ZAM Thupuak :: 23 Feb 20 (Zomi Nam Ni nuamtak kizo)

ZAM Thupuak :: 23 Feb 20 (Zomi Nam Ni nuamtak kizo)

ZOMI NAM NI NUAMTAK KIZO THEI :: February 20 ni Zomi Nam Ni hi ci-in I neulai pek pan Zolai sim bu sung ah I sin mah bangin 72nd Zomi Nam Ni pen 20 February 2020 (Thursday) ni-in Viva Home Mall pisung a om, Mega Star Arena hall pi sung ah nopci tak in kibawl hi. Tukum Zomi Nam Ni pen kumdang te bang loin hong khaktan tampi om mah se leh nuamtak leh picing tak in I gualzawh theih na pen mimal kim in kei ma minam ni hi cih lungsim tawh panla in I sep khop man ahi hi.

Hungelna sa om mah bangin zingsang lam 11:00AM lian in MC hong sepsak ahi Rev. Dai Sim Mang in hong makaih in “Zomi te hanlungciam khangto diam” ci-in mipi ki awng ziahziah a, tua khit ciangin Rev. Thawng Khan Sut makaih na tawh “Topa laptoh Zomite” cih la kisa ziahziah hi.

Sia Pau Khaw Muan Lal in kipat thungetna hong neih sak khit ciang in Zomi Nam Ni Committee, Secretary Sia Kap Za Khup in thukong honna leh vaimuakna hong nei hi.

Tua khit ciangin ZEC-KL te in ngeina lam hong lak uh hi. Aban ah lasiam Sm San Nuam in lasak na hong nei a, mipi in kisakpih ziahziah in nuam kisa mahmah hi. A ban ah ZEC-Cheras te in ngeina lam hong lak leuleu uh a, et lawm mahmah leh tha kingah mahmah hi.

Tua khit ciang in 2020 Zomi Nam Ni ah zin mangpi ahi Global Zomi Alliance (GZA) thuvanpi Rev. Dr. Do Suan Mung in thugenna hong nei hi. Zomi te ading in thu manpha tampi hong gen khia in mipi in zong tha kingah mahmah hi.

A zom ah Kawlgam pan in hong zin pak Lasiam Cingtom in la dawng khat hong sa leuleu a, mipi te in nuam sa semsem hi.

Rev. Gin Khan En in Zomi Gen Vai Kipawlna (ZSM) tawh kisai in thugenna hong nei a, tua khit ciangin ZEC-Klang te in ngeina lam hong lak leuleu uh hi.

A zom ah Rev. En Cin Pau in 2020 Zomi Nam Ni sum ngahna leh zatna te hong pulak in, Zomi Nam Ni pawisim hong pai mimal kim kihel theih na ding leh sum kisam lai te adingin sum don na zong kinei hi.

A zom ah ZOCUS te in ngeina lam leh ngeina puan tawh kisai in thungenna tom leh lam na hong thuah khawm uh hi.

ZOCUS te hong lam khit ciangin 2020 Zomi Nam Ni muakna in I bawl ahi Zomi Cup ah pahtawina a ngah te pahtawi piakna kinei a, kimawlna mun zui in pahtawina a ngah te Pa Kaino (New Eden Service Co.Ltd) in hong piak sak hi. A thum na leh a nih na angah te Rev. Thang Za Cin in pahtawina hong piak sak khit ciangin Champion angah New Darkhai team te zin mangpi Rev. Dr. Do Suan Mung in pahtawina hong piaksak hi.

Zomi Cup pahtawina piak khit ciangin hun masa kiman sak a, hun nih na ah gam leh lei itna la te tawh minam ni pahtawi na kinei hi. La dawng 13 bang kisa ziahziah in tha kingah in nuam kisa mahmah hi.

Nitak lam 4:45PM in Rev. Thang Do Khen thupha piakna tawh 2020 Zomi Nam Ni nuamtak leh picing tak in kizo thei hi.

Hibangin Zomi Nam Ni nuamtak in I zawh theih na pen I biak Pa Pasian hong ompih na, Pawlpi, Khua Kipawlna leh mimal kim in lungkituak in I kihelna te hang ahi hi. A munmun I hih theih na, I siamna ciat tawh mapang khawm mimal kim tungah Zomi Nam Ni Committee pan in lungdamna lianpi kong pulak khia uh hi. Zomi Nam Ni Committee

UNHCR ZUM PI AH APPOINTMENT LA TE KI SAMSAM TA HI NA PHONE LIM TAK LEN IN

ZAM Zum pan in UNHCR ah appointment la in ih lai tinsak te Pawlkhat kisamsam om ta a hihman in ,a kisam pawlkhat te February ni10 khitlam ah UNHCR zum lam pai ding hi ta uh hi. Tua kawmkal ah Phone contact kingah lo zong om lailai I hihmanin I phone tawi te hoihtak kidawm in Phone hong lutleh len ciat ni. Hong kisap leh Kawlgam pan na tai na leh Gambeel mi na hih na kician tak in na gentheih ding ong kisam ding hi. Tua ban ah appointment na nget lai in na at thu tawh a kituak ahih hamtang ding zong hong kisam mahmah ding hi. Tua bang in hoih tak na gel siam theih kei leh a thei ding leh lam hong lak thei ding te kiang ahi zongin, ahih kei leh ZAM zum ah hong pai in kidong thei hi.

LUNGDAM KOH NA

2020 Zomi Nam Ni pen Pasian hong ompih na leh mimal kim in I kihelna hang tawh nuamtak in kizo thei hi. Hibangin pawi pi khat I bawl ding ciangin thu le la bek hiloin sum leh paai mahmah zong tampi hong bei den a, tua a dingin mapang khawm in hong kipia khia Khua Kipawlna, Pawlpi, Kipawlna leh mimal te tungah lungdamna lianpi I pulak khia hi. Topa’n mai lam ahZomite ading nasepna te ah mapang zo semsem dingin thupha tawh hong phungvuh giat ta hen. 2020 ZOMI NAMNI Committee

ZOMI NAM NI ADING PANKHOPNA HONG PIASA TE

• 1. ZEM Pawlpi RM-300
• 2. MLPP Pawlpi RM-300
• 3. Phaiza Innkuan- Malaysia RM-200
• 4. ZCF-Kajang Pawlpi RM-200
• 5. MBF Pawlpi RM300
• 6. Ngalbual Khua Kipawlna RM200
• 7. Cikha Khua Kipawlna RM200
• 8. Lezang Khua Kipawlna RM100
• 9. Haupi Khua Kipawlna RM100
• 10. MZCC Pawlpi RM300
• 11. Tauleng Khua Kipawlna RM150
• 12. Haiciin Khua Kipawlna RM100
• 13. Suangpi – Tedim Khua Kipawlna RM200
• 14. Zomi Innkuan-Rawang Pawlpi RM300
• 15. ZCF-Hatamas Pawlpi RM200
• 16. PWC Pawlpi RM200
• 17. Harvest Pawlpi RM200
• 18. Pangzang Khua Kipawlna RM100
• 19. Taaklam Khua Kipawlna RM100
• 20. Singzung Khua Kipawlna RM200
• 21. ZCCM pawlpi RM300
• 22. Suanghoih Khua Kipawlna RM100
• 23. Saizang Khua Kipawlna RM200
• 24. Phaileng Khua Kipawlna RM200
• 25. Zomi Manchester United Fan RM200
• 26. Mualpi Innkuan Malaysia RM200
• 27. Zampi Khua Kipawlna RM100
• 28. En Sum Piang (Mauvom) RM50
• 29. Tuimang Khua Kipawlna RM200
• 30. Buanli Khua Kipawlna RM200
• 31. Lailo Khua Kipawlna RM300
• 32. Tuithang Khua Kipawlna RM200
• 33. Zion Christian Church -Songgailong RM150
• 34. Heilei Khua Kipawlna RM200
• 35. Ngalzang Khua Kipawlna RM200
• 36. Mualzang Khua Kipawlna RM100
• 37. Zonuamzang Khua Kipawlna RM100
• 38. Ngente Khua Kipawlna RM100
• 39. Tuisau Khua Kipawlna RM200
• 40. Pyidawtha Innkuan Malaysia RM200
• 41. ZSFI Kipawlna RM200
• 42. Old Darkhai Khua Kipawlna RM150
• 43. KL EBC Pawlpi RM200
• 44. Cingpikot -Keizang Khua Kipawlna RM100
• 45. Lingthuk Khua Kipawlna RM100
• 46. Praise Adonai Pawlpi RM100
• 47.New Darkhai Khua Kipawlna RM100
• 48. Tuimui Khua Kipawlna RM200
• 49. ZAC Pawlpi RM300
• 50. Laaitui Khua Kipawlna RM200
• 51. ZCF-Canaan Pawlpi RM300
• 52. IZCC Pawlpi RM300
• 53. Ko Moe & Family RM700
• 54. Kaino (New Eden Service Co.Ltd) RM1500
• 55. Do Pau (Pyidawtha ansai) RM500
• 56. Zion UPC RM150
• 57. Lailui Khua Kipawlna RM200
• 58. Anlangh Khua Kipawlna RM200
• 59. Kansau Khua Kipawlna RM100
• 60. Valvum Khua Kipawlna RM200
• 61. Suangzang Khua Kipawlna RM200

2020 ZSM LAIBU KINGAH TA HI:Malaysia zomi Genvai Kipawlna (ZSM) 2020 ading ki lutthei ta a, ZSM laibu te zong kila thei ta hi. ZSM lut man mi khat ciang kum khat ai RM 20 hi a, hih na lutna hang tawh ahamsa a dong tuak I mipihte a panpih, adah-akap hun ah a khitui anul sak na hi gige hi. ZSM member na lut na in nang ading apia na hikei a, panpihna akisamte a panpihna hizaw hi. A kisam khat I panpihna in Pasian deihna zong ahi hi.

ZSM ADING PANPIHNA HONG PIA TE

• 1. MBF Pawlpi RM300
• 2. Taaklam Khua Kipawlna RM200
• 3. ZEM Pawlpi RM1500
• 4. Phunom Khua Kipawlna RM-200
• 5. Phaiza Innkuan – Malaysia RM-200
• 6. ZCF-Kajang Pawlpi RM-200
• 7. Agape Puchong Pawlpi RM-300
• 8. Ngalbual Khua Kipawlna RM200
• 9. Haupi Khua Kipawlna RM200
• 10. MZCC Pawlpi RM500
• 11. ZCF-Bethany Pawlpi RM200
• 12. Suangpi -Tedim Khua Kipawlna RM200
• 13. Zomi Innkuan- Rawang Pawlpi RM300
• 14. Cingpikot-Keizang Khua Kipawlna RM200
• 15. Singzung Khua Kipawlna RM200
• 16. Saizang Khua Kipawlna RM200
• 17. Mualpi Innkuan Malaysia RM200
• 18. Buanli Khua Kipawlna RM200
• 19. Tuithang Khua Kipawlna RM200
• 20. Zion Christian Church -Songailong RM150
• 21. Zonuamzang Khua Kipawlna RM200
• 22. Praise Adonai ZCF Pawlpi RM200
• 23. Mualnuam Khua Kipawlna RM200
• 24. Vangteh Khua Kipawlna RM200

PILVANG TAK IN OM SAWM NI : Tuhun laitakin kimat kihen hong tam mahmah a, Malaysia kumpite in agam sungah phalnalo tawh om mi tampitak siangsak nuam a hih manin kimat kihenna hong tamto semsem ding hi ci gen khia khin uh hi. Mun tampi ah Oparasi lut kawikawi ahih manin I om na ciat ah kidawmtak, pilvangtak in om ding hanciam ni. A thukin lua mahmah ahih kei leh vakvak kei zaw ni. A diak diakin Immigration te leh CID te uniform silh loin vakvak uh a, tua tungtawnin pawl khat in sum zon nain hong nei uh hi. I vaksuk vaktohna ah kiim leh pam zong hoihtakin I et theih ding hong thupi hi.

ZATO LAM TAWH KISAI : Zato lam tawh kisai-in vai khat peuh na neih leh ZAM zum ah hong ko in. Contact :Sia Mungpi 018 3122 957

TUKAL SUNG ZATO LAM BUAIPIH

• 1. Niang Seuh (Tedim) Sungai Buloh zato ah
• 2. Mung Suan Khai (Tonzang) Selayang zato ah
• 3. Gin Deih Lian (Phaiza) ACTS ah kibuaipih
• 4. Thang Suan (Vangteh) ACTS ah kibuaipih
• 5. Gin Suan Mung (Pangmual) IPR ah kibuaipih
• TUKAL SUNG THONG LAM BUAIPIH
• 1. Thang Lian Mung (Phunom) Balai Sea Park ah kibuaipih
• 2. Nang Lam Sang (Phunom) Balai Seapark ah kibuai pih
• 3. Gin Deih Sang (Suangsang) Balai Mutiara Damansara ah kibuai pih
• 4. Sut Lam Khai (Darkhai) Balai Mutiara Damansara ah kibuai pih
• 5. Cing Deih Thang (Bukphil) Balai Mutiara Damansara ah kibuai pih
• 6. Zam Ngaih Sang (Ngalbual) PJ Mahkahmah ah kibuai pih laitak

KIMAT KIHEN NA TUAK LEH : Zomite kimat kihen na tuak zenzen uh leh hih phone no. te ah na hopih pah in. Nang a dingin atawn tungin kiging sa in om den uh hi.

• Sia Tuang Pu : 016 254 4093
• Sia Zo Mung : 017 663 6087
• Sia Maa Mang : 018 231 1365
• ZAM Hotline : 016 293 9027

LUNGDAM KOHNA

1. Dal Lam Cin (Pangsak) RM100 Panpihna hongpia khempeuh tungah genzawhloh lungdamna lianpi ZAM pan kong tangko uhhi. Hi bangin I pankhopnate hangin tuni dong a kalsuanzo I hihi. Topa’n Zomite adingin mapang zo semsem dingin thupha hong pia tahen.