Video: Vanleng sungah Power Bank khat puakkham in, meikang
Zanni Sunday (Feb 25) ni in China Southern Airlines kici vanleng sungah akikoih Power Bank khat meikuang cih SCMP pan kiza hi. Tua China Southern Airlines pen Guangzhou Airport ah aomlaitak hi a, vanleng alengkhiading in akithawi, Passenger te vanleng sungah alutlaitak, Boarding abawl laitak in meikuang akipan ahihi.
Hih vanlengsung meikatna hangin asi aliam kuamah omlo a, ahi zongin tua vanleng atuangding Passenger tepen ahunlap in lengkhia theinawnlo in, nai 3 sungbang ziakaituam uhhi.
China Southern Airlines panin thuneite genna ah hih meikuang pen Mobile Phone adingin akizang Power Bank (Portable Charger) puakkham in, meikuang akipan hidinghi ci’n genkhia uhhi.
Tua Power Bank pen Passenger te tutna ii atung aom Overhead Compartment sungah akikoih hi a, apuakkhap laitak in tua Power Bank pen akizang hilo hi.
China Southern Airlines Flight CZ3539 pen Guangzhou Airport panin Shanghai Hongqiao Airport zuanding in akithawithawi laitak in, vanleng sungah Power Bank khat apuakkham, meikuang akipan ahihi.
Video: Fire breaks out on China Southern Airlines flight after phone charger explodes
Meikuang amuh uhciangin vanleng sungah aomkha nasem Airline Crew leh Passenger te’n tuithawl, Juice thawl tetawh meikuang buakmit uhhi. Meikuang pen huaisialo ahih manin, Boeing 777-300ER Jet Airliner pen siatngawh luatna omlo bilbel hi.
Tua Power Bank aneipa pen Police te’n thudotna bawlding in paikhiatpih uh a, adang Passenger tepen vanleng adangkhattawh laihsak in, nai 3 khitciang lengkhiakik theipan cih kiza hi. Vandawn ah alenlaitak ahihloh phadawm cihding ahihi.
More: Vanleng sungah Headphones meikuang in numeikhat amai leh akhut meikang
Power Bank azangte’n atawmman theithei teelmasakding hikhollo hi. Brand minthang leh akician Quality aomtheithei teelzawkding thupizaw hi. Adiakdiak in Online khawngpan in Power Bank tawmcikcik in akizuak tampi omhi. Atamman khempeuh ahoih cih ahihpah lohhangin, atawmmanlua mahmahte pen Quality neilo, Brand gina ahilo te hiphadiak zawdeuh hi. Kumpi phalna, Quality Control akibawlsa Brand tepen muanhuai zawdiak khading hi. Sawltak #zomidaily
Comment piaknop aomleh...