Zomi te khantohna ding lampi

Zomi te khantohna ding lampi

Leitung ah mikhat a i pian leh, Pasian in, nam, pau, ngeina leh biakna hongpia ciat a, tua sung ah ei, Zomi te zong i kihelkha hi. leitung ah mihing khempeuh ih vun clour a kibat loh hang in, Pasian hong bawl dan a ki bang tek i hi hi.

Tua hi in, ei Zomi te zong, Pasian in mikhangto nam te mah bang in a khangto thei ding a, hong bawl leh hong sehsa a hi hi. Tua hi a, i khan toh theih nading in hong khat mah kong gen beh nuam hi;

1. Pasian in Innkuan (Family) hongpiak masak leh thupi a sak mah bang in, i Innkuan nuntakzia pen, Pasian deihna tawh a nungta Innkuan i hih ding thupi masa pen hi.

2. Pasian in, Innkuan sung ah, Pasal Lutang a a seh mah bang in, Innkuan sung ah, Pate thu neihna leh vaihawm na a om tek ding kisam hi.

3. Pasian in mihing te hong bawl in, a mah tawh kikhawlkhawm ding a, hong bawl a hih mah bang in, a mah tawh i kikhawlh theih na mun, Biak Inn pen kikhopsim a, ih pelh ngei loh ding kisam hi.Pasian tawh a kikhawl den te, Enoch bang si lo in, vantung ah Pasian in la zen hi veh aw guai…,

4. I Topa Zeisu in, thanuamlua kisa, a sun a zan ci lo a, ngasa a beng, Peter te a nungzui ding in a sapmah bang in, ei Zomi te zong, gamdang khong a i nasep dan in, thanuam tak in, i Zogam ah nasem leng Pasian in thupha hong pia lua ding hi.

5. Daniel leh a lawmten, a nuntakna uh siangtho tak in, kem uh a, milim bia gam na ngawn ah, S(1) suakzo mawk uh hi. Ei Zomi te zong, i ma hong khak den pen, Pasian nasem te leh Sum zong pai zong te a tamzaw pen, i nuntakna a siang tho a i kep zawh loh man hi den zaw hi. Tua hi a, Pasian mah mitsuan a,  a siangtho a ih nuntak na kem a, na i sep ding thupi mahmah hi.

6. Makai picing khat i hih na ding in, Paisian zahtak na leh thuman na kisam gige a hih lam i theihtek ding thupi hi. Pilna sang  pen na nei a, na ngah zong in, hih te nih na neih kei leh, a mawkna a hih lam na phawk ding kisam hi.

7. Mi minthang hih ding khong hanciam sang in, Topa zat theih a na om ding thupi zaw hi.

8. Mi khempeuh Pasian in a muh bang in nang zong na muh theih ding ki sam hi.

9. Itna om lo a, nasepna pen, lawhcin na om ngei lo cih phawk tawntung in.

10. Mi te hong sat hongmat ding sang in, Topa hong sat leh hong tai ding lauzaw in. By. Dr. Zam Thang.,Ph.D.