ZAM Thupuak :: 13 Jan 19 (Kidawm ciatni)

ZAM Thupuak :: 13 Jan 19 (Kidawm ciatni)

ZUNKHUM NATNA LE THEIHHUAI (DIABETES)

Zunkhum natna pen nampi 2 in kikhenthei hi. Khatpen kum 35 nuaisiah te tungah piangthei hi. Hih zunkhum nasia leh natna a nei mi a’dingin lauhuai hi. A dangkhatpen kum 40 tungsiah mite tungah piangthei phadeuh hi.

Zunkhum hong pianna

Zunkhum natna pen sisan sungah cikhum dat a tamluat ciangin hong piang a hihi. Zunkhum natna a nei te a zunsuakpahpah, tui duh zel, gawng semsem a natna dang ngahleh thuakzolo phadeuh uh hi.

A sisan sungah cikhum dat hong tamsemsem leh sivui sazang te kisia, mit khuamuhna kisia, kal kisia a lungtang mahmah hong susia thei hi.

Zunkhum pen a tehna tawh kiteh thei hi. Sisan sungah cikhum dat a tawmzawk nadingin kibawl thei hi.

Zatui nekna

Zunkhum a tamsemsem leh Sulfonylureas leh Biguanides hih zatui nihte kine thei hi.

Nekledawn tawh kibawlna

Zunkhum neite in cikhum nelo dinghi cih ngaihsutna pen maankhin lo hi. Cikhum tawmtawm a nekhangin lauhuai tuanlo hi.

Thauluatna a piangsak ante ki dek ding hi. Ganhingpan a piang a thau peuhmah hithei leh nekhetloh ding kisam hi. Gilsungah antha omlo pi in zu dawnlo ding hi.

Lenggah sungah zong cikhumdat tampi a omlam phawkding thupi hi.

A siangtho mehtehmehgah te, mangbuh, pongmoh, besan, khauhsuai, a tang tuamtuam leh a hawngkhauh singgah namte tampi nekding thupi mahmah hi.

Zunkhum neite in zingan thupitak in neding hi. Nekhun manman in nekzawh ding hanciam ding hi. Bawngnawi zong dawnhuai mahmah hi.

Siamsin Library/ Dr. Mimi Ko’s Book is the reference.

2019 ZSM LAIBU KINGAH TA HI

Malaysia zomi Genvai Kipawlna (ZSM) 2019 a ding ki lut thei ta a, ZSM laibu te zong kila thei ta hi. ZSM lut man mi khat ciang kum khat ai RM 20 hi a, hih na lutna hang tawh ahamsa a dong tuak I mipih te a panpih, a dah akap hun ah a khitui anulsak na hi gige hi. Hih ZSM ah member na lutna in nang ading apia na hikei a, panpihna akisamte apanpihna hizaw hi. 2018 sungin zong tu ciang ciang Zomi pih te luang (20) val bang lei ah I tuh theih na in nang leh kei I pankhopna ahih bang mah in mailam ah zong mapang khawm lai dingin zong kong zawn phapha uhhi.

ZSM adingin mimal, Pawlpi leh Khua tek pan in zong panpihna I nget zel mah bangin kum simin zong hong kipia den a, tukum adingin zong ZSM panpihna hong ki piapia tahi.

• 1. MLPP pawlpi RM300
• 2. MBF Pawlpi RM300
• 3. Zomi Innkuan Rawang RM300
• 4. Saizang khua kipawlna RM200
• 5. Zomi Ebenezer Malaysia RM1000
• 6. Mualpi Innkuan Malaysia RM200
• 7. Malaysia Tedim Suangpi innkuan RM200
• 8. Phaiza Innkuan RM200

ZOMI NAM NI MAPANKHOP DING ZOTNA LEH THEIH SAKNA

Malaysia a om Zomi ten kumsim a i bawl den i minam ni sawtloin hong tung ding hita hi. Abeisa kumte mah bang in tukum zong thupitak leh picing takin bawl theih nadingin 12 November 2018 in ZAM zumpi ah kimuh Khop na kinei hi. 2019 zong nopcitak leh picingtak a i bawl zawh na’ng sum leh pai tampi hong kisamding a hih man in muanna leh lametna lianpi tawh Zomi Nam Ni Committee in anuai a bangin ma i pankhopding kong zawn uhhi. Zomi Nam Ni adingin sum leh paai tampi mah kisam a i pankhop ngeina bangmah in tutung zong

Khua kipawlnate panin RM 200 leh biakna Pawlpitepan in RM 300 tawh mapang khawm dingin I kizawn hi. ZOMI NAM NI ADING PANPIH NA HONG PIA TE

• 1. Dal Sian Hung RM300
• 2. Lalta Khua Kipawlna RM200
• 3. Mualpi Innkuan Malaysia RM200
• 4. MLPP pawlpi RM300
• 5. Lezang Khua Kipawlna RM100
• 6. Malaysia Ngalzang Innkuan RM100
• 7. Phunom Khua Kipawlna RM200
• 8. Kansau Khua Kipawlna RM150
• 9. Anlangh Khua Kipawlna RM200
• 10. Mualzang Khua Kipawlna RM200
• 11. MBF Pawlpi RM300
• 12. Tg Thang Kap Sing (Tongsial) RM20
• 13. MZCC pawlpi RM300
• 14. Tuimui Khua Kipawlna RM200
• 15. Ngennung Khua Kipawlna RM100
• 16. Saizang Khua Kipawlna RM200
• 17. Sunway Emmanuel Pawlpi RM300
• 18. Zomi Ebenezer Malaysia RM350
• 19. Malaysia Tedim Suangpi innkuan RM200
• 20. Tuitum Khua Kipawlna RM200
• 21. Lingthuk Khua Kipawlna RM100
• 22. ZCF-Hatamas RM300
• 23. ZCCM pawlpi RM300
• 24. Suanghoih Khua Kipawlna RM100
• 25. Phaiza Innkuan RM200

ZOMI CUP 2019 A DING MEETING SAPNA

Zomi Nam Ni muakna in kumsim ih neih zel ahi Zomi Cup hun hong tung ding hi ta hi. Zomi Cup lut man pen RM800 leh Deposit RM400 hi ding hi. Zomi Cup meeting pen 14 Januar -y 2019 (Monday) sun nai 2:00PM hun in ZAM zum ah kinei ding ahih manin Zomi Cup ah kihel ding gelna a nei khem peuh nong kihel kim ciatna dingun kong sam uh hi. Tua ni mah in Group khenna zong kinei pah ding hi. Kimawl ding hun pen February 5-8, 2019 sungin kimawl dingin kikhentat hi. Amun ding tawh kisai leh vai tuam tuamte Team makaite tawh kimuh khop hun ah hong kipulak khia ding hi.

Zomi Cup Committee

• President – Pa Pan Khai
• Vice President (1) – Sia Thuah Kim
• Vice President (2) – Sia Khuppi
• Secretary – Thang Lam Cin
• Assistant Secretary – Thangpi
• Member – Sia Tuangpuu
• – Sia Go Mang
• – Sia Mungpi

A ( 13 ) VEINA ZOMI BUP CIALPI AH SAPNA

SPEAKER REV.PAU KHAN KHAI

MOTTO PASIAN IN NANG ‘HONG PHAWK

(1Sam. 1:19, Luke 23:42, Sawltak 12:6-10)

A NI 4, 5 & 6. FEB. 2019 ( Mon – wed )

A HUN 5:00PM – 10:00PM

A MUN KUCHAI LAMA ( FGA )

Theihsakna

Hih Cialpi hun sungin Pawlpi tuamtuam pan leh aveng veng pan Bus ciah le kuan alem thei pen dingin ki vai hawm ding hi.

Bus Contact: Pa.Dal Lam 018-3161792 Sia.Hang Tuang 016-2823180

* Ih Cialpi bawlna mun FGA Hall nuai ah nek ding An lei tui lei theih dingin kizuak ding hi.

*Ih Cialpi Bawlna FGA Huang sung huang pua ah Security dingin Rela te leh Police te kikoih ding ahih manin om dan tat dan siama pilvang takin ih om kim ciat na dingin zong aki zasak leh na ki gen sawn cian un.

DAHPIHNA

Keltal Khuami Bawmkhai beh Pa Khup Khaw Mang (Kum 45) in damlohna hang tawh Klang zatopi pan in 06 January 2019 (Sunday) ni-in hong nusia a, 08 January 2019 (Tuesday) ni-in Church Of Our Lady Of Lourdes Klang biakinn ah hunbawlna kinei in tuakhit ciangin Klang Meru ah kivui hi. Adah akap a innkuanpihte tawh kibangin ZAM/ZSM pan in dahpihna I pulak khia hi.

KIDAWM CIAT NI

Malaysia gam sungah a hun zui in khuahun luanzia te lungngai kawm-in ih om ih khawl dan te kidawm ciat ni. A diakdiak in tulaitakin Malaysia gamsungah buai cipcipna te hangin vai nawngkai tawh ih kituak khak loh dingin kidawm ciatni. Tua ban ah Ih omna Malaysia gam sungah ih pelh theih loh kimat kihenna nisim mah in om den den ahihmanin kidawm ciatni. Hih bangkimat kihen nate ah ei mimal mahmah ih kidawp loh leh ih gamtatna a val lua te hangin a kiman zong kitam mah mah den hi. Tua ahih manin omdan khawldan leh vak dan ih siam ding ih kizasak phapha hi. Tua dan in mat leh hen khat na tuak ciangin na muan khat hoihtakin ko pah inla midang tampi contact kawi kawi kei zaw in.

Na card tawi tunga min pen na khua makaite, pawlpi siate ahih kei leh na lawmit te theisak hamtangin. Mi pawlkhatin a card tunga min pen a tuam pi khat in pia thei zelzel uh a, tua dan mite ih kan nop ciangin muh ham mahmah thei hi. Ahih theih leh ih min taktak mah tawh ih card te bawl hamtang zaw leng kimat kihenna te ah ih kikandan, ih kizondan hong lem tuam mahmah hi. Zuu leh sa nakhamkhit ciangin zong vak khia sese nawnloin inn ah tawldam takin om sawm zaw hamtangin. Ih tuakma in kidal kholh hoih zaw hi.

WELCOME TO ZAM

Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtang nading un itna lianpi tawh kong zawn uh hi.

ZAM ZUM AH KILEI THEI

ZAM zum ah I ngeina van tuamtuam ahi Zopuan Design tuamtuam, Zoniik Design tuamtuam, Puanten, Puan dum, Zodial(Silk), Puanlaisan, Zokhi, Tanghciin, Khephi -au, Zolukhu, Zothungkuah, Zodial cihte akipan naupang puan tuamtuam te deih zahzah kilei thei hi.

PANPIHNA KIPIA

Malaysia ah Zomi hong nusia tampi kiom khin a, tua sungah ei kipawlna pan I bat khak loh a na om ciangin hong zasak tang tangin a kisam bangin hong vansak den ahi Kepong Funeral and Memorial Service te kiangah ZAM/ZSM pan in panpihna kipia hi. Sumtangin RM 1000 kipia a, nasepzia leh kalsuanziate zong kikup khopna zong kinei thei hi.

LUNGDAMNA PULAKNA : Zomi Mancheseter United FC Fan -Malaysia te in thong inn sungah huh ding neilo genthei cimawh in om a mipih Zomite kawlgam ciah theih nading lunggulhna leh lainatna tawh RM3,500 ZAM zum tungtawnin hong pia khia uh hi. A hamsa te huhna dingin itna veina tawh hong kipia khia uh Zomi Manchester United FC Fan-Malaysia leh mimal kim tungah lungdamna I pulak khia hi. Mailam ah Zogam, Zomi te ading in na hoih tampi a semzo toto dingin Topa’n thupha hong piaksak tahen.

TUKAL SUNG THONG LAM BUAIPIH

1. Nang Za Lang (Khiangzang) Leisure Mall pan kiman Maluri lockup 07 January 2019 (Monday) ni in hong pusuak thei.

2. Pau Sian Khual (Khiangzang) Leisure Mall pan kiman Maluri lockup 07 January 2019 (Monday) ni in hong pusuak thei.

3. Thang Za Kap (Tungzang) Leisure Mall pan kiman Maluri lockup 07 January 2019 (Monday) ni in hong pusuak thei.

4. Kap Sian Hau (Tauleng) Leisure Mall pan kiman Maluri lockup 07 January 2019 (Monday) ni in hong pusuak thei.

KIMAT KIHEN NA TUAK LEH : Zomi te sungah kimat kihenna na tuak zenzen leh hih phone no. te ah na hopih pah in. Nang a dingin a kiging sa in om den ding uh hi. Sia Tuang Pu : 016 254 4093, Sia Go Mang : 018 202 1216

NASEP LAM TAWH KISAI

ZOMI nasep neilote in nasep tuamtuam om hi. A lunglut leh dot nop aneite in Sia Khuppi— 016 3838 014, 011 3563 2059

ZATO LAM BUAIPIH TENG

1. Dim Lian Tung (Laibung) HKL

2. Steven Khaipi (Kapteel) IPR

Zato lam tawh kisai in vai khat peuh na neih leh Contact :Sia Mungpi 018 3122 957

LUNGDAM KOHNA

ZAM zum leh nasepna te adingin mapan khopna hong piate tungah lungdamna lianpi kong pulak khia uhhi. Zomite itna veina taktawh ih zumpi adingin hibangin mapang khawmin nong dinpihnate hang mah uh tawh tuni ciangdong a kikalsuan toto zo a hihi. Mailam ah zong apiakhiazo semsem dingin TOPA’N thupha hong pia tahen Mung Pian Sang (Tuitangzang) RM50

ZAM ZUM HUN 9:00 AM – 6:00PM