ZIS Makaipi TCC ah Visiting Professor in pai ~ Hau Za Cin

ZIS Makaipi TCC ah Visiting Professor in pai

Dear Zomi u leh nau,

Zomi Innkuan (Singapore) makaipi Dr. Hau Za Cin Suante pen Yangon ah om Tedim Christian College ah laihilh ding in 1 Aug 2015, 8:55 AM in Changi Airport pan in a zi, Nursing Manager asem, Nu Vung Deih Cing tawh ding khia ding uh hi. Siapi Rev Dr Nang Sawm Piang in zindo in a kisam bang na vaihawm sak ding a hihi.

Tua kawm in GZA makaihna tawh tui/guah hang in cimawh mipih te a ding thunget sakna ah zong tu laitak in Yangon a om ZIS makai te tawh va kihel ding in lunggulhna om hi.

Amau leh amau lamsap kisik in Pasian leh minam a ding in hici bang in a mapanna te uh ciapteh leh etteh huai hi. Dr Cinpu ten 8 Aug 2015 in Singapore hong tung kik ding in gelna om hi. Thungetna ah phawk ciat ni.

Pa Khup Khawm Mung
Thuvanpi
Zomi Innkuan Singapore