Zuau hilo hi ~ Zomi Quavadis

Zuau hilo hi ~ Zomi Quavadis

Hamsa taka Refugee Card tawh Gamthumna na tun pen Topa thupha hi. Nang na tunna hangin Pasian’ thugen tampi na sam zo hi.

Zuau tawh Gamthumna a tung hiteh hong kicih hangin heh kei in, zuau tawh a tung nahihtakpi phial lezong tua zuau tungtawnin thupha tampi na bawl khin hi. Nang hangin Zomi lasiam, music siam, politicians, Pasian’ thugen siamte leh mi tampi in tampi tak phattuam lawh uh hi. Nang sam kei lecin amau pilna siamna tawh Gamthumna ah kha tampi a taam zo ding kuamah om lo uh hi.

Zuau na genna hangin Gamthumna a tung nahihlezong lungkham ken, Zogam a na nusiat migenthei na nulehpa, sanggamte leh khuapih khuazaang in hong noptuampih uh hi. Khua daak dih ve, Zogam ah taihinn tampi kiciang khin zo hi lo maw! Zogam leh Zomi a zuun a puah no teng hizaw uh ciai! Tua taihinn a nei zote pen a tamzaw Gamnihna leh Gamthumna a omte na hi uh hi. Kawlgamah adang sem ih hihkeibuangleh nitha 8000 tawh taihinn hoih kilamzo ngei lo ding cih pen muhsa hi.

More: Obama leh a innkuanpihte e leh? ~ Zomi Quavadis

A taktakin cilehang zuauthu a gen hikei teh. A piang takpi thu nang leh nang kibulh tawmin thumaan a gen na hihi. Kum 60 val sung siik khut tawh hong ki-uk cip hi. Leitungbup inzong hih thu hong thehpih hi. Pasian in zong thei lua hi. Nang na thuak khak loh hangin na ute, na nulehpate, na khuapihte in thuak uh hi. Amau thuakna pen Pasian in nang aa dingin thupha a suaksak ahihi.

Lungkham ken, na gen thute pen nang na thuak khak lian loh hangin a thuak kha om hi. Zuau hi lo hi. Zomi Quavadis