ZIS pan Pu Pum Do Lian (Murlen, Mizoram) dahpihna lai

Zomi Innkuan (Singapore ), Dahpihna Lai, Pu Pum Do Lian (Murlen, Mizoram)

Zomi Innkuan ( Singapore )
Dahpihna

Pu Pum Do Lian ( Murlen, Mizoram)
Zomi Innkuan ( Singapore ) te’ ka Makaipi uh ahi Dr. Hau Za Cin pianna pa ahi Pu Pum Do Lian ( Murlen khua, Mizoram State) in lem-et hetloh laitakin (26/04/2015) ni-in vangam ong zuatsan manin nakpi takin no innkuan tawh aki bangin kong dahpih mahmah uh hi.

A ( 2 ) veina Zosuan Tuailai Khawmpi ah, na neih khempeuh it siklo takin piakhia aa, Zomi leh Zogam khantohna dingin nasep lianpi na sep laitak ahi hi. Na hoih na manpha, na sep laitak ahi hi. Inn phual zangah na om theihloh hangin , lungdam angtang kipak takin Pa in vangam ong zuat ding hi cih pen kitel mahmah hi.

Hih bangin pilna sangpi anei tapa ong neihkhak amah hampha mahmah aa, minam leh a mipihte avei tapa mipil ong neih pen, amah zong lungkim mahmah dinga zong lungnuam mahmah ding hi. Hih bangin nuntak haksat kawmkal pan, a tate leitung pilna sangpen a guanzo, apantah khiazo amah pen Pa hoih mahmah hi-a Zomi bup in ama ong pantah ziate ih et-teh ding ahi hi.

Tu laitak in Kawlpi aa Pa Kim Khan Nang ( Dr. Hau Za Cin’ nuno pasal) in ong nusia sawnsawn lai aa, dahna kithuap keei ding ahih manin Topa in Dr. Hau Za Cin leh a zi Sm Vung Lian Cing leh adah akap a innkuan pih leh sanggam u leh nau khempeuh tungah hehnepna leh thuakzawh siam nang tha leh ngal mahmah ong piak nangin thungetna tawh kong phawk den uh hi.

Zomi Innkuan ( Singapore )
Executive Committee
(27/04/2015)