Zolo kisiam nailo

Zolo kisiam nailo

An a kituh ma, khaici a kivawh a kipawi ma in lo kisiam phot, kihah phot, a lei mahmah limtak kisiam masa phot a, tuateng a kizawh khit ciang khuahun, guahtui kiat zui in khai kituh, kivawh kicing pan hi.

Ankung ong po ciang, a depthei ding kiak leh lopate kihah zelzel a, a leitang mahmah zong a sipcip loding in ki tovung zel hi.

Tuateng khit, ankung bangcia hiam ong khan, ong gol khit ciang eklei, leiza kipia pan hi.

Losiam nailo, khaituh nailo a eklei, leiza piakding thatang vaihawm, lunggulh leh lam-et mawk bel lokho theilo pi lokho ding a kipan cihna ahi hi. Lo lai ah hun sawtpi omkhin a, khaituh ding cih thadah losiam kipan nailo, ekleiza vaikhak cih mahmah azak in zong zaknop lo lua hi.

Lo laizang ah ding veva a a vengte’n a lo a khawhsak ding a lam-enpa, amah leh a innkuanpihte antaw ding cihna ahi hi.

Tuta i bat leh kumkik ciang an kingawl thei khading hi.

Picinna atehna piiciang

I sepna khat peuhpeuh a kigen kik ciang, a beisa thu hi a ki lakkik theilo, ki puahpha theilo ahih hang, Zomite bel hihna leh sep.le bawlsa tung ah a hoih om sunsun nak thupi gen mahmah ding, a hoihlo leh khialhkhak nangawn a hoih a laksak ding in ahoih dan a suitawm a gending cihdan bek zaknop kisa in, khailhkhakna pan lesson learn theihding om mah taleh a khial a gen ngiat ki zadah masa pahphot aihciang a tangthu man ahibang lian a kigen thei mahmah lo ongsuak hi.

Picing hile hang tuate ki sangsiam ding a, ei’ khialhkhakna (or) midangte’n khial ongsakna mahpan lesson sintheih ding tampi om mah ding hiven..

Hihdan thute ah bangzah ciang a picing ihiam cihpen khialhna pan lesson bangzah lathei a, a kisap leh kikhel ding, idea lui nusia a idea thak pomthei ding a ready ihiam… cih tawh kiteh thei ding hi.

Adiakdiak in kipawlna, pawlpi leh minam makai upate a picinna zahzah in i minam mailam ong sui in, manawtna kal ong suanpih ding hi. Makaite’ picinna in minam ong mazang sak ding a, makaite’ cinlohna in minam ong tuantual sak ding hi. Pau Khat Suan