ZAM Thupuak :: 17 January 2016

Zomi Nam Ni mapankhop ding zotna leh theihsakna :: Malaysia a om Zomi ten kumsim a ih bawl den ih minam ni sawtlo in hong tung ding hita hi. Abeisa kumte mah bangin tu kum zong thupi tak leh picing takin bawl theihna dingin 13 January 2016 in ZAM zumpi ah kimuhkhopna kinei hi. Tu kum zong nopci tak leh picing tak a ih bawl zawhna sum leh pai tampi hongki samding ahih manin muanna leh lametna lianpi tawh Zomi Nam Ni Committee in anuai a bangin ma ih pankhopding kong zawn uh hi.

Mapan khop ding dan :: Khuakhat pan mimal 100 val aom te RM200 pan atungsiah | Khuakhat pan mimal 100 nuai aom te RM100 pan atungsiah | Biakna pawlpi khatciang RM200 pan atungsiah | Khua kipawlna leh Pawlpi panbek hilo in, mimal inzong piaknop zahtek kipia thei hi.

Mapan khopna apia ding khua kipawlna, Pawlpi te leh mimal khempeuh in a nunung pen February 17 ni ma piak kim ding.

Zomi Nam Ni Committee 2016

• President (1) : Sia Kam Lian Mung
• President (2) : Rev. Thang Do Khen
• Secretary (1) : Rev. Dai Sim Mang
• Secretary (2) : Rev. Thawng Ngaih Khup
• Finance Committee : Sia Khoi Sian Tuang
• : Pa Dai Za Kam
• : Rev. Gin Do Khup
• Auditor : Rev. Suan Cin Hau
• : Pa Thang Za Khai
• Cultural : Malaysia Laipian Pasian Pawlpi
• : Sia Hau Cin Nang
• Music : Rev. Gin Khan En
• Sports : Sia Tuangpu
• : Sia Khoi Sian Tuang
• Security & Ushers : Sia Thaa Mung
• : Khua makai khempeuh
• : Zolia & Zotaang teng
• Media : Zomi Daily, Sia Hau Thang,
• : Khampu, CS Sangpi
• Nek le dawn vai : Sia Kam Lian Mung
• Chair Arrangement : Sia Francis Lamthang
• : Sia Cinpi, Lalpu
• Decoration : Siama Ngaih Hau
• : Siama Cii Cing

Zomi bup akua maciat in mapangkhawm dingin muanna leh zahtakna lianpi tawh Zomi Nam Ni Committee in kong zasak uhhi. ZND Committee

Zomi Nam Ni ading mapankhopna apiasa teng

• Tuilangh Khua Kipawlna 100
• Cikha Khua Kipawlna 100
• Singunau Khua Kipawlna 100
• Haupi Khua Kipawlna 100
• Thalmual Khua Kipawlna 200
• Tungzang Khua Kipawlna 200
• Mualbeem Khua Kipawlna 200
• Kapteel Khua Kipawlna 200

RSC te ZAM zumpi ah hong hawh ding

Hongtung ding 20 January (Wednesday) ni zinsang nai 9am in RSC zumpi pan uliante honghawh ding uh hi. Amau tungah na USA paina ding vai dotnop bangbang ki dong thei ding hi.

• RST phikhit zawh kum 1 valkhin napin banghang RSC pan hong kisam nailo?
• RSC phi zawh kha 6 bang phakhin napin bang hang DHS pan hong kisamlo?
• DHS na phipih te sisit kisam ngai napin nang banghang IOM pan hong samlo?
• RSC, DHS, IOM mankhitteh min kitaihna hang tawh UN tungsuk kikte maban ding bangci kalsuan ding?
• Amun : ZAM Hall | Ani : 20 January 2016 | Ahun : 9am

Pu Zokhai tawh holimna om ding

Hong tung ding January 18 ni ciangin Australia pan hong zin ahi Pu Zokhai (ZAM Founder) kiang pan Zomi vai thungenna, dotna dawnna leh gamdang nuntakzia genkhopna nasia tak omding ahih manin Khua makaite, Pawlpi makai siate leh Malaysia a om Zomi a lunglut khempeuh nong ki helkim zawhna ding un deihsakna lianpi tawh kong zawn uh hi.

• Amun : ZAM Hall
• Ani : 18 January 2016 (Monday)
• Ahun : 1pm-3pm
• Sunan : 12-1pm

Malaysia Zomi laaizom mimalkim’ tung-ah deihsakna pulaakna tomno

Malaysia-pen Zomite’ ading bekthamlo Asia gambup’ ading-a akhangto mahmah gam khat hi-a, tua sung-ah Zomite tualbial zihziahthei I-hihman-in naakpi-in Pasian phat-huai kasa-hi, banghanghiam cihleh Kawlgam kiukna kikheel-in khantohna tu-in kipan lehzong KL akibat nading kum 50 kiim peuhmah kisam laai khadinghi.

Hihbang akhangto siingdang’ khuatual-ah Zomite ataangpi I-khuasakzia, sungtum pusuahzia, neeklehdawnzia-a kipan I’ gam-a I’ nunluui ngilh-in nuam I-sa thei-a, Pasian’ Thupha-mah ahihi, ahitazong-in itna leh thukhualna-tawh I-zatsiam keileh tua Pasian’ thupha-pen eima’ siatna hongsuak thei-hi. Nasep tam mahmah-a, I-hawmthawh mahmahsaam hang-in kha-khat RM 900-1200 cih-pen asia hilo-hi. Zogam-ah na kiseem nuam mahmah taleh khasum, nitha naitha kician-tawh sepding a-omlo ahihi. Tua hi-a, Malaysia-ah nasep-pen naakpi-a a-uut-huai ahihna I-kiphawkthak sak nuam-hi. UN vaai-tawh gam thumna pai theih nading lampi-zong nidang bang-in vang nawnlo ahihseem-in hoihtak naseem-a, geelna leh ngiimna athak nei-in, tua ngiimna-tawh kituak haanciamna leh thukhualna-tawh seem lehang gamdang cih bangmah hituanlo,Pasian-in koikoi-ah thupha hongpia theilua ahihlam I-mu dinghi.

Gamdang cihzong Pasian’ thupha lo-tawh anuam om tuanlo-hi. Lungtang kitapna, khantawn khitui luanna, tate’ maailam vangik bang-a khantawn phial-a puak keeikaaina-a kipan psychological, social leh spiritual laden akici lungsim, sahkhua leh khalam vangik apua keeikaai, pualah-a atuuk mi-zong amunmun-ah omhi. Alangkhat-ah, Pasian’ thupha-tawh anungta mi-pen koikoi om taleh lungmuanna leh khamuanna-tawh innkuan kip, innkuan nuam leh innkuan cidam tak-in khuasa uh-a, tua-in VaanGam maleep ahihi.

Tua ahihman-in, hong kimat ma-in, dahna kahna, natna satna-in hongphaak ma-in nasep nading leh sumzon paaizon nading-a hih hunlehmual-hoih mahmah-pen khahsuah hetlo-a I-zatsiam nading naakpi-in I-ki haanthawn uhhi. Malaysia-pen gam thumnate bang-a tax piak akuullohna hi sawnsawn-a, I’ sep bangbang-tawh kituak-a akingahna mun hi laailaai ahihman-in khasum atam I-ngaakngaak kaal-in zaanhun-in hongpha khaleh kiseem thei nawn loding ahihman-in Topa’ hongpiak Nii ataan laai-in naseem-in nulehpa, ziilehta leh ulehnau te’ phattuam nading hahkat ciatni. Hih thuhoih hahkatna-tawh I-manlah takciang-in lungleen khuangaihna leh lungsim gimna akici lungkiat lauthawngnate-tawh I-ki gamla seemseem ding-a, taksa leh kha, lungsim cidam hiilhialna-tawh ma I-nawt zoding uhhi. Pasian-in hong ompih kimciat tahen! Zokhai (Tomkaal KL, Malaysia)

Tukaal sung ZAM palaai te buaipih diak teng

• Mat le hen buaipih teng:
• Kham Sian Lian (Saipimual), Lockup pan kihon khia,
• Kam Muan Mung (Kansau), Lockup pan kihon khia,
• Thang Lian Pau (Lailui), Embassy ah akibuaipih laitak,
• Cin Sian Tuang (Phaiza), a kikanpih lai tak,
• Dal King Mang (Tungtuang), kimatna vai buaipih laitak,
• Lang Suan Kim (Tamu), kimatna vai buaipih laitak,
• Suan Pi (Ngalbual), Lockup ah buaipih laitak,
• Vai Khan Cing (Tuithang), Embassy pan kiciah sak,
• Pau Van Muang (Tungzang), Embassy pan kiciah sak,
• Thang Lam Khai (Gamlai), Camp pan kiciah sak,
• Thang No (Phai), Embassy pan kiciah sak,
• Lang Za Tuang (Laaitui), Camp ah kiveh,
• Khup Thawn Sang (Anlangh), Camp ah kiveh,
• Pau Za Mung (Gamlai), Embassy ah ki buaipih lai,

Damlo buaipih teng:

• Pau Kap Langh (Tuitawh) GHKL ah ki buaipih.
• Pa Cin Lam Khual leh Nu Cing Sian Nuam te tanu ading JPN zumvai kibuai pih.
• (Lia Uap Sian Hoih) ii vai tawh kisai JPN ah.
• (Pa Khai Do Khup) ii vai tawh kisai JPN ah ki buaipih.

ZAM pan dahpihna

Ngente khuami Pa Vungh Go Lian leh Nu Don Za Ngai te tapaTg. Pau Lawm Khual (Kum 23)ZSM No. 09247, Thawmtein 30/12/2015 ni in thunei te kepna innpi Bukit Jalil Camp panin hong nusia ahih manin ih dah mahmah hi. Sanggampa luanghawm hawm tawh kisai ZSM zumpi panin zum vai leh leitang vai khempeuh kaal khat val sung akisep khit ciangin ZCF Bukit Tinggi pawlpi makaihna tawh 09/01/2016 ni in ZAM hall ah anunung thungetkhawmna akibawl khit teh ZSM makaihna tawh Sunggai Buloh hanmual ah kivui thei hi. Tg. Khualpi hangin adah akap te khempeuh tawh ki bangin ZAM zumpi panin ih dah khawm hi. Topa hehnepna hong tungta hen.

A (10) veina Zomi Bup Crusade mapankhop ding zotna leh theihsakna

Hongtung ding February 7-9, 2015 sung a ih Crusade bawlna dingah a beisate kumte mah bangin khua kipawlna, pawlpi leh mimal mapankhop zel ding Zeisu mintawh ih kizawn hi. A vengveng ah ciah leh kuan bus ki vaihawm ding a, amun ah an ki leithei ding hi.

• Zomi Christian Assembly
• Sia Lianboy 018 240 7634
• Pa Lian Pau 016 337 8911

ZCYCM min tawh makaihzia thusinna om ding

Zomi Christian Youth Combine Malaysia (ZCYCM) khangnote makaihna tawh hong tung ding February 5-6,2015 sung makaihzia ding thusinna makai laitakte leh maikai dingte adingin nasiatak in ki nei ding hi.

Fund omlo ahih manin lut mi khat RM30 kila ding a, an kivak pah ding hi.

• Ani : 5-6 February 2016
• Amun : ZCA Biakinn
• Ahun : 11am pan 7pm

Thusinna hongpia ding

• Rev. Dr. JM Ngul Khan Pau
• Kizopna ding :
• Jonny Khuppi 017 610 1315
• Thangta 011 1639 5368
• Eter 011 1064 3415

ZAM ah ngeina puan leh vante hong tungthak

ZAM zumpi ah ih ngeina Zopuan leh vante ki leithei hi. Aki ngahthei van te: Zopuan: a bantong leh a bansau (pasal), Zoniik nam tuamtuam, Puandum, Zodial naikhau (silk), Puanlaisan, Zokhi, Tanghciin, Khephiau, Zolukhu, Zothungkuah, Zodial atuamtuam kingah hi.

Penglam Khui 4 na kingahta ding

Zomi te nuntak haksat luat hangin sak le khang ah ih kikhen thang aa, namdangte lak ah ih Zopau ih Zolai a manthan loh nading veina lianpi tawh Zovontawi Media pan ong ki bawlkhia a hi Zopau tawh “Penglam 4” DVD Zomi Version pen February 20 ni in kingah tading a hih man in, Zomi ulenau akua maciat in thanong piak nang un kong zawn uh hi.

Khui kingah theih nading munteng:

• ZAM Zum, Aung Nan Daw, Taung Za Lat, New Eden
• Ki zopna ding Phone No.
• Cinpu 017 317 6549
• Tha Cin 011 1144 0712
• ZVT Office 010 263 4435
• US 301-631-4108
• Myanmar 09254119864

Lungdam kohna

Pum Khan Khai (Thalmual) in Thupuak bawlna ding RM20 hong pia ahih manin ki lungdam mahmah hi.

Hong nusia Pau Lawm Khual (Ngente) innkuanpih ten vai teng khempeuh buaipih lungdamkohna in RM100 hong pia ahih manin ki lungdam mahmah hi.

Cinpu in “Penglam Khui” Thupuak ah suahsak man ding RM20 hong pia ahih manin ki lungdam mahmah hi.

Note :: PDF tawh na simnop leh
Hih link >>> PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.