USA, New Orleans Parade pawisung mawtaw khatin nawkgawp in mi 28 liam

USA, New Orleans Parade pawisung mawtaw khatin nawkgawp in mi 28 liam

USA, Louisiana State sung aom New Orleans khua ah mikhat in mawtaw tawh Mardi Gras Parade enin aom mipite vaphul pheigawp ahih manin, mi 20 valbang liamin zato kipuak cih Reuters News pan kiza hi. Pickup Truck mawtaw khattawh aphual pheigawp hi a, tua mawtaw hawlpa pen zu hiam, guihtheih adangkhatpeuh hiam khamcihtak in akhamcip khat hihtuak ci’n Police te’n genkhia uhhi.

New Orleans Police te genna ah Saturday ni thupiang hi a, mipi te lamdung ah Parade enin aomlaitak anawkphei hi a, mipi te anawkphei banah mawtaw zong thumkhawng phupheigawp cihi.

Aliam te lakah mi 5 pen gimphadiak in, Hospital Trauma Center ah kikhoi ci a, Police te’n hihvai athu akancian laitak cih kiza hi.

New Orleans Police te’n hih Pickup Truck Driver papen mantheipah uh a, Fox Television tawh akizom WVEU-TV te’n Interview abawlna ah zu hiam, adang guihtheih hiam khatzawkzawk khamcip mahmahleh kilawm cihi.

Mayor Mitch Landrieu inzong Statement akhahkhiatna ah tua Driver papen “Drunk Driver” ci’n ciamteh hi.

Hihbang in zukham ankham khatin buaina abawl hangin New Orleans’ Mardi Gras Season Parades pen themcikzong nawngkaina, ziakaina omlo in ki zomsuakthei hi.

Police Chief Michael Harrison in News Conference ah agenkhiatna ah aliam vekpi kigawm in mi 28 hi a, tualak ah mi 21 tepen Local Hospitals tuamtuam ah kipuak cihi. Adang aliam 7 tepen Transport zatding utlo uh a, amauleh amau in ciahkhiathei uh cihi. Aliam lakah Police Officer khatzong kihel cih kiza hi.

More: Germany ah mawtaw khatin mipi ommuang laitak phulgawp in mi 1 si ~ ZD

Local Media te genna ah aliamte lakpan in mi 12 tepen gimphadiak, Critical Condition hi ci’n genkhia uhhi. Zukham mawtaw hawl ci’n aki ciamtehpa pen Police Department ii “Drunken-driving Officer” ah kikem in, thudotna kineilaiding cih kiza hi. ZD Sawltak #zomidaily