ZIUSA Reports: UN Numei Khawmpi (by Ningpi Gualnam)

ZIUSA Reports: UN Numei Khawmpi (by Ningpi Gualnam)

Dear …
Zomi Laizom U leh Nau, Nu leh Pa, Lawm leh Gualte aw,

Zomi Innkuan USA kipawlna tang’in Zomi min tawh UN Numei Khawmpi ah akah Nu Zen Khan Ning (Sianu Ningpi Gualnam) in Khawmpi a kahna thu leh a tuahkhak thute pulakna (Report) hong puak a, kicing mahmah, kician mahmah in thupi mahmah hi. Hih Email tawh hong khakkhawm ingh.

Hih UN Numei Khawmpi pen “The 59th Session of the Commission of the Status of Women/Beijing +20 (2015)” kici a, UN Kipawlna sung a gam tuamtuam pan akah Numei Makaite leh UN ECOSOC ah Consultative Status angah CSO/NGO kipawlnate akah thei ahi hi. Zomi Innkuan USA kipawlna inzong Consultative Status hihna tawh Tangmi akipuak thei hi a, Zomi-te thu ahi zongin, Kawl gam thu ahi zongin, hih Khawmpi thulu tawh kituak thute a sung thei, a pulak thei, a kum thei ahi hi.

ZIUSA kipawlna tang’in Khawmpi akah dingin akicial numei makai pawl khat sung pan, Zomi numei makai (6) leh ZIUSA EC pan makai khat vakah zo hi. Khawmpi akah Makaite pen ZIUSA kipawlna min tawh sum leh paai a kisik zo hilo a, gam leh minam a itna uh, Zomi numeite dinmun a khualna uh, kipawlna a deihsakna uh tawh hong kipiakhia in Khawmpi akah uh ahi hi. A hun a vaite uh nusiabek hilo, amau leh amau lamsaap kisik in, zinbuuk zongtawm uh a, anguai a tuntawm uh ahi hi. Amaute kipiakkhiatna leh a minam itnate uh ZIUSA kipawlna in nakpi takin kizahtak a, amau tung ah nakpi takin kilungdam hi.

Sianu Ningpi in ahong puak thupulakna pen a manpha mahmah ahih manin, limtak in nasimsak unla, mailam maban kalsuanna ah lawhcinna leh mazanna ih neih semsem theihna dingin ma ih pankhop dingin ih kihanthawn hi.

GSKhup
President
Zomi Innkuan USA

Note: Anuai a PDF lim tungah namek lecin Download kullo in ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…