Zomi leh Kuki tualgal ki patkhiatna (Unau belkang kituh) ~ NK Nangtawng

Zomi leh Kuki tualgal ki patkhiatna (Unau belkang kituh) ~ NK Nangtawng

Zomite’n ih tuah masakna leh khanlawhna dak hong sat ging khia khat pen ZOMI-KUKI, kidona tualgal ahihi. Zomi pasal hangsan sawm te “Saikul khua”a Kuki galkap pawlkhat in dated 24th June 1997,nitak nai 8:30pm hunpawl in kaplum uhhi. Hih hun pen phawkdet na lehtheihdet na ding in a sisan uh leh anuntakna uh Zosuan khangsawn te a dia apiakni uh,”Sampaskutt” ci-in Saikul Khua mite’n kumsin in amau phawkna azang den uhhi. “Sampaskutt” kici pen Saikul mi pasal sawm te Kuki te thahni cihna ahihi. Hih ni pen khangsawnte’n a theih nopna ding tomlak in C.Pum Thang in a phuah ahihi.

Dated 24th June 1997 Tuesday nitak khuamui kuan in Kuki galkap pawlkhat Saikul khua hong lut uh a, (tua hunlai in Biakinn ah naupang kikhop na kinei in nai 7:30 in tawp hi.) khuataw lam pan hongpai to in mi ban hopih uhhi. Biakinn khanga om C.Pum Thang te inn ah mi bangzah hiam khawl in holim khawm uh a, innteek nu in niangtui bawl in pawlkhat in dawn in,pawlkhat ten dawn nuamlo uh hi. Tua hunsung mah in kuki te in mun tuamah mi honkhat na kai khawm uh a, asap ciangin utlo in “Pum Za Siam leh Thang Cin te na tai uh in asuakta himai uhhi. Naupang kikhopna a tawp khit phet leh Kuki te makai khat hong pai in hong ngongtat vatvat in alawmte tawh ami kaihkhop te zawhtawh thu tawh khuataw lam ah pai sukpih uh hi.

Khuataw lam a Canal kibawlna gei ah kaikhawm uh in thu dotna tuamtuam nei uhhi. Pawl khat te’n hi khua ah ZRA te leh NAGA NSCN-IM te om hi, hong pia khia un ci in pasal amuh khempeuh te kiangah ci uhhi. Tuate omlo uh ahih man in piakkhiat ding omlo hi mawk hi. Kuki apaisuk nunung te’n mi amuh bangbang papi leh tangvalte kaihkhawm lai uh a,khuataw lama Canal tunpih ta uhhi. Papi leh tangvalte a kaihkhop khit uh ciangin a sap khakloh uh Pa Kampi lung hi mawh leh patau ahimanin patauh nai vasat hi. Tua ciang in khuasung mi pawlkhat Biakinn kongah kituah uh a thukikupna aneih uh hang in, amau thau tawi uh ahih man in bangmah pan kila/kivaihawm theituan lo hi. Khua sung khempeuh Kuki te’n vak suaklo in a kaihkhop tenguh mi sawm leh nga pha hi.

Tua mi sawm leh nga teng a gualgual in dingsak in mi ngata in metres 7(feet 10) halin ding sak in second 5 sung ding khawng kap uh hi,thau a a kapma un Datmei (Torchlight) detma sa uhhi. Thau gin zawhciangin papi hangsan T.Pum Khan Zam va tai suk in va tuakha a, mi sawm kaplum in mi nga nak liam uhhi.

A si mi 10 te ;
(1) Chinkhanlian K.17 s/o Nek Za Cin,
(2) Tualkapthang K.19 s/o Pau Sian Thang,
(3) Nangson K.16 s/o Zel Za Kham,
(4) Lam Za Hau K. 24 s/o ( L) Vum Za Lian,
(5) Lianzachin K.19 s/o Pau Za Nang,
(6) Gin Suan Lal K.18 s/o( L) Kai Za Dam,
(7) Kai Za Dam K.50 s/o( L) Dong Zam,
(8) Kam Kho Pau K.45 s/o( L) Lian Za Kham,
(9) Kham Than Sang K.17 s/o( L) Kam Khaw Pau,
(10) Pau Min Thang K.31s/o( L) Lian Za Kham.

A liamte:
(1) Pumno s/o Upa Ngaih Tun Pum,
(2) Pau Khen Mang s/o ( L) Thuam Pau,
(3) Tual Khan Thang s/o ( L) Thuam Pau,
(4) Pau Suan Mung s/o Lal Suan Thang,
(5) Upa.Jamkithang s/o ( L) Tong khaw Zam.

Tuazan in pasalpha sisan luangte silsiang nuam tawh kibang in guah zong hong zu ziahziah a, Tarpaulin(tuipuan) kikhun deda hi. Zing khua vak ding kal ngaklah mahmah in siluang geiah mittui luangluang in, a liamte thumna kahna aw “Nalua, Tuiduh”cihte ki za ngaungau mai hi, bilkha ah thamdeen lai hi, zing khua vak ding ak te zong misi te suun hileh ki lawmin khuang ding donlo uhhi.

A zan a zan in police te report kipia pah himah leh a zingciang Dated-25-1997 zingsang nai 7:30 in police Inquiry bawlte hong tungpan uhhi. Dipkuatna patauhna lak ah postmortem bawl dingin kipua khia khin a,Numei naupang bangzah hiam khawng/tawmkhat bek khuasung ah kinu sia hi. Post-mortem bawl khitciang a misi hi zahzah Saikul khua te a dingin,a vui haksa ding ahihman in YPA Hq te kicial hi. Misi te Saikul khua puaktun ciang a,misite ah inn ciat ua suunna hunzat lemlo ding ahih man in,Community Hall ah koih gaih ding cih gelna kinei hi. Mi dingte gel na bangin pailo in Pasian in ahoih zaw ding hong gelsak ahih man in thu vai hawmdan sateng kilehbulh in Saikul community Hall tutpih cih thadah Saikul hanmual ah vui khawm ding kici napi in Zenhang Lamka community Hall ah ki tun zaw a,a hanmual uah khukkhat a mihing sawm(10)te ki vui khawm hi. Tua mun a vui zong ong lem zaw pah suak mawk hi.

Misi khempeuh akivui khit ciangin inn lam zuan in kikik tahi. Kisil pakning in kihah siangning cih hun om manlo in van thupi teng hem un la, puanlom zial unla, na ciah na ding uh mawtaw in hong ngak hi kibawl un hong ci uh in khua zang khat mawtaw 2 a kikhen loh phamawh ta, kampau ngam lah om lo in security kepna in Zo Colony,Lamka a Pa Kham Khan Pau inn ah hong ki ngasak uh hi. Hong mangngilh ngeilo lungkham mangbat lai a,hong huh pahpah hong kem den Pasian in hong makaih in Lamka tunga “EBCC” te sunday school hall ah giak uh in tua panin mun tuamtuam ah kitheh zak in omtahi.

Zomi te sisan luangte hangin minam leh pianpih Zomite hehna kuangkhia in Zomi leh Kuki tualgal kici hongpiang khiata hi. Hih gal hong kipatcilna mun Saikul khua ah June 24, 1997 ni a thupiang ahi hi. Hih ni pen khang sawn tu sawn ten atheihden na ding leh Saikul khua ading in mangngilh ngei nawnlo ding bekthamloh in Zomi te lak a mang ngeinawnlo dingin Sampaskutt pen kumsim in asite phawkna a kibawl den ahihi.

Ei Zomite’n ih tuah masakna leh khanlawhna dak hongsat ging ahi, ZOMI-KUKI, gal ahihi. Zomi pasal hangsan sawm te “Saikul khua”a Kuki galkap pawlkhat in dated 24th June 1997,nitak nai 8:30pm hunpawl in kaplum uhhi. Hih hun pen phawkdet na lehtheihdet na ding in a sisan uh leh anuntakna uh Zosuan khangsawn te a dia apiakni uh,”Sampaskutt” ci-in Saikul Khua mite’n kumsin in amau phawkna azang den uhhi. “Sampaskutt” kici pen Saikul mi pasal sawm te Kuki te thahni cihna ahihi. Hih ni pen khangsawnte’n a theih nopna ding tomlak in C.Pum Thang in a phuah ahihi.

Dated 24th June 1997 Tuesday nitak khuamui kuan in Kuki galkap pawlkhat Saikul khua hong lut uh a, (tua hunlai in Biakinn ah naupang kikhop na kinei in nai 7:30 in tawp hi.) khuataw lam pan hongpai to in mi ban hopih uhhi. Biakinn khanga om C.Pum Thang te inn ah mi bangzah hiam khawl in holim khawm uh a, innteek nu in niangtui bawl in pawlkhat in dawn in,pawlkhat ten dawn nuamlo uh hi. Tua hunsung mah in kuki te in mun tuamah mi honkhat na kai khawm uh a, asap ciangin utlo in “Pum Za Siam leh Thang Cin te na tai uh in asuakta himai uhhi. Naupang kikhopna a tawp khit phet leh Kuki te makai khat hong pai in hong ngongtat vatvat in alawmte tawh ami kaihkhop te zawhtawh thu tawh khuataw lam ah pai sukpih uh hi.

Khuataw lam a Canal kibawlna gei ah kaikhawm uh in thu dotna tuamtuam nei uhhi. Pawl khat te’n hi khua ah ZRA te leh NAGA NSCN-IM te om hi, hong pia khia un ci in pasal amuh khempeuh te kiangah ci uhhi. Tuate omlo uh ahih man in piakkhiat ding omlo hi mawk hi. Kuki apaisuk nunung te’n mi amuh bangbang papi leh tangvalte kaihkhawm lai uh a,khuataw lama Canal tunpih ta uhhi. Papi leh tangvalte a kaihkhop khit uh ciangin a sap khakloh uh Pa Kampi lung hi mawh leh patau ahimanin patauh nai vasat hi. Tua ciang in khuasung mi pawlkhat Biakinn kongah kituah uh a thukikupna aneih uh hang in, amau thau tawi uh ahih man in bangmah pan kila/kivaihawm theituan lo hi. Khua sung khempeuh Kuki te’n vak suaklo in a kaihkhop tenguh mi sawm leh nga pha hi.

Tua mi sawm leh nga teng a gualgual in dingsak in mi ngata in metres 7(feet 10) halin ding sak in second 5 sung ding khawng kap uh hi,thau a a kapma un Datmei (Torchlight) detma sa uhhi. Thau gin zawhciangin papi hangsan T.Pum Khan Zam va tai suk in va tuakha a, mi sawm kaplum in mi nga nak liam uhhi.

A so mi 10 te ;
(1) Chinkhanlian K.17 s/o Nek Za Cin,
(2) Tualkapthang K.19 s/o Pau Sian Thang,
(3) Nangson K.16 s/o Zel Za Kham,
(4) Lam Za Hau K. 24 s/o ( L) Vum Za Lian,
(5) Lianzachin K.19 s/o Pau Za Nang,
(6) Gin Suan Lal K.18 s/o( L) Kai Za Dam,
(7) Kai Za Dam K.50 s/o( L) Dong Zam,
(8) Kam Kho Pau K.45 s/o( L) Lian Za Kham,
(9) Kham Than Sang K.17 s/o( L) Kam Khaw Pau,
(10) Pau Min Thang K.31s/o( L) Lian Za Kham.

A liamte
(1) Pumno s/o Upa Ngaih Tun Pum,
(2) Pau Khen Mang s/o ( L) Thuam Pau,
(3) Tual Khan Thang s/o ( L) Thuam Pau,
(4) Pau Suan Mung s/o Lal Suan Thang,
(5) Upa.Jamkithang s/o ( L) Tong khaw Zam.

Tuazan in pasalpha sisan luangte silsiang nuam tawh kibang in guah zong hong zu ziahziah a, Tarpaulin(tuipuan) kikhun deda hi. Zing khua vak ding kal ngaklah mahmah in siluang geiah mittui luangluang in, a liamte thumna kahna aw “Nalua, Tuiduh”cihte ki za ngaungau mai hi, bilkha ah thamdeen lai hi, zing khua vak ding ak te zong misi te suun hileh ki lawmin khuang ding donlo uhhi.

A zan a zan in police te report kipia pah himah leh a zingciang Dated-25-1997 zingsang nai 7:30 in police Inquiry bawlte hong tungpan uhhi. Dipkuatna patauhna lak ah postmortem bawl dingin kipua khia khin a,Numei naupang bangzah hiam khawng/tawmkhat bek khuasung ah kinu sia hi. Post-mortem bawl khitciang a misi hi zahzah Saikul khua te a dingin,a vui haksa ding ahihman in YPA Hq te kicial hi. Misi te Saikul khua puaktun ciang a,misite ah inn ciat ua suunna hunzat lemlo ding ahih man in,Community Hall ah koih gaih ding cih gelna kinei hi. Mi dingte gel na bangin pailo in Pasian in ahoih zaw ding hong gelsak ahih man in thu vai hawmdan sateng kilehbulh in Saikul community Hall tutpih cih thadah Saikul hanmual ah vui khawm ding kici napi in Zenhang Lamka community Hall ah ki tun zaw a,a hanmual uah khukkhat a mihing sawm(10)te ki vui khawm hi. Tua mun a vui zong ong lem zaw pah suak mawk hi.

Misi khempeuh akivui khit ciangin inn lam zuan in kikik tahi. Kisil pakning in kihah siangning cih hun om manlo in van thupi teng hem un la, puanlom zial unla, na ciah na ding uh mawtaw in hong ngak hi kibawl un hong ci uh in khua zang khat mawtaw 2 a kikhen loh phamawh ta, kampau ngam lah om lo in security kepna in Zo Colony,Lamka a Pa Kham Khan Pau inn ah hong ki ngasak uh hi. Hong mangngilh ngeilo lungkham mangbat lai a,hong huh pahpah hong kem den Pasian in hong makaih in Lamka tunga “EBCC” te sunday school hall ah giak uh in tua panin mun tuamtuam ah kitheh zak in omtahi.

Zomi te sisan luangte hangin minam leh pianpih Zomite hehna kuangkhia in Zomi leh Kuki tualgal kici hongpiang khiata hi. Hih gal hong kipatcilna mun Saikul khua ah June 24, 1997 ni a thupiang ahi hi. Hih ni pen khang sawn tu sawn ten atheihden na ding leh Saikul khua ading in mangngilh ngei nawnlo ding bekthamloh in Zomi te lak a mang ngeinawnlo dingin Sampaskutt pen kumsim in asite phawkna a kibawl den ahihi.

N.K. Nangtawng