Zomi Piancit pai pupa te phawkna laibu honna kinei

Zomi Piancit pai pupa te phawkna laibu honna kinei

Zomi Piancit (France) pai pupa te phawkna Laibu honna tuni in zinglam in TBCY Meeting Room ah kinei hi.

Laibu pen Zolai le Manglai nam nih in kigelh hi. Laimai 119 pha hi.

Laibu sung ah Piancit Pai mi 1033 lak ah 946 te min kikai khawm zo hi. Akisam lai te kanto-in behlap toh ding ahi hi.

Bu khat ciang in 1500 Ks tawh kizuak hi a, Magazine Committee te kiang ki ngah thei ding hi.

Thukigen te sung pan pawl khat

Tedim ah May, 2018 in Kum 100 phawkna Pawipi kibawl ding hi.

Piancit pai pupa 1033 te Melmuh Han le Paak Huan kibawl hoih mahmah khat kibawl ding geelna kinei hi.

Kawlgam sum Sang 470 kiim kisam ding hi. Zingsol

Kalay University

Kalay University pen Khangthak Zomi siamsin tampite siamsinna phualpi ahi hi.

Kalay University a siamsin khate pen a kihampha mahmah ahihna khat I kipulak nuam hi.

University laibu saal pen kawlgambupah laibu a kicing pen pawl leh omna khawla a kicing pawl hi dingin kiciamteh hi. Laibu saal pen a dung pi 200” a vai pi 40” hi in dawlnih pha hi.

Laibu saal ah laibu bek hi loin computer le e library cit te deihbangin kisin kizang thei banah gamdang Universityte tawh kizom in program tuamtuam zong om lai hi.

Alungdamhuai diak ah tua laibu saal a thuneipi pen ei Zomite I hi a, Syamah Cing ( Saizang khua ) hi lailai hi.

Tu ciangciang bel laibu saal ah siamsin sangnaupang sungtum pusuak atamzaw pen kawlte hi ci hi. Lian Tuang