Zomite i khuanung pil zel khadeh ~ Pau Khat Suan

Zomite i khuanung pil zel khadeh ~ Pau Khat Suan

Zogam leh Zomite’ mailam ding politics thuneihna nuai ah tampi kinga hi. Politics makaite’ thu vaihawmna in i zinghuan nitak huan, i Pasian biakpiakna leh khangsawnsawnte dong ading a mailam thu saikha, sukha hi.

– Tapkual han leh Sial khekap sung a otot tawh hithei nawnlo.
– Politics pen suakta tak a zuau gen theihna platform hi nawnlo
– Zuau in a khaptawn a, nidanglai bang nawnlo in tuhun ciang pasan sialnek bangta..

Hurricane Florence in US leitang nawkding cih theihkholhna tawh a kigingkholte nungta ding a, a theilo, a kiginglo, thei gige a a awlmawhlo leh huihpi a tun taktak dong a ngakte siding hi.

Meiphelh nasep leh sialtat nung a sialdai kaih in i gam leh i minam kangtum sak in, i lo gan in gai ding a kialpi tungsak ding hi.

Tamveipi kigen kholkhol khin a Zomite in awlmawh lo uh hi. Noah in tuiciin tun ding genkhol napi thudon lo in, zu le sa ne in kipii kiteng in om uh a, guahzuk kipat taktak ciang hunlap nawnlo hi. Huihpi nun a ngakte siding uh hi.

Kawlgam leh Leitung politics khuahun a theikhol Pawite in kum 2 leh alang sung in a ut a deih khempeuh uh semkhia khin uh hi.

Khuahun theihkul mahmah hi. Khuahun i theih kei a, i kihilhsawn kei leh i minam mailam khimzing abang ding hita hi.

Na khempeuh, asia apha khuahun zui a ongpiang i sakkhakte a taktak in a na sai gige, a buai mahmah mimal leh thu le la tampi om khinkhian ahihlam phawkhuai hi.

I khuanung pil zel khadeh…

Ong kilaptoh leh dianbeh khaken

Zomite khat le khat kilamto kha lehang lawmte na dianbeh mawk in kiban zo nawnlo … ong kiatkik ciang kiman kha kei lehang lah leitang kisatna.. ki khasia pahpah…

Sangpi a ong kilaptoh theihna ding in zang mahmah ding kisam a, a lamto dingte zong a thahat ding kisam hi. Sangpi ah ong kilap toh leh ong lamtote thahat ahih lam mangngilh kha kei in.

More: Christian Community Development Institute (CCDI) pan Certificate Program kipanding

Ong kilaptoh ciang bat zawhloh ding in na dianbeh kei in. Na kiatkik ciang ong kiman kei leh natukna na lua ding hi. Ong lamtote’ khut na khahsuah leh na kiatkik ciang ong man kha nawnlo thei ding uh hi. Pau Khat Suan