Zomi te dinmun kumpi neilo gammite tawh kibang

Zomi te dinmun kumpi neilo gammite tawh kibang

“Tua hun lai-in Israel-te sungah kumpi om lo a, amau’ hoihsak bang ciatin mi khempeuh a gamta uh hi.” Thukhente 21: 25

Tu hun Zomi te’ dinmun kumpi neilo gammite dinmun tawh kibang kasa hi.

Minam vai ah masuan kician (clear direction/roadmap) i nei kei hi.

I gam ki-ukna lam kipawlna makaite, i minam kipawlna makaite in i minam vai ah i masuan hi teng hi cih hong hilh thei, hong laak thei, hong makaih theilo uh hi.

Mipite sung, makaite sungah Zomi movement i cih i mungtup ( end result) bang hi ding cih sandan, deihdan tuamtuam ki om hi.

Zomi in koiciang huam, Zomi leh Chin zatdan, pomdan ding koiciang hi ding cih thu ah sandan, zatdan tuamtuam ki om hi.

I minam masuan ding Zomi State ngah ding maw? Chin nuai ah Zomi cih tawh hong kiciapteh ding maw? Chin taangin Zomi kicih zawh ding maw?

Makaite makaihna tawh i minam vai ah masuan kician nei in, lai tawh kician in gelh in mipi taangpi taangta tungah theisak, hilhcian, lamlaak ding hun mahmah ta hi.

Minam vai ah masuan kician i nei masiah mipi sung pan amau hoihsak bangin laigelh, gamta pawlkhat ki om toto lai ding hi.

Makaiten i minam vai ah masuan kician hong neihpih zawh kei leh mipite tungpan minam vai ah thukhat lawngkhat in pai ding a lamet loh ding uh hi ding hi.

Mimal muhna pan gelhna hi. Pa Do Khan Khup ([email protected])