ZCD maban te (07 July 2015)

ZCD maban te (07 July 2015)

Zomi it teng; 5015- Election pen utleng utkei leng ih phul khak ding
lampi ah mun khat hi.

ZNC/ZCD in ki tel ding thu om tase kei leh Minam a ding Policy thuli
bulphuh in ki sem toto hi,tua hi in kitelna zong pello ki lut ding a
ki ngah ding cih zong telsa hi mai hi.EC sung pan kuanglui ding zong
mithum om khin ta hi.

A sawt lo in Tedim ah Aungnaizi zumpi ki hong ding a tua lai pan
kuanglui nuam te zong min kila ding hi.Aungnaizi komiti leh CEC in
mipi thukimna tawh MP ding te kikip sak ding hi.Zum ding in zong
khualai ah innpi bup khat ong ki zangsak ding ahih man lungdam huai
hi.

Zomi mipi lung hih mawhna : Tu lai Kawlgam nainganzi khua hun pen,USDP
Baho lah phel nih suak in Tamada ding zong gel zo nailo uhi.( U Aung
Taung Interview)Zomi USDP pawl in kua zaw tawh ki pawl uh hiam ki thei
nailo hi.

2008-Constitution sung pan alaigil 436 ki puah zolo leulei in Ko kumpi
phuan zo ding,ASSK Tamada ong suang leh hamphatna ngah ding a cici
Policy nei mello teng zong amkham leuleu uhi.

KAWLGAM ah hun khat lai in Phahsahpahlah ong kitap ciang Time ten
Newin hanthawn in Aana teng sak ngei uhi,tun zong dipkuat huai veve
hi.

Khual zinkawikawina mun te ah mipi minam it te’n ZNC/ZCD in minam thu
a gengen te uh kum 25 val sungah a genna ding mun tung zo nailo ahih
uh teh tutung Hluttaw ah puak in cihmah hun a,ki gen ngeinailo Zomi
thu gen sak limlim ni cih hi pi pen hi.

lungdam gin Kam Lian