Zomi te a ding 80-20 Rule ~ Mungsen

Zomi te a ding 80-20 Rule ~ Mungsen

Dear Zomi pih teng, Management, Quality control a sin ngei ten a sin tawng tung khat a hi 80-20 rule pen Zomi te a ding in ngaih sut huai sa ing. E pawipi sung, e minan sung, e nuntak na ah koi koi ah hi 80-20 rule pen phawk tawng tung leng, e nun tak na tampi hong ki lam dang sak zo ding in lam en ing.

80-20 e ci pen Pareto principle zong ki ci in, a ci nop pi pen “thu/ thu piang khat pe peuh e 80% pen 20% hang a hi hi” ci dan hi. A manglai in “80% of the effects come from 20% of the causes” ci dan hi.

Genteh na:
E nuntak na ah 80% hun pia a e buai pih vai te pen, a ta tak in ci leng e vai khem peuh hi 20% hang a hi hi. Vai a dang 80% te zong en zel zel leng, e nun tak na khat pe peuh ki lam dang thei ding hi.

Pawlpi sung ah e buai pih 80% pen, pawlpi mi 20% hang khawng hi thei hi. A dang 80% te ki mang hilh thei hi.

914 Zomi vai a 80% e baui pih pen, 20% te hang khawng hi thei kha lel ding hi. Kei up na ah tua 20% (or <20%) ten pen, Tedim mi hi hang ki ci leng Zomi hi hang hong ci leu leu lel ding uh a, Chin hi hang ki ci leng Zomi/Tedim hi hang hong ci leu leu ding te khawng hi lel ding hi. Mipi 80% tawh buai zaw leng.

Internet/Facebook sung ah 80% in e buai pih pih pen, 20% te hang peuh hi lel ding hi.

Lam khat le leu pan,

E vai te e 20% pen manzo (phisian/solve) zo leng, e vai khem peuh e 80% ki gual zo thei ding hi.

E ci nop a bulpi in vai khat peuh peuh ah koi zaw pen 80% ding, koi zaw pen 20% ding ci en/ngaih sun ma sa tawng tung ni a ci nuam ka hi hi. Lai at, Mungsen