Yangon ah tuibuahpawi Thingyan Festival sungteng Security khauhsakding

Yangon ah tuibuahpawi Thingyan Festival sungteng Security khauhsakding

Myanmar, Yangon khuapi sungah hongtungding tuibuahpawi “Thingyan Festival” hunsungteng bitna aomtheih nadingin Security khauhsak mahmahding cih MMTimes pan kiza hi. Police te’n Mahar Thingyan Festival hunsungteng pawibawlna anawngkaisak aomloding in hanciamding uhhi ci’n Mahar Thingyan Festival Security and Regulation Committee te’n genkhia uhhi.

Yangon khuasung ah abeisa kumte sangin Security kikhanding hi. Adiakdiak in mipi tampi aki kaihkhopna munte ah Police te kivaksak kawikawiden dinga, tuaban ah Business Pavilions munte ahzong Police Patrol te kivaksak kawikawiding hi ci’n Police Major Hla Wai of the Yangon Region Police Commissioner Office in genkhia hi.

Townships leh Districts sung aom Patrol Vehicles te leh Police Battalions panin Police Officers te’nzong Yangon khuasung ah Security panpihding uhhi ci’n genbeh hi.

Tukum Thingyan Festival pen “Three Epochs Thingyan Festivals” leh “Walking Thingyan Festivals” cihte kihel in pawipi nopcitak in bawldingin Yangon Regional Government inzong geelna nei uhhi. Tuabangin Yangon khuapi sungah pawipi akibawldiak nading munte pen Yangon City Hall, Maha Bandula Park, Kandawgyi Myay Padaythar Garden, U Oattama Park (Kan Taw Min Park), Thakhin Mya Park cih munte ah ahihi.

Tukum Thingyan Festival hunsungin khuasung mawtaw awkcip Traffic Jam aomgawploh nadingin Police Officers 1200 te lamkabom leh lamzikpi tungah Duty kikoihdending hi. Nungkum in Police Officer 900 Duty akikoih hi a, tukumpen 1200 ah akikhanding ahihi ci’n Police Major Myo Aung Myint of No.8 Area Traffic Police in genkhia hi.

Video: Thingyan Boy ~ နန္းရတီ @ Nann Yati (Myanmar Thingyan New Song 2018)

https://www.youtube.com/watch?v=77w9uR5NifU

Tukum Thingyan Festival pen abeisa kumte sangin anopcizaw inzong kibawlsawm hi. Yangon Regional Government inzong 35 water-playing pavilions leh 60 entertainment pavilions te phalna piakhinta uhhi.

Thingyan Festival hunsungteng Security a encikding pen Police 4000 bang kisehding a, tuate’n mipi atamdiakna leh Pavilion kilamna te ah encikdending uhhi ci’n Yangon Regional Police Force in genkhia hi.

Water-playing pavilions leh Entertainment pavilions bawlnadingin phalna akipiakna munte pen Wayzayandar Parami, Maha Bandula Park, Merchant Road, Mindama Road, No.1 Industrial Road, Pazundaung Road, Kyeikwine, Pyay Road, University Avenue Road, Thanthumar Road, Strand Road tungaom Kyimyindaing cihte ahihi.

More: Mandalay ah innteeng nasem numeikhat Acid kibuak, amit leh amai siacip

Myanmar Ministry of Home Affairs te genkhiatna ah nungkum Thingyan Festival hunsung in gambup ah misi 285 om a, aliam mi 1073 pha cihi. Buaina, kitot kisatna limlim pen 1200 valbang om hi ci’n Police te’n Record uhhi. Sawltak #zomidaily