Zaa tawh kisai theih huai thu tawmcik

1. Zaa tawnkhat na pat simin “ka nuntaakna manpha sa nawn keng” acici na hi gige hi.

2. Zaa tep ahoih loh lam thei mah ingh. Ahizong khawl ngam keng, bang hang hiam cih leh zaa tep khawl leng a suukzaw khat tung ka tuk khak ding lau ingh.

3. Zaa leh numei a kibatna khat om: ih lungtang hong na sak thei uh hi. A kibat lohna khat om leuleu: Zaa in ih lungtang hong natsak hangin ih muuk tawh nuam takin kitawp thei a. Ih lungtang hong nasak thei numeite bel muuk tawh tawp ding baih del lo hi.

4. Zaa aw nang tawh zawl a ih kimat khak zenzen pen kei aa dingin nuam ka sak mahmah kaamsiatna khat ahihi.

5. Zaa sanga zu a duhzaw lawm khat ka nei hi. Amah ekbuk kongkhak len kawmin a luak ziahziah laitak kei bel maitai hiuhiau takin ka kam leh ka naakvang panin mei khu ka pusuak sak viauviau lel hi.

6. Zaa ih cih bang ahia leh? Hamsa kei e. Zaa ih cih pen a dawn ah mei-am om in, a bul lamah mihai lu om hi !!!!

Francis Lamthang