Zolai malgawm dan (LST)

Zolai malgawm dan (LST)

1) LST sunga Zolai/kam/pau ahilo kammal limlim Manglai/kam/pau (English) malgawm danin zangh lehang i zat dan a kibangkim baih dingin ka lamen hi. Min khempeuh zong Manglai malgawm danin gawm dingin hoih kasa hi.

2) A aw suah ciangin Zopau aw suah ding (Ahih theih leh Mangpau aw suah tawh kineh leh hoihzaw lai hi)

3) I LST malgawm dandan i cih hangin LST zong nam tampi neita hihang. Amau malgawm dan khat-le-khat kibang hetlo hi (Zeisu, Jesuh, Jesu…)

4) I LST tuamtuamte malgawm dan kibanglo bek thamloin i omna dung zui in ei aw suah ciat tawh kimalgawm lai hi (Mun tuamtuam a om Zomite).

5) Tua ahih manin Zolai/kam/pau ahih kei leh i phuah tawmtawm sangin Manglai/kam/pau ah kigawm lehang kipumkhat baih penna le noptuamna tampi hong piangsak dingin ka lamen hi. Min khempeuh zong Manglai malgawm danin gawm dingin hoih kasa hi. Adam, Abraham, Moses, Jesus, Jesus Christ, Peter, John, James… (Mosi, Abiahang, Pitazuh cihte pen Zolai original aw kaih/suah hi zenzenlo-a Kawlpau huzap (influence-na) panin hong pai hi dingin ka ngaihsun hi).

Rev Dal Lam Mang
Logos Life