Zomi Cup 2017 vai pulakna ~ ZAM iNFO

Zomi Cup 2017 vai pulakna ~ ZAM iNFO

A (7) veina Zomi Cup pen hong tung ding January 28 pan February 2 kikal in ki bawl ding hi. Tukum in Zomi Cup ah Tukpeng leh Volley Ball nam nih ki bawl ding hi. Kumsim in Zomi Cup ki bawl zel a, khangno tampitak I kihel zel hi. Tukum 2017 I Zomi Cup pen nidang tawh kibangloin kibawl ding hi. Zomi te sung ah siamna tuamtuam nei tampi I om a, tua bangmah in tukpeng kimawl siam zong tampi I nei hi.

Ahi zongin I siamna leh I ukna a nuntakpi taktak I tam nai hetkei hi. Tukum Zomi Cup ah Myanmar National League a kimawl Chin United FC team I Vice President ahi Sia Do Khan Khup leh alawmte zong hong kihel ding uh a, siamna nei takpi te zong hih a siamna tawh kivak in a khuasak zawh nading kigel khawm ding hi. Zomi khangthak te a dingin siamna leh ukna tawh nuntak khuasak theih nangin lampi khat kihon cih theih ahihi.

Zomi Cup (Volley Ball) pen Kampung Pandan Sport Complex ah January 16-17 ni in kimawl ding in kigel hi. A lung lut team te in January 6, 2016 ni ma in minsazian leh passort size photo piak kim ding ahi hi. Zomi Cup Volley Ball a kidem nuam te a dingin lutman RM 400 leh Deposit RM 100 hi ding hi.

Zomi Cup tukpeng kimawl ni ding pen sen kumthak sung ahi January 28 pan February 2 kikal hi ding a, Astaka Sport Complex, PJ(Phucil leh Nantal tualpi) ah kimawl ding hi. Zomi Cup tukpeng a kimawl ding te in lutman pen RM 800 leh Deposit RM 400 hi ding hi. Tukepng sui ding te minsazian, ZAM Card No. leh passport size photo piak nunung ni ding hi pah hi. ZAM iNFO