Zongeina tawh kipawl in ihtheih ihkanding thute

Zongeina tawh kipawl in ih theih ding leh ihkan ding te sung pan in akul akisam te in;

• 1. Zongeina athu theihding zat lohding Zongeina
• 2. Zongeina athu theihding zatding Zongeina (minamdangtung kizangtheilo Zongeina)
• 3. Zongeina athu theiding zatding/Puahding Zongeina (Minamdangdangtung ah lahtheih) cih bang in om hi.

1. Zongeina athu theihding zat loh ding Zongeina;

Hih thulu sungah, tang laihun a Dawibiak ngeina ngamtatna, Gal aihna, Sa aih na, Misih hun a, ngamtatna, Miin/Taang zaa aih na ngam tat na, Puukilakna, Lukilapna te ahihi. Hih te theihdingzat lohding minam dangte muhna ah lah lohdingte ahihi.

2. Zongeina athu theihding zatding Zongeina & Namdangtungah akizangtheilo Zongeina;

Hih munleuleu ciang in Zomisungbek ah ihzat Zongeina ahihi. Tuate in ih minphuah zia Zongeina, Zawl leh lawm a, kineih Zongeina, thupha deih nahang a, Pu te Zukholh Zongeina, Innsung bang kua thuvaihawm na ah Tanu haitawi, thusa, sanggam, maak, thalloh, Sungsabawl, behsabawl, Nuphal, mokilei mokipina cihbang te ahihi. Zuhawmna, Sahawmna Zongeina om hi. Zomi te gamdangtung peuhmah in zangvetlo laihi. Hih zongeina nam te in ki-it na piangsak penpen Zongeina ahihi.

3. Zongeina athu theiding zatding puah ding Zongeina (Namdangtung ah lah ding Zongeina)

Hihnmun ah Ih Zola sak zia, namtuamtuam, Latung, laphei, Zola, Ailawng lasakzia cihbangte, ZoLam namtuamtuamte ahi Laamgui, Sawngsik laam, Daaklam namtuamtuam te, Tawnlaam te ah Namtem tawi, Luumpitawi, Luumsui, Teeilek te ahihi. Laam leh Tawn akizatna tuam tek hi. Laam cih ciang minih pan atung siahte hi a, Tawn teh Khat guak bek te ahihi.

Tuaban ah Zomite Desgin lian a, ih neih Zopuan nam te ahi Zopuan Angkii, Zopuan laisan, Zopuandum, Zosaihadial, Zonumei lukhu, Zopuanngial, Zopuan Taangciing cih te ahihi. Hih puan nam te azatna muntuam tuak ah kizang ahihi.

Pasal te’n Zopuan Angkii/Tualpuan, Puanlaisan, Saihadal Tuukpaak kizang a, Numeite’n Zopuandum, Zopuanngial, Zoniik, Zolukhu < azumziuziau nunglam ah akaisuk lukhu> zanghi.

Taangciing puan leuleu ciang tanglaihun a, Zomi Dr te puan ahihi. Mitaktak Pasaltaktak silh theihbek hi in athupi mahmah na mun ah kizang ahihi. Tuhun teh Zomi Numeitaktak te’nzong silhthei ding hun hi ta hi. Akhui zia puah ding ahihi. Ahih hang namdangte Design lak sak loh dingthupi dinghi. Hih Lasakna, Minampuansilhna, Zo laamnam tuamtuam te zatding puahding namdang te tungah lah siamding ahihi.

Hau Thang