ZAM Thupuak :: 24 August 2014

ZAM Thupuak
ZAM :: Zomi Association of Malaysia

UNHCR-EDU leh kipawlna makaite kimuh khopna

August 21, 2014 ni-in UNHCR-CDU vaihawmna tawh zingsang nai 9am pan 12pm ciang UNHCR Conference Hall ah kipawlna makaite leh UNHCR-EDU te kimuh khopna kinei thei hi.

UNHCR-EDU panin amau ngimna hong gen uh hi. June, 2014 ciang UN min sanna ngahkhin pasalno 16910 leh numeino 13939 om hi. Tua pen UN ciaptehna tawh hi leh kum 18 cing nailo te cihna hi.

PrimarySecondary in khen uh a,Primarytheikum 6-13 in ciamteh uh a, naupang 9210 om lakah 4552 bek sangkah uh hi.Secondarythei ciang pen Kum 14-17ciamteh uh a, naupang 6355 om lakah 864 bek sangkah uh. Adang teng koiah om? Na sem maw or khutdawhngen sak? ci-in dotna hong bawl uh hi.ah UNHCR-EDU nuai ah sang (120) val ki nei-in volunteers sia 300 val kinei hi.

Zomi sangkah thei ding naupang a nei peuhmah in ZEC sangte ah kahsak sawm ciat ni. Pilna pen zon hun om hi. Kum hong valkhin leh pilna i deih hangin sang kah theih nawtloh hun hong tung ding hi.

Zomi Education Center (ZEC) sangte nang omna tawh koi mun kinai penpen hiam na kannop a leh a nuai a siapite na hopih in:

ZEC-Bukit Tinggi 016 615 7573
ZEC-Cheras 017 283 4101
ZEC-Dengkil 016 392 0612
ZEC-Maharajalela 010 286 6189
ZEC-Kepong 017 218 5545
ZEC-Kota Damansara 017 344 7847
ZEC-Rawang 010 430 8346
ZEC-Talalla 016 913 7121
ZEC-Sg. Long 010 890 7181
ZEC-Sunway 017 313 0054

Health Equity Initiative (HEI) Graduation ah Zomi te 3 in letmah ngah

Health Equity Initiative (HEI) vaihawmna tawh nung kum 2013 September kha pan kipan tu kum July kha ciang dong kigin (Saturday) ni simin kipawlna tuamtuam panin tintan piakna nei denin August 10 ni-in citak tak a atawp dong akah suakzo teng leh laihuan a ong teng Our Lady of Fatima biakinn ah letmat (certificate) piakna nasia takin nei uh a letmat ngah mi 16 lak panin Zomi 3 in pahtawina hong ngah thei uh ahih manin ki lungdampih mahmah hi.

Malaysia UNHCR tangmi Richard Towle leh Dr. Susheela te zong kihel thei uh hi.

http://www.youtube.com/watch?v=-S1RnDGzZ5g

Dengue natna pan kidaldan ding

Tui kholna bungte kal khatin khat vei laihden ding.
Tuibung, tuihai zatloh te khupsa in koih den ding. Tui a om ahih leh asit tawh hamtang ding.
Innpua lam a kikoih vante tungah tui cingte hemkhia/buakhia den ding.
Innpua lam a vanzat loh khempeuh hemkhia/paikhia mang ding.
Omna inn siangtho tak a koih den ding. Lupna khan sung a tui kicin theina munte nisim siangtho sak den ding.

Dengue natna bang dan a kilawh thei

Aedes a kici thoikangpi in natna anei sa khat pet in tua pan sisan hup khia hi.
Tua thoikhangpi mahin tua ahup khiat sisan pen ama tungah pua hi.
Tua khit cingin midang khat petin tua natna kilawh sak hi.

Dengue natna neite nattheih dan

Nasia tak a natna.
Nasia tak lutang natna.
Pumpi tungah cibawk omna.
Taksa leh guh leh tang natna.
Lungam a luakna.
Atunga natna dan na neih a leh nasem pailo in Siavuan te kiangah kilakpah in.

USRAP Khutletbu Sungpan June 8, 15 leh July 6, 20 Ni a Kisuahsak Khinsate I Zom…

USA tung khinsa mi pawlkhatte dot theihzel thute:

9. Ta neu 4 leh 5 bang nei vengin, US hong tung le ung innkuan nuntaakna a hamsa lua diam?
Ta neu 4 leh 5 neih a na tohpih khit nop ding leh nang aa dingin US nuntak pen baihlo kha thei ding hi. American a tamzaw ten ta 2 bek nei uh hi. Ahih hangin lampi om lo cihna hituan lo hi. Na tate pen kum 5 aval khit leh Public sangah kikahsak thei hi. Kum 5 nuai lam ahileh bel sum tampi bei ding hi, bang hang hiamcileh nau khakna munte ah mikim in kha zo lo uh hi. Tua ahihman in nupi naunei dang khat tawh kipawl inla, nang na nasep leh aman nau keem ding cihbang in kihuh le uh cin sum tawmbei zaw hi. Tua ahihkei leh na omna veng sunga nupite tawh naukep kikheel le ucin sum bei tampi phatuam hi. Pawlkhat in naukem, pawl khat nasemkuan cihdanhi leh hoih hi.

10. Manglai mangkam cih thadah laipai takpi zong thei het lo mawk ka hih ciangin kei sep theih nasep a om na diam? Bang nasep ka ngah thei tam maw?
Mangkam theilo leh a gelh thei lote adingin zong nasep om hi. Khasum tamlo cih thu hi bek hi. Ansai, giahbuuk, mehsai leh vanbawlna munte ah kisem thei hi. Mangpau theite aa ding in nasep muhbaih zaw hi. Resettlement Agency te mahmah inzong amau tawh nasem khawm dingin la thei uh hi. Refugee a tamzaw pen nasep hanciam leh kuhkal in minthang uh a, bosste’n nasem dingin deih thei mahmah uh hi. Akisam masa pen ah nasep na muh bangbang sem photphot lecin a hunzuiin a hoihzaw na mu lel ding hi.

11. Kum 18 ka val khit ciangin USA hong tung bang hileng sangkah ka zomto thei lai diam?
USA ah mikim kahna dinga kivaihawm pilsinna sang pawlkhat om hi. Tua sangte ah kum 5 pan 18 kikaalte a mawkna in kikah sak hamtang hi. High school zo nailo leh hihbang sangte ah akah theilo te aa dingin GED (General Equivalency Diploma) kah theihna ding hamphatna ki vaihawm sak hi. GED ah subjects 5 kisin a, Test zong 5 vei kibawlsak hi. A subjects sinte uh hiteng hi: Social Science, Mathematics, Reading and writing in English, Language Art and reading. GED pen nasep loh kaal hun awng neih sunga sinkawm theih ahihi. Na tenna mun tawh kizuiin tam man tawm man thei hi.

12. Natnagil, natna ginalo bang a nei hi zenzen leng US kumpi in huhna hong pia uh tam maw?
Tua thu leuleu ciangin na omna State kumpite paizia thukhun tawh hong kisai ding hi. Bang hang hiam cihleh US ah State tampi om a, gam khat sunga om uh ahihang in a paizia uh kibang kim khin lo hi. Galtaite zat theih ding Health Insurance akici Medicaid/Medicare om sak uh hi. Hihte tawh kizop theih ding pen ei bangmah neilo te a dingin hoih mahmah hi. Tua bang ahih keileh nat leh sat tawh kisai sumbei pen USA ah khat veivei tambei mahmah thei hi.

13. USA kong tun ciangin ka tapa ten galkap sung alut loh uh a phamawh diam?
Na tapate galkap na tumsak sese kullo hi. Ahizongin amau kikep theihna ding leh akisap hun ciang a tenna US in azat theih dingin kimanna khat hamtang bel aneih loh kiphamawh hi. Tuapen kum 18 pan 26 kikaal sung hi. A utkei nak leh galkap kilutsaklo ding hi. Lungkham ken.

14. Resettlement tawh kisai sum bei khempeuh ka khawnung lohkik a kul diam?
Resettlement tawh kisai sum bei khempeuh na lohkik kullo hi. Nang tungpan hong kingen kik pen na vanleng Ticket man bek ahihi. Tuazong US na om zawh kha 3 pan kha 6 acin khit ciang bek hong kingen pan ding hi.

Na Case Dinmun: Case pen khat leh khat kibang lo, a kilamdang vive a hihman in DHS officers te’n khat khat in khentatna bawl uh hi cih ciamteh in. Nang Case dinmun tawh kisai telnopna neih leh anuai a website ah ki en den thei a, email zong kikhak thei hi. Gambel mi tam semsem ahih manin thu nadot khat pen nadotni mahin hong kidawn pah theih kei khak leh zong lungkiat ding hi pahlo hi. Na Case sungah a kilaih khat peuh (behlap/paih) a om lehRSC zum sunga nasemte hunlap in zasak thei lecin kalnih sungin thu hong kizasak kik pah ding hi.

Website : www.casi.rescue.org
E-mail : [email protected]
Phone :RSC 03 2141 5846, IOM (+66)2343 9300)
RSC Address:Support Center,
570 Jalan Bukit Petaling,
Kuala Lumpur, 50460..

US ah len theihna ding tawh kisai sepna bawlna khempeuh sum piak kullo hi. A mawkna hi!
Theihding: Hih thu teng pen USRAP khutletbu sungpan Zolai tawh ZAM zumpi panin a ki letkhia hi.

Malaysia Zomi Khuado Pawi Tangkona (Zomi Idol leh Zolia & Zotaang)

Malaysia gamsung aom Zomi khangno te lapsang nading in 2014 Khuado pawi hunsung ah Zomi Idol leh Zolia & Zotaang kidemna neihtheih nading in nasia takin ki vaihawm hi.
Zomi Idol leh Zolia & Zotaang kidemna ah alunglut te theihding in thukhun pawlkhat anuai ah kong suaksak uhhi.

Zomi Idol 2014 Malaysia kidemna ah

Music LIVE in ki tumloding ahih manin, aki demding khempeuh in Sound Track (Karaoke) la dawngnih ta aki ginkholh kulding hi.
Zomi Idol ahih manin Zomi tebek lasading in ki phalding hi.
Guihtheih khamtheih zangsa in lasak ki phallo hi.
Nikten puansilh utbangbang kingah a, ahi zongin mipimit adong loding ki lunggulh hi.
Zola ahih nakleh Pasian la, Gamngaihna la, Zawlla, Nu leh Pa itna la te ki sathei hi.
Alunglut khempeuh min sazian pen September 15 nitak 5pm dongbek ki sangding hi.

Min piaktheih nading:

ZAM zumpi ah
Deih Mang (Sower Sisters) 016 376 0237
Pa Suanno (Zomi Vocal Band) 017 265 8862
Lengtong Pauno 017 272 5574
Vai (Inn) 016 629 3698

Zolia & Zotaang 2014 Malaysia kidemna ah

Kum 25 nuaisiah tebek ki helthei dinghi.
Zolia & Zotaang kidemna ahih manin Zomi hi hamtang dinghi.
2013 kum Zolia & Zotaang kidemna ah pahtawina a ngahsa mi 8 te ki helkik theinawnlo dinghi.
Zolia mi 20 leh Zotaang mi 20 tuakbek ki sangding ahih manin, aki helnuam khempeuh ZAM zumah Registration Form nong Fill Up nading un kong zasak uhhi.

Dotbehnop aomleh:

Siama Deih Mang 016 376 0237
Siama Cii Cing 011 1282 8482
Zomi Idol leh Zolia & Zotaang Committee

Tukal Palaai te buaipih diak teng

Kim Deih Vung (Pyidawtha) 15 August ni-in Maluri CID te mat ki buaipih in suakta kik thei.
Cin Sian Mang (Tungzang) 16 August ni-in CID te mat Dangwangi Polis zum pan suakta thei.
Khualpi (Kawlpi) 16 August ni-in CID te mat Dangwangi Polis zum pan suakta thei.
Sawm Pau (Pakzang) 16 August ni-in CID te mat Dangwangi Polis zum pan suakta thei.
Kam Sawm Lian (Zozaang) 17 August ni-in CID te mat Dangwangi Polis zum pan suakta thei.
David Hrem (Mindat) pen 19 August ni-in Tung Shin zatopi ah ki buaipih.
Vial Nem Cing (Mualbeem) pen 19 August ni-in Tung Shin zatopi ah ki buaipih.
Khai Lian Pau 20 August ni-in UKM ah kibuai pih.
Kai Sian Mung (Vangteh) pen 21 August ni-in Ampang Clinic ah kibuai pih.
Cin Suum Khual (Heilei) pen 22 August ni-in UN ah avai ki vanpih.
Nem Ngaih Niang Ampang zato ah ki buaipih hi.
Nang No (Phaileng) Card mang, Palik zum ah paipih.

ZAM Card tawite ngahtheih hamphatna

Deihloh pen sihna tuaka ZAM card ahinlai (valid) leh sumtang RM500/-(zanga) sihgalna kipia.
UNHCR department tuamtuamah lai-at ding aom leh manngenlo (free) in ki-atsak.
Nasep neilote nasep manngenlo (free) in ki zonsak.
Damlohna, mat leh hen vai tawh kisai-in, manngenlo (free) in avai kipanpih a, ahizongin sum leh paai tawh ki panpihlo hi.

Bukit Jalil Thonginn pan mi 200 suakta

August 19 ni-in UNHCR-OPI panpihna tawh Bukit Jalil thonginn panin mi 200 suakta sak thei uh hi. Zomi sungah a kibuai pih honkhat zong hong suakta thei uh ahih manin ki lungdam pih mahmah hi. Hong suakta thei nailo i mipih te amanlang a hong suaktak theihna ding thungetna ah phawk ciat lai ni.

Thongkia laidalpi ngah man (photo) kizaih nailo te ZAM zum hong zasak un

Zomi thongkia a suakta laidalpi bek tawi a man (photo) kizaih nailo khempeuh in ZAM zumpi ah hong zasak un. UN zumah man kizaih dingin hong ki paipih ding hi.

Navak ciang RM50 pua hamtang in

Khua sung navak ciangin a tawmpen RM 50 or RM100 pua hamtangin. Deih loh pen kimatna/tuahsiatna tuak le teh nang adingin hong honkhia zo ding hi.

Dr. J. M. Ngul Khan Pau te nupa tawh hunnuam kizang khawm thei

Malaysia ah ZCMC tintan leh Ordination pia ding a hong zin Dr. J. M. Ngul Khan Pau (GZA Member) te nupa tawh August 18 ni-in ZAM thudotpi (ahi thei-zah) teng leh palaai (ahi theizah) teng tawh nitak nai 5pm pan 9pm ciang hunnuam/hun manpha kimang khawm thei hi. Mailam ah Malaysia a om Zomi te phattuamna ding sepkhop ding thu pawl khat zong kikupna kinei khawm thei hi. Hih bang a hun manpha hong hawmkhia Siapa te nupa Topa’n Zomi te a vanzo kawikawi lai dingin thupha hong piaksak semsem ta hen!

UNHCR & TUNE Insurance leinuamte ading August 30 (Saturday) ni ZAM Hall ah kilei theita ding

TUNE Insurance vaihawmna tawh hong tung ding August 30 (Saturday) ni ciangin Insurance a leinuam khempeuh adingin ZAM Hall ah zingsang nai 9am pan 5pm ciang kilei thei ding hi. Min piasa khempeuh leh apia nailo a lunglut khempeuhin nong pai uh ciangin na UN card uh hong keng hamtang un. Innkuante ahih leh a pa pen leh innkuan pihte UN card or copy hong keng hamtang un. Atung masasa leh alei masasa ahampha hong hipah ding hi.

ZOMI LEAGUE 2014 maikal ki lawmtatna kimawl ding pawlpi te

Khua kipawlna panKHUADO pawipi bawlna ding mapan khopna apiasa teng

Chiantagyi RM100
Cikha RM100
Kaptel RM200
Lunmual RM100
Mualbeem RM200
Mualnuam RM100
Pimpih RM100
Ngalzang RM100
Phaiza RM200
Sezaang RM200
Singunau RM100
Suanghoih RM200
Taakkhawl RM100
Thalmual RM200
Tuimang RM100
Tuimui RM100
Tungzang RM200
Vongmual RM100
Zampi RM100
Zozaang RM100
Pawlpi pan
CMF RM200
ZAC RM200
ZCA RM200
ZCCM RM200
ZCF Kajang RM200

ZAM-ZSM pan dahpihna

Pa Do Khan Vai (Limkhai khua) Singunau a teng, (Zealhum) beh pen nuntak haksatna hang tawh Malaysia lam hong pai in, Malaysia Puaisa te khut sungah kal nih a om khit ciangin hong paikhia thei-in KL Cheras niangtui sai ah tawmvei semin tua panin 03 June, 2014 JB lam ah a nasepna laih hi.

17 August, 2014 ni nitak lam nai 2:50pm hun lian in a nasep laitak inndawl 20 na panin inndawl ngana tung ah kiasuk in, anuai atun laitak in a husang lai a, Zato ah mawtaw tawh manlang tak puakpah uh hi. Ahih hangin lamkal panin Vaipi in leitung ah a nuntaakna hong tawlngak san hi.

August 18 ni ZAM-ZSM, makaite tawh kikum in hih thu a vaan dingin Sia Tuangpu leh Sia Thaa Mung ki paisak hi. Vai teng khempeuh a vaankhit uh ciangin August 21 ni-in ZAM Hall ah khuapih ulehnau leh Zomi pih teng tawh zingsang 10:00am-12:00pm sung hun kibawl a, hunman teh Bus tawh Sepang hanmual leiah tuhna kinei hi.

ZAM member khat ahih manin RM500 tawh sihgalna kinei hi. Pa Do Khan Vai hong nusiatna hang a adah akap, lungzuang khua-ngai, a zi le tate leh thanem mi khempeuh tawh akibangin ZAM-ZSM zumpi panin dahna kong pulak uh hi.

ZAM Card tawi Zomi te ading nasep

UNHCR-EST pan mahin Johor Bahru KFC sai a sem dingin Zomi citak mi kideih behlai hi. A lunglut khempeuh ZAM zumpi ah na min sazian uh hong piapia un.
Restaurant Mei Sixhin Sri Gombak ah sem ding pasal citak 2 kideih. Kha sum RM1000/ omna pia, an pia. Khat 1 teh 2 vei off. Alunglutte kizopna ding: Mangpu 019 510 6413

Lungdam kohna

Dr. J. M. Ngul Khan Pau te nupa in ZAM nasepna te thunget sakna leh RM200 tawh ma hongpang khawm uh ahih manin lungdam ihko hi.
Gamsung gampua leitung mun tuamtuam pan ZAM nasep nate tha napiak nopleh lungdam takin hong kisang ding hi.

Address:

155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email:  [email protected]

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.

Note :: PDF tawh na simnop leh >>> LINK

Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…