Zomi Innkuan Khawmpi kamuhna

Zomi Innkuan Khawmpi kamuhna
Amun: Tulsa .
Ani : July 3-4,2015

1. Makai te President a kipan GS te leh EC te thupi mahmah uh hi.
2. Meeting paizia zong nuam mahmah hi.
3. Mimal kim in ahoih lam bekbek in thu kigen ziahziah hi.
4. Board member zong tamp tak kipai thei hi.
5. Zahtak huai tampitak zong thugending leh thungai dingin hong pai thei uhhi.

6. Innteek ZIOK te zong kician mahmah uh hi.
7. Meeting tutna bang pen UN meeting room sung mahmah bang hi.
8. Agenda khat a om leh agenda tung mah ah thangah huai takin kikum tang tang hi.
9.EC lam pan mipi tel theih dingin thu hong sungthei mahmah uh hi.
10. Nui ling ling in thu kizo den den hi.

11. Meeting zawhna pen nahoih sepna tawh kizo mawk hi.
12. Tedim sanginn pi sunga tutphah adingin meeting kahteng in piakkhiatna kinei in $ 2664 kingah hi.
13. Thu thak hoih tampi tak kigeel khawm hi.
14. Panmun thak kitelna ah zong nuam mahmah in amuanhuai vive ten hong ngah uh hi.
15. Thungetna tawh kipan in thungetna tawh zawhna kinei ahih manin Pasian lungkimna kingah mahmah cih kamu hi.

16. Zomi te adingin lametna leh zingsol hong taang toto ta ka sa hi.

Mimal muhna pan,
Sia Pau Khai.
July 7.