ZAM Thupuak
ZAM :: Zomi Association of Malaysia
Kawlgam mi UNHCR ciaptehna ngahsa te Card kipia ding
UNHCR in a ciaptehsa gambelmi hihna ngah khin kawlgam mi137,770 valte Malaysia kumpi in Card pia gai dinga, ciaptehna ngah nai lo khempeuh gamsung lutsim (illegal immigrants) in kiciamteh ding uh hi cih thuthak Home Minister Datuk Seri Dr Ahmad Zahid Hamidi in gen khia hi. A min uh pen UNHCR sunga min khum dan lian mah in kibawlsak ding hi. “Hih card piakna ding tawh kisai-in sum bei khempeuh US$ 3.1 Million (RM10.3 Million) pen Australia kumpi in sik gai dinga, kum thum sungin nasep kiman siang thei dingin lametna kinei hi” cih thu genbeh lai hi.
“Immigration Department te genna ah kawlgammi 20,000 val in UNHCR sungah min ciaptehna ngah nailo uh a, a hizongin amaute’n UN Card tawh kibang lian card dang khat tawi uh hi” ci hi. Hih thu pen Geneva pan International Protection (UNHCR) Director Dr. Volker Turk leh Immigration Department te kihona tungtawn pan a kithei ahihi. Kawlgam mi UN card nei pawlkhat te’n Malaysia gam sungah buaina tuamtuam tualthahna leh kumpi deih loh na sem uh ci hi. Tua banah Ahmad Zahid in a genna ah “Malaysia sunga om UNHCR card tawite tawh kisai sawtpi a kimang ding vai lianpi khat kihawm ding hi” ci hi. Pilna siamna tawh kisai sangkah theihna ding zong UNHCR in Malaysia kumpi tungah ngetna a bawlbawl laitak ahihi.
Cameron Highland a om UNHCR card tawi mi 142 te kimatna tawh kisai-in Ahmad Zahid in a genna ah “UNHCR Card tawi te’n nasem thei hi cih thu om nailo hi. Kumpi thukhun in zong a phal hi loh hi” ci hi.
Media in a pulaakna ah “Cameroon Highland ah Rohinya mi 4000 val om uh hi. Amaute pen kawlgam pan maw Bangladesh pan cih kitello ahih manin amau thu limtak in kikan ding hi” ci hi. Hih thu tawh kisai-in Malaysia kumpi leh UNHCR in a hun zuiin thu kikupna neito khawm zel ding cih thu Volker Turk in Monday ni thu kikupna ah gen hi. Source : Astro AWANI (First published on: November 11, 2014 09:48 MYT)
UNHCR Senior Officers leh Malaysia kumpi thunei te kimukhawm
UNHCR (United Nations High Commission for Refugees) zumpi omna Geneva Headquarter panin Senior Officers ulian pawlkhat leh UNHCR Regional Office omna ahi Bangkok, Thailand pangin Officer pawlkhat Malaysia hongzin uhhi. Tua UNHCR Senior Officers tengin Malaysia gamsung aom kumpi thunei Ministers leh Government Officials tetawh ki mukhawm uh a, thukikupna nei cih Bernama News pan kiza hi.
Malaysia gamsung ah Refugee leh Asylum-seeker mi 150,000 bang UNHCR in ciaptehna Registered pia uh a, tualak ah 93% pen Kawlgam pan. UNHCR te’n Kawlgammi in aki ciamteh sungah Rohingya Community zong kihel a, tulaitak adiak-diak in Rohingya numei te leh naupang tepen UNHCR in abuaipih, alunghimawhpihdiak laitak ahihi.
UNHCR Statement abawlkhiatna ah, gamtuamtuam ah Refugee te omzia hoihtak kankhia in, bangci bangin hutkhiat theihna omdinghiam cih akantel laitak hi ci uhhi.
UNHCR Officers te leh Malaysia kumpi thuneite akikupkhopna sungah adiakdiak in acimawh athanem phadiak Group te bangci bangin International Protection piatheiding cih kikupna nei uhhi. Tuabangin UNHCR te lunghimawhdiak lakah Rohingya te mahmah ciphadiak uh ahih manin, adang minam te ki masaknawnlo bekthamlo kikhiamding cisawnsawn hi. Anuai ah Manglai mahmahtawh zong nasim un.
“During the meeting, they also discussed how to provide international protection for those groups most vulnerable, such as the Rohingya refugees, while looking at how best to manage other groups whose ongoing need for international protection is reducing.”
Ahi zongin adang minam tepen Malaysia gamsung ah naseptheih nading “Labour Migration” ahitheidiam cihzong kikupna nei uhhi. (Gamthumna paitheih nadingpen tawmmahmah cihna hileh kilawm hi). Malaysia gamsung a UNHCR makai alianpenpa UNHCR Representative Richard Towle in Statement sungah agenkhiatna ah tuabang in ki vaihawmthei hileh mikhempeuh adingin phattuamna omding cihi.
Malaysia kumpi inzong agamsung ah aomsa Refugee tepen na semsakthei hileh agamsung ah akisam nasemmi Workforce kicingtuam pahding a, gamdangpan nasemding in Foreign Labour sapsap kulloding cihi.
Hih UNHCR Senior Officers te leh Malaysia Ministers & Government Officials te ki muhkhopna pen lametkai mahmah (Positive & Constructive Discussion) cihi. Malaysia Home MinisterDatuk Seri Ahmad Zahid Hamidikihel ahih manin, khensatna khatpeuhpeuh ah mawkmawklo khading hi. Source: UNHCR Malaysia & ZD Sawltak
Refugee nuntakna pan South Australia Governor dinmun tungtota
Hieu Van Le pen Vietnam gamah asuak hi a, Australia gamah Refugee galtai dinmun tawh atungkhat ahihi. Ahi zongin tu’n Hieu Van Le pen South Australia ah Governor dingin panmun ngahto tamawk hi.
Hieu Van Le genkhiatna ah Refugee dinmun pan South Australia Governor dinmun katuntheih nadingin hamsatna kaphutkhak tawmlo hi ci’n genkhia hi.
A lamkiatna gam Vietnam ah gal atun ciangin 1977 kum in Hieu Van Le leh azi pen gunkuang tawh hong taikhia uhhi. Tuahun laitak in Hieu Van Le pen kum 23 bek phapan a, azi pen kum 19 bek phapan hi.
Tuahun laitak pen hong taikhiatna leitang ah galgim vive tawh aki dimlaitak hi a, anungta in kong taikhiat theihzong alamdangpi khat hi ci’n Hieu Van Le in genkhia hi.
Tuipi tungah gunkuang neuno khattawh hong taikhia uh hi a, nithum sung tuipi tungah huihpi guahpi nawk in, tua kawmkal ah Indonesia gam atun ciangin meimual Volcano nakitam sawnsawn ahih manin, hamsatna tampitak nawkkha uhhi.
Thai gam atun uhciang in Thai gamah lutding kiphallo sawnsawn ahih aman, Malaysia Refugee Camp ah hong tungkha uhhi.
Refugee Camp sung a ombel mihingkhat anuntak sungah abaihlo penpen hun hikhading hi ci’n Hieu Van Le in hamsatna athuaklam genkhia hi.
Malaysia panin gunkuang akehpian nipnep khattawh Australia gam zuanding in hongki pankhia leuleu uh a, laupipi mahin Australia gam, Darwin Harbour hongtung liamliam uhhi.
1976 kumpan 1980 kikal in Australia kumpi in Vietnam Refugee mi 90,000 agamsung ah lutsak uh a, tuapen Vietnam Migrant mi masa hipah cihi.
Australia gam atun ciangin minam ki deidanna hamsatna omveve a, ahi zongin ama adingin lametna thak tampi mukhia hi.
Pilna mah na bulphuh masapah a, Accounting Career tawh kisai in Australian Securities and Investment Commission (ASIC) akici Course asin tohpah banah thumanlo golhguk neksim cihte zong nakpitak in na lehpan pahhi.
Atom in Hieu Van Le nuntakzia tuaciang hi a, Zomi tezong Hieu Van Le etteh in ih tuntunna gamah ih hanciamding ihki hanthawn nuam hi. Pilna mah bulphuah masa in, thuman thutak leh Pasian thutawh nungtakhawm leng gualzawhna in ihmai ah hongngak gige ding ahihi. Source : Zomi Daily
ASEAN Khawmpi ah Obama (US President) le Ban Ki Mon (UN Secretary)
Tulaitak Kawlgam thuthangte sungah akilimgen mahmah ahi A (25) veina ASEAN khawmpi le tua laiah kihel dingSecretary Mr. Ban Ki Mon le US President Barack Obama te thu kilimgen mahmah laitak ahi hi. ASEAN khawmpi pen Kawlgam Nyipidaw khuapi ah Kawlgam inntekna tawh thupitak kinei hi. ASEAN khawmpi ahPresident thak ahi President U Thein Sein in pawi honna le thugenna nei hi. Tua banah ASEAN makaite inleh Japan kikal tuikulh gam vai kitheihsiam lohna leh buaina thu nasiatak kikupna nei uh hi.
UN Secretary Mr. Ban Ki Mon pen November 11, 2014 ni-in Kawlgam Nyipyidaw khuapi tung ta a, November 12, ni ASEAN khawmpi honna hunah thugenna zong nei hi. Tua banah US President Obama zong Sen gama kinei AsiaSumzon Sumzuak Kipawlna “-Pacific Economic Cooperation (APEC)”‘ Khawmpi (APEC Summit) ah akahna pan12, 2014 (7:45pm) hunin US President vanleng Air Force One tawh Nyipidaw International Airport tungin, Kumpite le US Embassy pan nasem khempeuh in vaidawnna nei uh hi.
Amau Zinmangpite gelin ASEAN khawmpi akihel banah Kawlgam kimakaihzia le kalsuanzia tuam-tuamte a lunghimawhna thu uh Kumpite le 
Daw ASSK tawh limtak holimna nei uh hi. A diakdiak in Daw ASSK in mai 2015 kiteelpi ciangin President a ngah theihlohna dinga Kawlgam Kumpi’ bawl tawm thukhun pena manlang a laihkikna ding uh Kumpi thuneite genpih ding uh hi. Tua banah Kawlgam Rakhine State sung a om Bengali (Rohingya) minamte Kawlgammi a ciaptehna ding vai zong limgenpih mahmah uh ci hi.
Hih ASEAN khawmpi sungah Islamic hiamgam nasem pawlkhat in buaina bawlsawm cih thu kiza ahih manin, bitna lam tawh kisai Kawlgam galkap le Palikte in nasiatak enkolhna nei uh hi. Tua bek tham loin, US President Obama ading bitna lam tawh kisai USS Peleliu (LHA-5) kici Galsimna Tembawpi khat Rakhine tuipi tungah a baihsa in kikoih a, US tui galkapte le Kawlgam tui galkapte in muanhuai takin cing uh hi.Secretary Ban Ki Mon pen November 12, nitak lamin Australia gam Brisbrane khuapi a kinei ding G-20 Khawmpi kah dingin Kawlgam pan lengkhia kik a, US President Obama bel November 14, ni-in Australia lam mah zuan cih kiza hi. Source: VOA, BBC, DVB
Tukal Palaai te buaipih diak teng
Hum Za Thang (Pyin Khone Zyi) November 7 ni-in Putra Jaya Immigration zumah ki buaipih.
Nang Suan Mung (Mualbem) November 8 ni-in Sungai Buloh thongah ki buaipih.
Thang Lian Lal (Vanglai), Kham Suan Lian (Vanglai), Hang Khan Mang (Vanglai) November 10 ni-in Subang Jaya Palik zumah ki buaipih.
Angela Niang Ho Nuam (Saizang) November 11 ni-in Chowkit zatopi ah ki buaipih.
Pau Khan Lam (Pydawtha) Bentong thongah ki buaipih.
Thang Za Khan (Tuithang), En Lian Khai (Muizawl), Mang Do Suut (Tamu), Kap Suan Thang (Pyidawtha),Pau Khan Khual (Sawbua), Taa Mung (Kaptel) November 9 ni-in Batu Arang zato ah ki buai pih.
Esther Sui Chin Par (Kanan), Manu (Bangladesh), Cin Sian Khual (Tamu), May Te Hlaing Cing Ngaih Hung (Nguasing) te November 9 ni-in Batu Arang zato ah kibuaipih hi.
Nauno Thang Mun Khai (Ngalbual) khuaksung damlohna hangin GHKL kipuak in buaipih laitak.
Nauno Thang Mun Khai (Ngalbual) khuaksung damlohna hangin GHKL kipuak in buaipih laitak.
Pa Khup Sawm leh Nu Sian Hoih (Tungzang) te tapa ading JPN kumpi zum panin nausuak lai ki lakpih in UN card zong hong ngahthei pah uhhi.
Pa Khai leh Nu Khan Cing (Kawlpi) te tanu ading JPN kumpi zum panin nausuak lai kilak pih in UN card zong hong ngah thei pah uhhi.
Tg. Thang Suan Langh (Mualbeem) GHKL ah khuak ki at in kibuai pih laitak.
Tg. Zo Mang (Tungzang) cisa natna tawh GHKL kipuak in buaipih laitak.
Global Zomi Idol awsitna nuamtak kizo
Geelnasa om mah bangin November 13 ni-in ZAM hall ah 2015 GZI ading “awsitna” lawhcing takin kinei thei in awsitna sungah mi 38 kihel thei hi.
UNHCR Volunteer Section pan ZAM Hall ah tentan nei
Malaysia gamsung gambel sang tuamtuam a laihilh gamdang mite leh inntek siate UNHCR Volunteer Section pan tentan piakna November 13 ni-in nei uh a, mi 27 phathei uh hi.
ZAM pan dahpihna
Tualzang khuami, Pa Nang Tuan Pau leh Nu Lian Khan Niang te tapaTg. Zam Tuan Tuang (kum 19) ZAM-20672, ZSM-15852, UNNHCR Ref. 354-14C01333damlohna tuamtuam hangin 02/11/2014 ni takin GHKL panin leitung nuntakna hong beisan a, han leitang vai zum vai haksatna tuamtuam hangin 13/11/2014 ni-in Kuantan hanmaul ah lungkim huai takin kivui thei hi. Sanggam pa luang tawh kisai anunung pen hun bawlna ahih leh :30-10:00am sungin ZAM Hall sungah Malaysia Laipian Pasian Pawlpi (MLPP) makaihna tawh nasia takin kibawl thei hi. Tg. Tuan Tung hangin a dah akap nu leh pa, sanggam, khuapih te leh Pawlpi MLPP tawh kibangin Zomi zumpi panin a kibangin ih dah khawm hi. Topa’ hehnep na hong tungkim tahen.
Zomi Cup 2015 kihel ding khuate sazian kipia theita
Zomi Nam Ni pahtawina kumsim i neihden Zomi Cup pen 2015 adingin kum dang te sangin kipat baih zawk ding geelna kinei hi. Bang hang hiam cih leh 2015 sen kum thak pen Zomi Nam Ni tawh kituak ahih manin tua ni ma in zawh siang teitei kul ahih manin akihel nuam khua kipawlna khempeuh in sazian nong piak na dingun kong zasak uh hi. Sazian pen November 30 nitak nai 5pm ciangbek kisang ding hi.
ZAM Hall ki kawmthei
ZAM Hall pen Session khat (nai 4 sung) RM200 ki lading a, nai 4 khitciang azatbehtoh nopleh naikhat RM50 ki lading hi. Aki zangthei vanteng: Aircon, Tutphah 150, Sound System, Drum Set 1, Wired Mic 2, Wireless Mic 2, Usher Counter leh adang tuamtuam.
Note: Guihtheih khamtheih zat ki phallo hi.
ZAM ah Ngeina puan leh vante kingah
ZAM zumpi ah ih ngeina Zopuan leh vante ki leithei hi. Aki ngahthei van te: Zopuan: a bantawng leh a bansau (pasal), Zoniik nam tuamtuam (numei), Puandum, Zobilbah, Zonecktie, Zodial, Zodial naikhau (silk), Puanlaisan, Tanghciin, Khephiau, Zokhi, Zolukhu, Zothungkuah etc. Dotbehnop aom leh ~ Ngai Hau 010-823 0571
ZAM zumah VCD/DVD kingah teng
1. Khuado Khui 2. Pantah Ni 3.Thein Khai 4. Anopdan 5. Khuppi 6. Nang Ka Zaila 7. Sakmel Hoih 8. Zo Zuunsiam a 2 na
9. Phatna Late ZBC 10. Zomi Forum
11. China Jubilee-Praise & Worship
Amawkna in kingah
UNHCR-IAD panin Condom leh cidamna lam tawh kisai laibu neuneu honkhat hawmkhiat ding hong koih ahih manin a deih khempeuh in hongla un.
UN Sisitna mun
IOM MHD Malaysia,
2nd Floor/Level 3 KPJ Healthcare
No 1, Jalan Pahang, 53000,
Kuala Lumpur, Malaysia
General Line : 03-9235 5400
Australia lengding te tentan kahna
A 14-6, Menara Atlas Plaza Pantai
Jalan Pantai, Rharu 59200 KL,
Ph. 03 9235 5431
Lengging Camp ah November 19 ni thong kiate kiveh ding
UNHCR-OPI phalna leh theihpihna tawh nung kha sungin Samenyih camp ah kihawh thei-in ki lawh cing mahmah hi. Tua mah bangin November 19 ni ciangin Zomi thongkia Lengging camp a omte kiveh kik ding ahih manin Lengging camp a meltheih thongkia anei te’n amin leh body numbat pia nailo te’n ZAM zumpi ah hong pia un.
Hong zasak un
Nu le pa neinawnlo (tagah) naupang kum 17 nuai siah a theite in ZAM zumpi ah hong zasak un.
Piteek le puteek kum 64 tungsiah a cidamlo lua mahmah te’n ZAM zumpi ah hong zasak un.
UN card mangsak laidalpi tawi khempeuh in ZAM zumpi ah hong zasak un.
USA lengding te tentan kahna
F& B Business Park
18 Jalan Metro Pudu 2, Fraser Business Park
Jalan Pudu, 55100 KL
(Near LRT Chan Sow Lin)
ZAM zumpi ah honghawh
Conference vai a Malaysia hong zin Sianu En Ngaih Lun (Harvest Bible College ah Principal) leh Sianu Siannu (Zomi sungah lasiam khat) a unau un ZAM zumpi ah hong hawhin thungetna hong neih sak ahih manin ki lungdam mahmah hi.
ZCF Canaan Biakpiakna mun kilaih
Bethany Church
3rd Floor, Wisma Flamma,
No. 20,Jalan 7A/ 62A
Bandar Manjalara, Kepong 52,200 Kuala Lumpur.
Biakpiak hun :00pm, Tel. 03-2674 4085
Pawlpi Bus te angeina bangin tai hi.
Lungdam kohna
Pa Khup Lian Piang (Tuicinlui) te innkuan in tukal Thupuak bawlna ding RM50 hongpia khia ahih manin ki lungdam mahmah hi.
Gamsung gampua leitung muntuamtuam pan ZAM nasepna te tha napiak nopleh lungdamtak in hongkisang ding hi.
Address:
155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email: [email protected]
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website 
tungpan kongsuaksak zelzel uhhi.
Note :: PDF tawh na simnop leh
Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Comment piaknop aomleh...