Zomi Idol in nang hong sam ~ JK Kam

Zomi Idol in nang hong sam

Kong it ZOMI,

ZOMI IDOL IN NANG HONG SAM

@ IDOL kidemna pen a siamsa a minthangsa te kidemna hilo a, a siam ding a minthang dingte zonna ahi hi.
@ A siam gige ahih lamna kitheih nailoh, min zong a theihpih khak nailoh a kipholak (reveal) nading pen IDOL ii ngiimna bulpi ahi hi.
@ Siam na kisak nailo, min siam hong sak nailo pipi mah pen IDOL CONTEST in na siamna hong khan (uplift) sak ding hi.
@ Lahkhiat loh dingin na sunga om akisel na TALENT pammaih lua hi.
@ Tawm kitat hileh a kizang thei ding kimlai kitat seloin koihcip lecin bangmahlo mah hi den ding ngaihsun lehang pammaih lua hiven.
@ Zomi sungah tawmcik kitaat beh hileh a hiam ziau, a kizang thei ziau ding mi nak tam hi ven maw.
@ Kal masa suan lo in kal nihna kitung theilo ahih manin na kal masa ding IDOL hong ki vaihawmsak ahihlam mangngilh kha ken maw lawm.
@ Na siamna tawm a omsa pen IDOL na kihelna in na siamna tampi hong behlap sak ding hi ei.
@ Kiginna kisinna sanga hoihzaw sia hoih mu ngeilo ding hi teh!
@ IDOL (a khatna) lian na ngah kei zongin na kihelna in na ngah theih ding muh theihloh hamphatna taktak na ngah veve ding hi.
@ Mi tampi lakpan IDOL ding khat bek hia, nang na ngahloh manin aman ngah thei, nang ngah lecin aman ngahlo ding, lamdang lo lel hi.
@ IDOL ( akhatna) na ngah kei zongin, na sungah tua sang a thupi zaw khaici kituhin, hun khat ciang po khia ding hi.
@ IDOL na hihnopna tawh hong kithawi kei zaw in la, na siamna kibehlap utna tawh hong kithawi lecin na hampha pelmawh ding hi.
@ Mi tawh a kidem bek hilo in, na hihna lui sang a hoihzaw dinga nanglenang a kidem, a ki taat, a thasan ding na hi hi.
@ IDOL CONTEST ah kihel le cin na uploh, na muhkholhloh leh mit a muh theihloh hamphatna ngahin na sum het kei ding hi.
@ IDOL taktak ngah lecin na min bei ngeilo dinga, na ngah kei zongin na siamna hong khang hamtang dinga manpha zawlai kan lai ding hi.

Europe Center in December 20-21, 2014 (Saturday+Sunday) ni nih sung
EU ZOMI IDOL CONTEST Lillehammer-Norway ah a kibawl dinga,