Venezuela President thugen laitak vanlengneu tawh ki suamlupsawm

Venezuela President thugen laitak vanlengneu tawh ki suamlupsawm

South America sung aom Venezuela gam ii President pa athugen laitak in vanlengneu (Drone) tawh ki suamlupsawm cih BBC pan kiza hi. Ahi zongin tuabangin vanlengneu tawh ki suamlupsawmna “drone assassination” panin ka suakta hi ci’n Venezuelan President Nicolás Maduro in genkhia hi.

Venezuela gam ii khuapi ahi Caracas City ah akibawl Military Event khatah President Nicolás Maduro in thugenna anei hi a, tualaitak in apuakkhamthei vanlengneu tawh aki suamlupsawm ahihi.

Tuabangin President Nicolás Maduro in athugen laitak pen TV panin Live in aki khahkhia hi a, TV sungah aki suamlupsawmna Drone apuakkhap ciangin athugenkawm in President Nicolás Maduro in a ettohlam kimuthei hi. Tuaciangin tualpi ah akigual zihziah galkapte zong patau in taikek ngeingaimawk uhhi.

Video: Venezuelan President Nicolás Maduro says he has survived an assassination attempt involving explosive drones. Mr Maduro was speaking at a military event in Caracas when the alleged attack occurred. Live footage of his speech shows the president suddenly looking upwards – startled – and dozens of soldiers running away.

Hihbangin aki suamlupsawmna pen President Nicolás Maduro in Colombia gam te ii gamtatna hiding hi ci’n genkhia hi. Ahi zongin Colombia kumpi thunei te’n bangmah mawhmatding omlopi in ki pumngawhna hi ci’n nialkik uhhi.

Hih buaina vaitawh kisai in galkap 7 liam uh a, akhuanung ah mi tampi kiman hi ci’n Venezuelan Authorities te’n genkhia uhhi.

Tua buaina apianna Military Event pen Venezuela gam National Army te ii kum 81 cinna “81st anniversary of the national army” akibawl laitak in buaina apiang ahihi.

More: Indonesia Police HQ asim temtawi migilo 4 kikaplum, Officer khatzong si

Apuakkhamthei Drone vanlengneu akizangpen 2 tak hi a, President pa ii athugenna ageinai ah apuakkham ahihi ci’n Communications Minister Jorge Rodriguez in genkhia hi.

Tuabangin President aki suamlupsawm akitheih ciangin thautang dalna “Bulletproof Shield” tetawh President pa aki umcih laitak Photo pen Social Media ah ki thehzakpah hi. Sawltak #zomidaily