ZAM Thupuak :: 14 Jan 2018 (Kelantan pan hongnusia sanggampa vai)

ZOMI NAM NI 2018 A DING NGETNA LEH LUNGDAM KOHNA

Malaysia a om Zomi ten kumsim a i bawl den i minam ni sawtlo in hong tung ding hita hi. Abeisa kumte mah bang in tukum zong thupitak leh picing takin bawl theihna ding in 08 November 2017 in ZAM zumpi ah kimuh khopna ki nei hi. Tukum zong nopcitak leh picingtak a i bawl zawh na’ng sum leh paai tampi hong kisam ahih manin ih septheihna ciat pan lawptak a pangkhawm liailiai dingin muanna lianpi tawh Zomi Nam Ni Committee kong zawn uhhi.

Zomi Nam Ni adingin sum leh paai tampi mah kisam a I pankhop ngeina bangmah in tutung zong Khua kipawlna te panin RM 200 leh biakna Pawlpite panin RM 300 tawh mapang khawm dingin I kizawn hi.

ZOMI NATIONAL DAY COMMITTEE –2018

• President – Sia Hau Khan Thang
• – Rev. Thang Do Khen
• – Rev. Go Za Suum
• Secretary – Sia Khoi Sian Tuang
• – Sia Daniel Vum Khan Mung
• – Rev. Dai Sim Mang
• Treasurer – Sia Tuan Sawm Tuang
• Accountant – Tg. Thang Lam Cin
• – Pa Thang Za Khai
• – Rev. Khen Za Dal
• Members – Rev. Gin Khan En
• – Rev. Gin Do Khup
• – Rev. En Cin Pau
• – Rev. Ngin Khat Thang
• – Rev. Thawng Khan Sut
• – Rev. Tuang Lian Khai
• – Sia Kap Za Khup
• – Sia Gin Go Mang
• – Siama Ning Ngaih Hau
• – Siama Zam San Cing

Zomi Nam Ni nuamtak leh picing takin ih bawl khop theih na dingin Committee te sung mahmah pan in sum bulpi dingin mikhat RM100 khat tek kipia khia hi. Zomi Nam Ni fund zon na in Lucky Draw zong kibawl a, khat ciang in RM 10 tawh pawlpi tuamtuam ah kila thei hi. Ih Mi Nam Ni pawipi bawl theih nading fund zonna ahih mahbangin a kua maciat in hanciam in la tangtang ni cih ih kizawn phapha hi.

ZOMI NAM NI A DING HONG PIA TE

• 1. Laipian Pawlpi RM300 4. ZEM Pawlpi RM300
• 2. Phunom Innkuan RM200 5. MualbeemInnkuan-Malaysia RM200
• 3. Vongmual Innkuan RM100 6. Darkhai Innkuan-Malaysia RM200

Zomi Cup 2018 ading Team min ki pia thei ta

Zomi Nam Ni pahtawina kumsim i neihden Zomi Cup ki mawl hun ding hong tung ding hi leuleu ta hi. 2010 in Team (8), 2011 in Khua (19), 2012 in Khua (26), 2013 in Khua (40) Team (41), 2014 Khua (43), 2015 in Khua (32), 2016 kum in Khua 25, 2017 kum in Khua 22 bang kipha hi. Hi bangin Khua tampi tak kipawl khawm in Zomi khangno sungah kilawmtatna picing takin i neikhin zo hi.

Zomi Cup 2018 a (9) veina ading Khua min tawh a kihel nuamte sazian kilata ahih manin ZAM zumpi ah min sazian nongpiak nading un kong zasak uhhi. Zomi Cup 2018 a (9) veina ading Khua min tawh a kihel nuamte ZAM zumpi ah min sazian nongpiak nading un kong zasak uhhi. Zomi Cup tawh kisai Group khenna pen 22 January 2018 (Monday) ni sun nai 1:00 in ZAM hall ah kibawl ding ahih manin Zomi Cup-2018 a kihel ding khempeuh in tua ni in pello nong pai kim nangun ih kiza sak khol hi. Min sazian a pianuam te in : 017 379 1327

2018 ZSM LAIBU KINGAH TA HI

Malaysia zomi Genvai Kipawlna (ZSM) 2018 a ding ki lut theita a, ZSM laibu te zong kila theita hi. ZSM lut man mi khat ciang kum khat ai RM 20 hi a, hih na lutna hang tawh ahamsa a dong tuak I mipih te a panpih, a dah a kap hun ah a khitui a nulsak na hi gige hi. Hih ZSM ah member na lutna in nang a ding a pia na hikei a, panpih na a kisam te a panpih na hi zaw hi. 2017 sungin zong tu ciangciang Zomi pih te luang (22) lei ah I tuh theihna in nang leh kei I pankhopna hang ahih manin 2018 ah zong mapang khawm dingin kong zawn phapha uhhi. ZSM a ding panpih na zong kipia thei a, mimal, Khua kipawlna leh Pawlpi mintawh ki pia thei hi.

ZSM ading Pawlpi, Khua & Mimal a panpih na hong pia te

• 1. Mualnuam Khua Kipawlna RM200
• 2. Zam Sawm Thang (Suangpi) RM50
• 3. HCCF Pawlpi RM350
• 4. Myanmar Mission Church RM300
• 5. MBF Pawlpi RM300
• 6. Shalom Christian Fellowship-KD RM300
• 7. Mualbeem Innkuan– Malaysia RM200
• 8. Chanthagyi Khua Kipawlna RM100
• 9. ZEM Pawlpi RM500

KELANTAN PAN HONG NUSIA SANGGAM PA VAI SIANGTA

Nungin ih tangko ahi Kelantan pan hong nusia Sanggam pa Thang Kim Lian pen a min taktak Kham Sian Lian hi a, Mualnuam Khuami Kawlpi Leipi veng a teng Buansing beh Pa Do Khan Pau leh Nu Vial Ngaih Lun te tapa pen 09-01-2018 ni in ZAM/ZSM leh ACR kipawl khawmin, Mualnuam innkuan Malaysia pan a tanau te tawh hong nusiatna Kelantan dong ACR motor tawh ki pai in zum vai teng man siang khit ciangin hanvai teng kivan to suak hi. Amah pen Zomi Genvai kipawlna ah lut kha lo ahih manin amun ah hong pai sanggam tanau te tawh kikum khawm in a luanghawm pen mei ah kihal hi. Adah a kap khempeuh Topa Khasiangtho in a lamdang in hong hehnem tahen. ZAM zum pan in adah akap te tawh kibangin dahpih na I pulak khia hi.

ZAM ZUM AH KINGAH THEI LAIBU TENG

• 1. English to Zomi Dictionary RM50
• 2. Thuciamthak Zolai Laisiangtho RM30
• 3. Kawllai Laisiangtho RM30
• 4. Galhiam Labu RM30
• 5. Zolai Simbu RM30
• 6. Makaih Pilna Volume 2 RM30
• 7. Tutmun Mikaangpau Sinna RM20
• 8. Eden ah ciahkik ni RM15
• 9. Cope Centenary Jubilee RM10
• 10. Kristian Labu RM30
• 11. Nisim Tongdam RM30
• 12. Zonu Tongluan Magazine RM10
• 13. Tongluan Zaitha RM30
• 14. Ka Pian Sinthu RM30
• 15. Zomi Ciiimnuai Tate La Namcin RM25
• 16. ZYA Tin Jubilee Magazine RM50
• 17. Zopaal Fashion Calender 2 RM10
• 18. Cimphawng-1 RM20
• 19. Gual Tawh Tan Bang Kim RM25
• 20. Laisiangtho A Thu zui-in Khenna RM120

INSURANCE CARD BAWL HAMTANG UN

UNHCR Cidamna lampan apulakna ah RHB insurance company tawh Operation tampi kibawl khin ahihmanin insurance bawl nailote limtak hanthawn a bawlsak ding hi, tua hikeileh galtaite kibawl zolo in mi tampi’n sihlawh khin ding cihi. Tua ahih manin sum na mawkbei sak sang in ih muhkholh theih loh ih mailam ding kikhual kawmsa in RHB Insurance lei sawm hamtang ni. Kuamah kiang leitawi lo/Pawlpi, khua leh tui buaisak loin, ei leh ei ih hih theih nang ahun omlai in han ciam ciatni. RHB Insurance card a leisate in zong nacard uh tettan abei leh ZAM zum ah kibawlkik thei hi. RHB Insurance in June 2017 a kipan in kal (Kidney) dam loin sisawp kul den (Dailysis) a bawl te huam nawnlo ding hi.

RHB INSURANCE CARD HONG LA UN

• 1. Gin Do Cing 15. Zam Din Puii
• 2. Tual Khan Thawn 16. Lang Za Go
• 3. Mang Za Sum 17. Mang Suan Piang
• 4. Nian Nuam Cing 18. Niang Don Lian
• 5. Ciin Tawi Muang 19. Man Law Muang
• 6. Mang Lawh Zen 20. Ciau Tawi Sang
• 7. Cing Sian Pal 21. Dim Ngaih Huai
• 8. Suan Hau Thang 22. Sawm Liana
• 9. Suan Mung 23. Niang Deih Lun
• 10. Agness Lun 24. Maria Cing Zo Kim
• 11. Khual Kap Bawmkhai 25. Philip Sing Suan Cin
• 12. Nem Ngaih Lian 26. Sing Sawn Sang
• 13. Zam Sian Khai 27. Peter Go Khan Khai
• 14. Niang Sian Dim 28. Hau Khai

UNHCR ZUM AH VAI DAWP THEIH NITE

UNHCR zum ah vai tuamtuam te nadawp nop leh UN vai tuamtuam dawp/kan nuam te in Thursday leh Friday nite ah kidawp/kikan thei a, zingsang nai 7 lap hamtang leng hoih pen hi.

Bank Account bawlnuam te in Wednesday leh Friday nite ah kipai thei a, zingsang lam 10:00 AM pan sunlam 2:00PM kikal ah kipai thei hi.

Zato lam tawh kisai vai naneih leh Monday, Tuesday leh Thursday nite ah zingsang 12:00 Noon sungin kipai thei hi.

TUKAL SUNG THONG LAM BUAIPIH

1. Thang Suan Mung pen Kajang thong ah kibuai pih hi.

KIMAT KIHEN NA TUAK LEH : Zomi te kimat kihen na tuak uh leh Sia Tuang Pu 016 254 4093 Sia Go Mang 018 202 1216

ZATO LAM BUAIPIH TENG

• 1. Hau Za Niang(Muizawl) Tungshin Hospital
• 2. Go Sawm Piang (Buanli) HKL
• 3. Thang Suan Mung (Pyidawtha) Hospital Klang
• 4. Meng Meng (Dawei) Ampang
• Zato lam tawh kisai in vai khat peuhpeuh na neih leh
• Contact : Sia Khuppi 011 3563 2059 Sm CiiCing 0111 282 8482

ZAM ZUM AH HONG HAWH

Teeltui Von Innkuan-Malaysia pan makai ahi Sia Thang Sian Mung leh Pa Thang Suang Dongh te ZAM zum ah hong hawh in vai tuamtuam kikupna leh thungetna hong neihsak uh ahih manin ki lungdam mahmah hi.

ZOMI TE A DING NASEP

MARKET Nasep ki nawh deih

• Banngi ah Ngasa zuak na ah,Mi6 ,
• Taman Lenseng ah Ngasa/Voksa zuakna ah Mi6,
• Sunggaibuluh ah Meh-teh meh-gah/Van-bei te-ciang kik Mi5. Nasep hun- 8am-8pm,
• Khasum-Rm1400,tawh kipan ding
• Offday- Kal1 Khatvei Off
• Omna Pia- An Pialo

Wanutama Center Point ah

• Restaurent Chinease
• Kitchen ah Pasal 1 ki nawhdeih
• Nasep hun-7am-7pm nai1 khawlhun
• Omna pia- Anvaak
• Khasum-Rm1300

Semenyih Aluminium Factory

• Pasal7 ki nawh deih. Nasep hun- 9am -6pm
• Offday-Every Sunday
• Omna pia-An vaaklo
• Khasum-Basic Rm1000+OT 3Hour Rm560- 9am-9pm

FOOD COURT Kotadamansara

• Numei 2, ki nawhdeih
• Cashier 1- Tui Fiau 1
• Nasep hun- 10am-10pm =khawl hun om
• Kha sum –Rm1200 tawh ki pan ding
• Omna pia-Anvaak
• Offday-Kal 1 Khatvei Off
• Nasep tawh kisai :Sia Khuppi – 016 3838 014, 01135632059

WELCOME TO ZAM

Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtang nading un itna lianpi tawh kong zawn uh hi.

ZAM Thupuak PDF File >>>

UNHCR Pan Card Rejected Ngahten ZAM Ah Hong Paipih Un

Ginneihlohpi a UNHCR ten reject na/ San zawhlohna lai hong piak leh ZAM ah hongpai pih un. Limtak in ZAM zum ten hong kepsak nuam hi. Ih UN vai haksatna te mun tuam tuam ah kizasak kawikawi ahih manin ih pankhop hong kisam semsem ding hi. Ih deihkikna a om khak leh mawkpaih pah / mun khat peuh ah mawk nutsiat ken, Malaysia na om lai sungteng Malaysia puten hong laksak leh zong na deih hun a na lak kik theih dingin hoih tak kemcingh in.
ZAM ZUM HON HUN : Zingsang 9:00AM pan nitak 6:00PM sung zum kihong den hi.