Vondeih Kep Ding – 84 (Dimno’ Pa)

Dear Tawngno,
Na pa in tu laitak ka facebook friend pen tul (4) dektak phata-in, Page ka like zong (200) bang apha hita hi. Leitung ah sum haupen Bill Gates in zanhal ni-in a facebook page panin laikhat hong post a,

“Average in gen leng, kaneu a kipan in kaal khat in laibu (1) ta, kasim ding. Ka hun akigak leh zong hundang te pan laisim hun ding ka la,” ci hi. Hih a laigelh in ka lungsim hong sukha mahmah hi.

Tawngno aw, Bill Gates bangin leitung ah sum hau pen i suak ding gen theih om kei. Ei ading panin amah i phakna ding lampi tawm mahmah lai hi. Ahi zongin amah i phak zawhna ding lampi dang khat, amah i khengval zawhna ding lampi dang khat mu ing. Tua in laibu sim ding ahi. Kaal khat in bu (1) sim leng Bill Gates apha zo ding hi hang-a, kaal khat in bu (1) val sim leng amah sangin atam sim zaw hipah ding hi hang.

Hong tung ding kumthak kum (2017) sungah i pata in hamciam in laibu hoih tel in Bill Gates dem leng hilo dia!

Hong it,
Na pa
Columbus, OH
December 19, 2016

Facebook ah Dimno’ Pa Page non na Like sak ve vua!
https://www.facebook.com/dimnopaa/