Zomi Media Nasem te Yangon ah Kimuhkhopna

Zomi Media Nasem te Yangon ah Kimuhkhopna

April 3, 2018 | Yangon :: Zogam le Kawlzang pan in Media nasem makai pawl khat Yangon ah Community Radio vai nasepzia kantel ding in hong zin thei uh a, tuni nitak lam in ZoMWA vaihawmna tawh kimuhkhopna hun nuam khat kibawl thei hi. Hih hun sung ah mimal 18 te kihel thei uh a, Media lamsang nasepna te khat le khat kihawmsot na nei thei uh hi.

Tulaitak Tedim ah Community Radio ading a sem ahi IMS-Fojo (International Media Support) pan Syama Dim Khat Pau in tulaitak nasepna te tawh kisai tomkim in hawmsotna hong nei thei hi. Community Radio ading akisam Training piakna, consitution suaihna ding mabante le Media nasepna lam ah numei te kihelna hong thahatna ding athupitna te pulakna nei hi.

ZoMWA pan in hong tung ding June 2018 sung in Zomi Media nasemte kimuh khopna Khawmpi khat bawl zawh nading in kihanciam laitak hi a, mun tuamtuam a om Media lam a sem a bawl te, a lunglut khangthak te hong kihel theih nading lunggulhna pulakna kinei hi.

More: Zomi Media and Writers Association (ZoMWA) thu kikupna & makaithak te

Tuni kimuhna le ankuang umkhopna pen Ar Yone Oo Social Development Association panpihna tawh kibawl zo ahih man in ZoMWA pan lungdamna kiciamteh hi. ZoMWA