Zomi MP te leh mipi kimuh khopna Field Trip

Zomi MP te leh mipi kimuh khopna Field Trip

Zomi MP te mipi tawh kimuh khopna field trip apaina vuah vazui ing. Tutung pen adiak in Hai Mual khuathak paina hi. Tuakawm in Ciau leh Rih lam ah zong va khuadak ung. Ciah lam teh Laitui khua upate tawh zong kimu ung. Hai Mual te’n sa hong gawh in Laitui te’n puan laisan hong silhsak uh ahih man in lungdamna lian mahma hi.

Tutung thugen bulpi bel: Kitelna lah ompak nai ken cin vote zong a hong pai hikei ung. Kawlgam in federal ngah nailo ahih man a Minam party tawh akiding tentan lai phot hi. Hamphatna leh panmun bek angim hile ung kawl party te beel suk ziau leng mimal hamphatna leh panmunte kingah ding cih pen ko zong thei mahmah ung.

Kawlgam in federal angah nini in minam party kisam nawnlo ding hi. Ih gam ih lei ih itna tawh kiding hi in bang semkhawm leng hoih ding hiam cih akikum khawm ding a hong pai ka hi uh hi.

Cih thute kigen hi. Amau zong atheihnopte uh dotna om hi. Ki itna khangto in kimuh khialhna kiam mahmah hi. Mai lam ah khut kilen a nasep khop ding lunggulhna kigen tek hi.

More: MP Pu Kham Khan Thang teelcing angahna Tonzang huamteng ah zinkawikawi

Pu Gin Kam Lian in Hluttaw Fund pan in Hai Mual khuathak leh Laitui khuate’ khuasung khantohna ah tawdap ding in teng 50 tuak piak ding in kamciam pia pah hi.

Sanginn kisam laite bangcih leng kingah ding cih khawng leh khuasung khahtohna ding mapanzia dingte hoihtak in kikupna om hi. Pu Thangboi