Yangon khuasung atai YBS Bus tungah Card tawh sumpiaktheih nading kigeelta

Yangon khuasung atai YBS Bus tungah Card tawh sumpiaktheih nading kigeelta

Yangon khuasung kikawmna in akizang YBS akici “Yangon Bus Service” mawtaw te ahzong atuanman sum laidal piakdaldal kulnawnlo in, Card tawh piaktheih nadingin ki vaihawmding cih Irrawaddy News pan kiza hi.

YBS “Yangon Bus Service” aki zatzawh kum 2 cinna Anniversary pen abeisa Wednesday ni in kibawl a, tuahunsung in thunei te’n agenkhiatna ah YBS Bus tungah sumpiakna in zattheihding “Card Payment System” pen kha 6 sungin ki thuahding hi ci’n genkhia uhhi.

Tuabangin Card Payment System avaihawmtheih nadingin Regional Government khutnuai aom ahi Yangon Payment Services Co., te leh Asia Starmar Transport Intelligence Co., te’n asawtlo in thukimna lai bawlding, Contract letmat thuhtading uhhi.

Hihbangin Card Payment System zattheih nadingin abawl, asemkhiading in Tender sapna kinei a, tualak panin Asia Starmar Transport Intelligence Co., kici te’n septheihkhuan angahkhia uh ahihi.

Hihvai aki septheih nadingin Myanmar Investment Commission te’n tua Tender angah Company te tungah “Yangon Payment System” kici Service aseptheih nadingin phalna pen tukhasung in piatading uhhi.

Yangon Region Transport Authority te’n ageelna ah hongtungding kha 6 hunsung in Bus 2000 bang Card tawh sumpiaktheih nadingin bawlding geelna neikhinta uhhi. Tuaban ah kha 9 hunsung in Bus 4000 bang Card Payment System akizangthei dingin kibawlding cihzong Minister te’n genkhia uhhi.

Asia Starmar Transport Intelligence Co. te’n YBS Bus tungah zattheihding in Card Payment System abawlkhit uhciangin adang amun tuamtuam ahzong Card tawh sumpiakna zattheihding in geelna nei uh cihzong kiza hi.

Yangon Region Transport Authority te genkhiatna ah YBS kici Bus tepen abeisa January 2017 kumin akipankhia hi a, tulaitak Bus Line bekbek 90 valbang kitaisak ci uhhi. Tua Bus Line 90 valah Bus bekbek akigawm in 5000 valbang kitaisak ahih manin, nisim in khualzinmi Passenger 2 Million bang akipuaden ahihi.

More: Yangon khuasung atai YBS Bus sungah Passenger khat asisa in kimu

YBS akizatzawh asawtlo in Bus sungah mawtaw nungzui “Bus Conductor” cihte kizangnawnlo a, khualzinmi Passenger te’n amauleh amau in sumbawm “Cash Box” sungah Bus tuanmanding sum kikhiaciat hi. Ahi zongin sumnen aneilo pawlkhat te adingin nawngkai mahmah hi. Tua ahih manin hih Card tawh sumpiaktheih nadingpen kizangthei leh khualzinte adinginzong lemmahmah dingin ki lamen ahih manin, mipi te’n ki ngaklah mahmah hi. Sawltak #zomidaily