Zomite leh ‘Debate’ ~ Langh Khan Mung

Zomite leh ‘Debate’ ~ Langh Khan Mung

‘Debate’ cih pen ‘thukikupna’ ahk ‘thukinialna’ kici-a, sanzia, muhzia kibanglo thunih kigenkhopna ahi hi. Mikangpau-in ‘argument’ or ‘discussion’ kici hi.

A limlimin sanzia, muhzia, telzia kibanglo thu a kigenkhopna-ah a langnih tuakin banghangin hih bangin tel, gen cih athu-alate (evidences) tawh a kigen ding ahi hi. Hih pen khanglui papite in gatangkai ci hi.

Hih bangin kigenna-ah i langkhatlamte gatangte limtakin ngai, simin tua gatangte a sumitzo dingin gatangkaih kul hi. Cihnopna-ah athu a kitawng-a kinial ding hibeka, a mimal (personality) kisuk ding hilo hi.

Bangbang na gen vua, bangbang gatang na kai uh zongin, ka cihsa, ka cihsa i cih ding hilo hi. Tua pen i pu-i pate in mittaw-sialkhaulet ci uh a, kihai-nialna zong kicithei ding hi.

Hih bangin pilvang takin thukikupna pen kamdangin ‘dialogue’ zong kici-a, adeihna in a langnih tuakun kitelsiamna ciang khat a tunna ding deihna ahi hi. Kitotna ding, khat leh khat kimuhdahna ding hilo hi. ‘Dialogue’ pen ‘ to discuss or negociate so that all parties can reach an understanding’ ci hi.

Kong it Zomite aw, thusundan, thunialdan “Debate” or “Dialogue” i siamtakciang bekin i gam-i lei akhantoh theihna dingin tukhawmin geelkhawm thei pan ding hihang. Khuadak ni. Laisimin thutaw ni. Langh Khan Mung