ZAM Thupuak :: 28 September 2014

ZAM Thupuak
ZAM :: Zomi Association of Malaysia

Malaysia Khuado Pawipi ah Zomi Idol, Zolia & Zotaang kidemna nasiatak om ding

Malaysia gamsung ah October 15, 2014 niciang in Zomi Ngeina Khuado pawi nopcitak in kibawlding a, tua Khuado pawi minpua mah in Zomi Idol, Zolia & Zotaang 2014 kidemna nopci takin ki bawlding hi.

2014 Zomi Idol, Zolia & Zotaang abei khempeuh Sponsors hongpiasa te anuai a teng ahihi.

U Kaino & Man Mang te innkuan RM3000
U Philip Mawng (Taungzalat) te innkuan RM2000
Pa Pau & Nu Cing te innkuan RM500

Zolia & Zotaang kidemna pan gualzawhna a ngahte anuai a bangin pahtawina kipia ding hi.

Zolia 2014, Zolia anihna, Zolia athumna :(Trophy, Crown, Sash, Bouquet pak hing) cihte ki piading hi.

Zotaang 2014, Zotaang anihna, Zotaang athumna :(Trophy, Sash, Bouquet pak hing) cihte ki piading hi.

People Choice Award (Zolia & Zotaang)zong ki teelkhia ding aa, (Trophy, Sash, Bouquet pak hing) cihte kipiading hi.

Zolia & Zotaang kihel khempeuh pahtawina trophy kipia ding hi.

Zomi Idol kidemna pan gualzawhna a ngahte anuai a bangin pahtawina kipia ding hi.

Zomi Idol 2014, Anihna, Athumma : (Trophy leh pahtawina laidal pi hoih mahmah kipia ding hi.)

Zomi Idol 2014 Top 10 a lutzo khempeuh zong pahtawina laidal pi kipia ding hi.

2014 Zomi Idol, Zolia & Zotaang Malaysia pahtawina piakdan ding atung adan hi a, Sponsors hong piakhiasa sanggam te tungah lungdamna lianpi ihko hi. Sanggam dang te pawlkhat in zong hong piak behlai dingin lametna lianpi kinei lai hi.

Zolia & Zotaang kihel khempeuh i man (photos) hih link ah https://www.facebook.com/zomidaily October 1-13 ni dong thapia ziahziah thei ta ding a, tua pan a “like” tamngah penpen Zolia khat leh Zotaang khat People Choice Award kipia ding hi.

Zomi Idol a kihel dingte theih ding

Zomi Idol 2014 kihel ding khempeuh October 4 (Saturday) ni-in sun 11am in Top 20 kitelna anuai a Biakinnpi ah om ding hi.

Sunway Youth Fellowship
3A-2, Jalan PJS,
8/11, Dataran Mentari
46150 Petaling Jaya,
Selangor

October 11 (Saturday) ni-in tua mun mahah Top 10 kitel khia leuleu ding hi. Tua Top 10 kitel khia teng KHUADO ni ciangin hong zai ziahziah ding uh hi.

Bus tawh paite adingin KL pan Metro 10, 13 leh U 63 te tungsuak pah hi. Zomi Idol ah kihel ding khempeuh in hunlap sawm hamtang ni.

Lungdamna lianpi tawh,
Zolia & Zotaang- 2014 Malaysia Committee

Malaysia gamsung ah akiteeng te ading US Visa lametna om

Abeisa hunsung in USA gampan Green Card or Travel Document a ngahkhit uhciang tangval pawlkhat Malaysia ah zi neiding in hawh uh a, tuapan in azi te uh sapnading Visa Apply uhhi. USCIS leh NVC panin Approval a ngahkhit uhciang in azi te US gam alengthei pahding kisa a, kilawp mahmah hi.

Ahi zongin US Embassy ah Interview akilut ciangin Malaysia gamsung ah akiteeng te pen Malaysia kumpi zumah “Registry of Marriage” theihpihna lai hongkalh tawntung ahih manin ki awkcip leuleu hi.

Banghanghiam cihleh nupa kiteeng te US gamsung ah aluttheih nading in akiteenna uhpen kumpi khattektek in theihpihna omding cih thukhun khat nanei uhhi. Malaysia gamsung ah aki teeng Zomi tepen atamzaw biakinn khatpeuh ah aki teengtawmziau ahihi. Tua hi a, Malaysia kumpi in hong theihpihloh bekthamlo, Myanmar kumpi inzong hong theihpihlo uhhi. Hihlai mun ah Zongeina tawh kiteeng cihziau te hong ki zangtheilo hi.

Hihvai tawh kisai Malaysia kumpi zumte ah ahithei bangin kikan kawikawi a, ahi zongin Myanmar Embassy inzong hong theihpihkul cihkhawng hitozel hi. Zomi atawmzaw pen Passport neilo vive ki hizel ahih manin Myanmar Embassy inzong hong panpihtheih nading uh omlo hi.

Tua hi a, ei leh ei septheihdan omlianlo ahih manin anunung ah Malaysia US Embassy te tungah ZAM Palai te’n ih hamsatna te ki genin huhna ki ngen hi. US Embassy panin Malaysia kumpi zumte ahi “Ministry of Foreign Affairs” leh Putrajaya kumpi zum te ah hong phutsak laitak uh hi a, lametna zong ahi ciangkhat omta cihzong US Officer te’n hong genkikkhin uhhi. Ki kupna tampi kinei a, atom in cileng US pan a pasal tezong Register bawlding in hong ciahkulkhathei cihzong ahihi. Tua hi a, hih vai ah nawngkaina aomloh nading in thungetna mahmah ahzong helciat ni cih kong theisak uhhi.

Ih theihsunsun atom kimcing theipenpen in ihki hopsawn ahihi. Tuaban ah ih theihcianmelloh tezong atheizaw te kiangah ihki dotdingzong thupi khading hi. Banghanghiam cihleh hih US Visa vai ah ih upmawhziau tawh thukhat ihki gensawn ciangin supna lianpi omthei hi. US Officer te tungah ih gensa thukhat pen laih themthumtheih omlo a, ih Visa ngahding khawngzong kipelhziau theihi.

ZAM, ACR, CRC, FRO leh DAI kipawlna makaite kimuh khopna

September 20 ni-in atung a kipawlna makai teng a 3 veina kimuh khopna ZAM zumpi ah kinei hi. Kikup thute:

Kimat leh hen vai : Hih vai tawh kisai in kipawlna ciat panin kimat kihen khempeuh sazian OPI ah puak kik dingin ki thukim hi. Bek thamlo in thong leh camp pan hong suaktate thong leh camp ah bang dan a kibawlsia, bang ci ki deidanna om leh amau hamsatna te teci tawh lak theih a omte ki lak sawm in tua teng gawmkhawm in Media te tawh kimuh ding gelna kinei hi.

Innkuan lutpih ding vai : Innkuan lutpih thei nailo khempeuh khat vei kigawm khawmin ten kik ding.

Fraud case vai, P3 leh 93 visa vai te kikup khona kinei thei hi.

October 11 ni ciangin CRC zumpi ah kimuh khopna om kik ding hi.

Innkuan lutpih thei nailo ten October 11 ma in sazian hong puak un

Innkuan lutpih ding angak Zomi akua mapeuh in ZAM zumpi ah October 11 ma in sazian nong puak mengmeng na ding un kong zasak uh hi.

Thongkia meltheih a nei te’n ZAM ah hong zasak un

Thongkia a suakta thei nailo Body No. a theisa Zomi akua mapeuh in ZAM zumpi ah October 11 ma in sazian nong puak mengmeng na ding un kong zasak uh hi.

Tune Insurance te hong paikik ding

October 8 ni 9am-5pm kikal Tune Insurance te ZAM hall ah hong paikik leuleu ding ahih manin a lei-nuam khempeuh in ZAM hall ah nai 9am lapin hong pai un. Nong pai ciangin na UN card number, na UN man (photo) gei a number, suah ni, suah kha leh suah kum cihte kisam mahmah hi. Mi dang na vaikhak ding leh zong tuate lo tawh kingah vetlo hi.

Atheikha naom uh leh hehpihna tawh hong zasak un

Thang Khua Suan (Tuilangh) khuami, Tamu a teng pen Kawlgam panin hong tungthak hi-in Penang panin May 30, 2014 ni-in Palik te’n manin a puakna thong laih kawikawi ahih manin tu laitak a omna mun kithei zonawnlo ahih manin natheih khak zenzen uh leh hehpihna tawh a sanggampa Nang Lian Mang 016 321 3709 tungah hong zasak un.

Kal khat sung Zomi Pawlpi te thunget hun ding anuai a bangin kiseh hi

ZOMI LEAGUE September 21, 2014 Results pulakna

Theihding: Tualpi a pai kimawl te hita leh a ente hihta leh akua mahpeuhin tui, avot, nektheih tuam nekding a neite in na nekkhit, na dawnkhit ciangin ninbung sungah na paihsak pahpah un. Na nekna, na dawnna ciang nangawn nin bung sungah napaih zawh kei ding a leh neksawm, dawnsawm kei zawin nin tawm ding mi a tuamin kineilo hi.

ZOMI LEAGUE 2014 maikal October 05 ni Semi Final kimawl ta ding hi.

Kidawm! kidawm! kidawm!

Mydin leh Kotaraya kiim a phone zuakte naih ken ci a ih kigen tamveipi hita hi. Amang om, athei nailo zong om, a tuaktuak zong omlai hi. Tua kiim ah na pai leh phone zuakte in hong kai ding uh a, a phone zuakte uh na lei loh phamawh in hong bawl ding uh hi. Na lei kei leh na phone zatlai hong suhsak ding uh hi. Nasum neih teng khempeuh zong hong laksak ding a khut hawm in hong ciahsak ding uh hi. Tup leh velh leh bet ong thuak sak lai ding uh hi.Kidop huai mahmah hi.

ZAM zumah leitheih tuamtuam

(1) English to Zomi Dictionary RM50
Zolai Siangtho RM40
Kawllai Siangtho RM30
Galhiam Labu RM30
Namsiaza RM20

Tukal Palaai te buaipih diak teng

Thawn Khen mang (Lailo) 11 September ni-in Sungaibuluh thong ah ki buaipih.
Anna Ngaihno (Lailo) 11 September ni-in Kajang thong ah ki buaipih.
Gin Do Kham (Lailo) 5 September ni-in Bukit Jalil Camp ah ki buaipih.
Thang Ngaih Mung (Lailo) 5 September ni-in Bukit Jalil Camp ah ki buaipih.
Thang Gin Mung (Lailo) 5 September ni-in Bukit Jalil Camp ah ki buaipih.
Thang Sial Khup (Lailo) 5 September ni-in Bukit Jalil Camp ah ki buaipih.
Cing Za No Tanah Merah Camp pan ki ciah pih.
Hau Suan Mung pen Bentong thongah ki buaipih.
Al Suan Khai (Tuikhal) 15 September ni-in Bentong thongah ki buaipih.
Sang Uk (Khalkha) 13 September ni-in Bentong thong ah ki buaipih.
Nyi Nyi (Kawlte) 15 September ni-in Bentong thongah ki buaipih.
Vung Khan Khen (Zozaang) Dangwangi lockup pan ki tankhia.
Kam Lian Thang (Tauleng) Dawangi lockup ah ki buaipih.
Mang Khat Piang (Anlangh) ACTS/Tzuchi zato ah ki buaipih.
Dal Muan (Kawlpi) Sungai Buloh zatopi ah ki buaipih.
Saw Lang (Pyidawtha) Setapak Balai Police, Jinjang Lockup ah ki buaipih.
Zam Muan Khai (Zampi) Setapak Balai Police, Wangsa Maju Balai Police ah ki buaipih.
Cin Sawm Khual (Heilei) Pau Khan Khual 22, 26 September ni-in ACTS leh IPR ah ki buapih.
Cinh Sian Thang (Tuithang) Ampang zato ah ki buaipih.
Mang Khan Piang (Anlangh) 24 September ni-in ACTS ah ki buaipih.
JPN vai Phone tawh mimal (5) ki gensak thei.
Sui Sui pen 25 Sep ni in US Embassy ah Visa vai ki buaipih hi.
Nant N. Phaung (Karen) pen September 26 ni-in US Embassy ah Visa vai ki buaipih hi.
KFC Bentong ah mi 7, Mega Mall ah mi 7 leh Rompin ah mi 4 nasem ding guang thei hi.
Hihbang in atung a cina luna, kimat kihen atuak ih mipih Zomi te ihvanzawh nadingin hongpanpih pen kuamadang hihetlo a, NANG nahi hi. ZAM Card nongbawl a, kumsim nong Renew tangtang hang ahi hi.

Navak ciang RM50 pua hamtang in

Khua sung navak ciangin a tawmpen RM50 or RM100 pua hamtangin. Deih loh pen kimatna/tuahsiatna tuak le teh kizang thei mahmah ding hi.

KHUADO pawipi bawlna ding mapan khopna apiasa teng

Khua kipawlna pan:
Anlangh RM200
Buan RM100
Buanli RM100
Chiantagyi RM100
Cikha RM100
Cingpikot RM100
Darkhai RM100
Dimlo RM100
Dimpi RM100
Haiciin RM100
Haupi RM100
Heilei RM200
Kansau RM100
Kapteel RM200
Keltal RM100
Laaitui RM200
Lalta RM100
Langzang RM100
Laibung RM100
Lailo RM300
Lailui RM200
Lamzang RM100
Lingthuk RM100
Luangel RM100
Lunmual RM100
Mualbeem RM200
Mualnuam RM100
Mualzang RM100
Muizawl RM100
Ngalbual RM100
Ngalzang RM100
Pangsak RM100
Pangzang RM100
Phaileng RM100
Phaiza RM200
Phunom RM100
Pimpih RM100
Saipimual RM100
Saizang RM200
Sezaang RM200
Singgial RM100
Singunau RM100
Singzung RM100
Suanghoih RM200
Suangphei RM100
Suangsang RM100
Taakkhawl RM100
Taaklam RM100
Tedim Suangpi RM200
Teeklui RM100
Thangkai Suangpi RM200
Thalmual RM200
Thangsan RM100
Theizang RM100
Tongsial RM100
Tualzang RM100
Tungtuang RM100
Tungzang RM200
Tuikhiang RM100
Tuimang RM100
Tuimui RM100
Tuipi RM200
Tuisau RM100
Tuithang RM200
Tuivial RM100
Tuizang RM100
Vongmual RM100
Zampi RM100

Mimal & Biakna Pawlpite pan:
Taung Za Lat (Philip Mawngpi) RM300
Christ Mission Fellowship RM200
Evangelical Baptist Church RM200
International Zomi Christian Church RM200
Malaysia Laipian Pasian Pawlpi RM200
Manaa Zomi Christian Church RM200
Myanmar Believers Fellowship RM200
Rawang Zomi Innkuan RM200
Shalom Christian Fellowship RM200
Sunway Emmanuel Church RM200
Zion United Pentecostal Church RM200
Zomi Adventist Church RM200
Zomi Catholic Community Malaysia RM200
Zomi Christian Assembly RM200
Zomi Christian Fellowship-Canaan RM200
Zomi Christian Fellowship-Kajang RM200
Zomi Christian Fellowship-Kota Damansara RM200
Zomi Ebenezer Malaysia RM200

Theihhuai Phone Number Pawlkhat
Resettlement Support Center (RSC)

RSC Phone Number (1) : 03-2144 8105
RSC Phone Number (2) : 03-2144 7994
RSC Post Tam Phone Number (1) : 03-2141 1943
RSC Post Tam Phone Number (2) : 03-9222 0529
RSC Inquiry Phone Number : 03-2141 5846
IRC-CO Class Phone Number (1) : 03-9222 0041
IRC-CO Class Phone Number (1) : 03-9222 0042

International Organization of Migration (IOM)

IOM Medical Phone Number (1) : 03-9235 5422
IOM Medical Phone Number (2) : 03-2144 2043
IOM Operation Departure : 03-9235 5430
IOM Medical (Sputum) : 03-4021 4314

UNHCR

UNHCR General Line (1) : 03-2141 1322
UNHCR General Line (2) : 03-2117 1400
UNHCR General Line (3) : 03-2118 4800
Fraud Case asap theih zelna : 012 209 6397
UNHCR Hand Phone No. atawpna malthum : 824 : 966 UNHCR Hotline : 012 630 5060 : 011 : 724

ZAM zumpi pan dahpihna

ZAM zumpi a Malaysia Zomi te adingin hunbip palaai sem Sia Kep Lian i pianna Nu Khai Khan Dim (kum 61) in Oct. 24 ni zingsangin Tedim pan hong nusiatna hangin adah akap khempeuh tawh a kibangin ZAM zumpi panin dahna i pulak hi. Hehnemsiampa Kha Siangtho in hong hehnep sak ta hen.

ZAM Card tawi Zomi te ading nasep

UNHCR-EST nasep zonsakna panin KFC sai a sem ding Rawang ah numei 2, pasal 2, NKVE highway numei 2, Chowkit numei 2, Kota Damansara numei 2, Selayang Mall numei 3, Bandar Utama numei 3 kideih behlai hi. Min pia masasa kilut sak ding hi. Alunglutte kizopna ding: Mangpu 019 510 6413

Lundamkohna

Thang Kap Sing (Tongsial) in tukal Thupuak ading RM20 hongpia ahih manin ki lungdam mahmah hi.
Khup Lam Thang (Chiantagyi) in tukal Thupuak ading RM50 hongpia ahih manin ki lungdam mahmah hi.

Address:

155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email:  [email protected]

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.

Note :: PDF tawh na simnop leh

Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…