawhin kapkawmkawm hi. Akhe ataklam a awkcip hi a, tangsak theilo ahih manin, acihnading atheihloh ciangin akhuttawh ageinai aom Shampoo, Body Wash tekhawngpeuh maibuambuam mawkmawk hi.
Tua numeinu pen akhe kitanlo, kilawigawp cih omlo bilbel in akhetul ah liamna themkhat ngahkha cihciangbek hibilbel hi. Ekbuk sungpanin akhe aki lakkhiatsak theihkhit cianginzong akhetul ah ekbuk kuavang pen awhlai in adinkhiatsawm kimuthei hi.
Video: The woman, who was shown trapped in the toilet, in a video, became distraught after getting her right foot stuck and finding she was unable to remove it, on Tuesday morning. The footage, posted on the Pear Video the same day, has been widely circulated online
Tua numeinu pen a innkuanpih te’n zu nakhamkhit ciangin kidawm in, Squat Toilet te zangkei in ci’n thu akihilh zelzel hi a, ahi zongin zu akhamkhit ciangin thukihilh te phawkkhalo in ekbuk sungah akhe kiasak in a awksakcip ahihi.
A innkuanpih te’n atheihkhak uhciangin Fire Department te sapsak uh a, tuaciangin aki honkhiathei ahihi.
Yulin Fire Department pan thunei te’n zu nadawn uhlehzong pilvangtak in dawn un, adiakdiak in zumkhakni Public Holidays te ah innkuan ki kaikhawm in zudawn omkawikawi ahih manin, zu khamkhit ciangin kidopding thupi hi ci’n genkhia uhhi.
More: Thailand, Pattaya tuipinawl ah numei pasal aomkhop laitak video ki khahkhia
April khasung inzong Nanning khuasung aom mipizatkhop ekbuk khatah numei khatmah in akhe awksak hi. Firefighters te’n akhe akoltuam dingin anhuanna sathau buaksuk uh a, damdam in kaihkhiatsak uhhi. Sawltak #zomidaily
Comment piaknop aomleh...