Zolai Tongdot bu masa bu 1000 kibawl khia ding

Zolai Tongdot bu masa bu 1000 kibawl khia ding

1. Leitung ah minam lian khat in Ngeina Kampau, Lai neitek ahihi cih itheih sa hi.

2. Zolai icih te tomlawh pak na hi a, ei ading Eisungtualsuak lai leh Cope in hongbawl sak lai n Zolai ahihi.

3. Zolai Zominam lai nei ikicih ciang in Cope hong bawlsak lai malngawm Roman Alphabet zang in tulaitak anop mahmah hang in Sanggam Laimi’ Laizo Khumi’ Cho in Amau kampau tek in nanei leuleu uh a, khangsawnsawn masuan ding in Kawlte valhtum ding minam ihihi.

Tua man in sanggam te in tualsuaklai neilo uh hi a, Ei te Zomi in tualsuak lai namnih bang anei ihi zen hi.

Tua phuahlo in omlel ding alungngai mipil aom mahbang in Puahtoh ding alungngai mipil mitei miciimm ki om leuleu hi. Tu in Piantit gampai te lai kikhak na bangbek hilo in Computer ah Zolai Keymap kinei kingkeng ahih man in Khangthak itute khang ah hih Lai Laipian lai’ Pau Cin Hau lai ci heihailo in minam 53 akhuicip suk official lai isuah ding tulai eite in masuan inei hi.

Hih lai api cin ciang in Laipian biakna azuite in hihlaitawh athubullet Pasian thubu gelh ding a, Zomi Christian in zong minam 53 te eikampau in azuih kimna ding in Hih laimal tawh Holy Bible igelh khiat hun hong tungding ahihi.

Tua hun ma in Hihlai tawh kampau dangtuamtuam ahi Laizo, Zotung, Zophei Khumi , Cho mi Khang kampau tawh akigelh khiat loh ding thupi ahihi. Lainei minam Pasian thupha piak minam cipsak kipsak ciang in Minam hong kisehsat 53 akhui siam makai GZA’ WZC’ LZI, ZOLLS,ZOLUS,ZOCUS, ZOMUS, ZONUS in muibun mahmah ding ahihi. Tu in Tongdot bu offset ah bu 500 kizo pan hi.

Hau Thang