Zogam leh Zomi te ading December khasung vai thupi mahmah pawlkhat

Zogam leh Zomi te ading December khasung vai thupi mahmah pawlkhat

1. Zosiam te Zogam ah cina mi 2000 val bawldingin Dec 10 ,2015 nitak in Bethel Zomi Baptist Church ,Kalaymyo ah Khahkhiatna kinei ding hi. Dec 11-19 sung Zogam sung ah thupha bawl in kuan ta ding uh hi. SUANGSANG LEH TUPI Center in zang ding uh a, akim a khua khempeuh kisam ding hi. Thungetpih ni.

2. ZYA mintawh Zomi Tan 10 D ( Distinction) ngahte pahtawina Dec 10 ni mah in Bethel Zomi Baptist Church , Kalaymyo ah kinei dinga, tuciang mi 200 bang min pia khin kici hi. Hih pahtawina ah Zomi Christian Church , Louisville, Kentucky ,USA ten Sponsor semding uh hi.Ki pahtawina in hong thahat sak hi. Zosiam te khahkhiatna tawh kigawmding hi kigeel hi. Thu ngetpih ni.

3. Zomi bup Lungdamkohna ZCD makaihna tawh Dec 11 ,2015 ni in Tedim khuapi ah kinei dinga, Abeisa kumsung khempeuh a Topa hong makaihna tungah lungdamkohna leh mailam ah Topa hong makaih den nading Lunggulhkohna thupi takin kinei ding hi. Zosiam te zong kihel thei ding hi. Thungetpih ni.

4. Tauleng khua kisat zawh kum 100 cin Lungdamkohna pawipi Dec 12 ,2015 ni in kinei dinga, khua 30 kim panin pawipi sim paiding hi.Zosiam te zong kihel ding hi. thungetna ah phawk ni.

5. Zogam nitumna lam ahi Tauleng khua ah Bawlung kidemna pawipi kibawl ding a khua 26 pan kisam in, Dec 14 ni in Tualpi thak apna leh honna thupi takin kineidinga, Zosiam te zong kihel thei ding hi.Thu ngetna ah phawk ni.

Pasian in Zogam leh Zomi te adingin mimal kim thupha in hongzang ciat tahen.

Thupuak,

Rev.Pau Khan Khai.
Zosiam Gospel Ministry.
Nov 17.