Vialcian a Kala mivom kimanpa pen IS te hilo

Vialcian a Kala mivom kimanpa pen IS te hilo

A beisa kha khat lai in Tedim le Tonzang gamgi kikal Teekzang, Vialcian khua a Mivom(Kala) ki man pa IS te hi ci-in mipi pawlkhat in ki ummawh in ki lauthawng mahmah hi.

Hihthu tawh kisai in Tonzang LahWahKah zum pan thunei khat in “Mipi upmawh bang in tuapa pen IS te hilo hi” ci-in gen hi.

Amah pen India gammi, Hindu minam lak ah namneu te hi aa, lam gei peuh ah om in, mi a zong a kisim phalo te ahi hi. Aizawl ah vankhia in om zel aa, Mizo pau zong thei hi cih thu kiza hi.

A nasepna ah kisim mawh lua ahih manin lungkia in Mizo gam pan in Zogam lam ah a khe tawh ong paisuk suk in, Ciau pan Tedim lam tua pan in Vialcian lam pek a tungsuk hi ci’n thunei pa in ong gen beh hi.

Tulaitak in ahih leh Tedim, Palik gilbem ah kikhum phot in thu omlo pi in gamgi kanna hangin kum2 sung bang gilbem taang ding cih thu kiza hi.

More: Malaysia OUG Plaza ah damiah lut, RM1 Million manneiding gukhia

“Ko lampan in bel Report khin ung, asawtlo in thusitna thukhen zum aa te in nei ding uh hi” ci-in Tedim Palikzum pan ulianpa in Zingsol tanu tetung hong gen hi. CS Mung/ photo credit – Tedim Times/ Zingsol