Vondeih Kep Ding – 154 (Dimno’ Pa)

Vondeih Kep Ding – 154 (Dimno’ Pa)

Dear Tawngno, Na nu tawh ka sunmang uh ahih leh a gualzo mi, mi lawhcing, leh mi manpha khat nong suah ding cih hi. Sum leh paai tawh ka hih zawhzah un na lungtupna na tunzawh nading hong panpih thei hi ung. Hun hong pia-in hong panpih thei hi ung. Thungetsak in hong panpih thei hi ung. Ahi zongin nang mahmah in utna, lunggulhna, leh deihna lungsim nong neih kei leh bangmah a hong piang thei ding thu hi lo hi. Vision lianpi tawh a kalsuan Hollywood movies star minthang Arnold Schwarzenegger thu tawm khat hong hel ing.

Psychologists te-in, ‘nothing controls our live more than our self-image,’ ci hi. Gualzo zo kei ning, na kicih leh gualzo zo lo takpi ding hi teh. A lawhcing ding mi khatin i kimuh theih photphot kei leh lawhcing ngei lo pah ding hi hang. A hau ding khat, a pil ding khat, a lawhcing ding khat in vision nei masa photphot in hileng tuadan mi khat kisuak thei pan ding hi. Ih neih lo vision khat koi bangdan in bang ci suah theih mawk ding mataw!

Arnold Schwarzenegger pen 1976 ciangin Bodybuiler panin a retired ciang newspaper reporter te khat in, “Tu-in bodybuilder panin retired ta ci leng mailam ah bang maban zom ding na hiam,? Ci-in a dot leh,“I’m going to be the #1 movie star in Hollywood,” ci hi.

Mikang pau a siam lo bek hi lo-in body builder khat pen leitung a a minthang Hollywood ah a minthang pen khat in om ding, cih mawk pen tua hun laitak in a nuihzak huai mahmah ciamnuih khat tawh kibang lel kha ding hi.

Arnold in, “I’ll do it the same way I became the #1 body builder in the world. What I do was to create a vision of who I want to be, then I start living like that person in my mind as if it were already true.” ci-hi.

Arnold in, ‘suak ding,’ cih vision nei masa-in, tua dung zui-in hanciam in a sep dingteng sem hi.
Tuin Hollywood ah #1 highest paid movies star in om khin takpi hi.

Vision lianpi nei ding hi hang. (Ko kong neih sak uh ahi lo, Pawlpi kem i Siate hong neih sak ahi lo, na siate hong neihsak ahi lo, nang ma neih, nang ma hih nop, nang ma ut a lian mahmah vision.)

Ngimna i neih kei leh ei mahmah zong kisia ding hi hang. Khangno lai napi-in kicim sam ei, acici te na Pa in mudah hi ing. Lawm in zong na neih loh lam ding hong gen ngei khin ing. Vision nei lote hipah in tua bang mite kisia takpi uh hi.

Hong it,
Na Pa

August 23, 2018
Columbus, OH