USA, Michigan ah mawtaw in sakolleng phukha, naupang 3 sipah, 6 liamgawp

USA, Michigan ah sakolleng khat mawtaw in phukha in, naupang 3 sipah, 6 liamgawp

USA, Central Michigan State sungah naupang honkhat atuanna sakolleng khat mawtaw in nawkkha cih Fox News pan kiza hi. Hih sakol ii akaih Horse-drawn Buggy sungah naupang akigawm in 9 atuangkhawm uh hi a, tualak ah naupang 3 sipah a, adang naupang 6 tezong liamgawp uhhi.

Grand Rapids panin 45 Miles khawng agamlatna Sheridan khuasung ah Sunday zingsanglam 8:34am hunpawl in thupiang ahihi.

Michigan State Police te’n Fox 17 te tungah agenkhiatna ah aphukha mawtaw pen Pickup mawtaw khat hi a, Eastward lamzuanin atailaitak naupangte tuanna Buggy anawkkha cihi.

Police te genna ah tua Buggy lengsung ah akigawm in naupang 9 atuangkhawm uh hi a, amai panin sakol in akai cihi.

Asi naupang 3 tepen kum 7 aphapan numeikhat, kum 9 aphapan numeikhat leh kum 12 aphapan pasalno khat ahihi ci’n Michigan State Police te’n genkhia hi. Adang asilo, naupang 6 tezong limliam mahmah in, Critical Conditon tawh Hospital ah kipuakpah uhhi.

Buggy akai sakol pen bangmah liamngawhna omlo in, suakta cihi. Tuaban ah aphukha Pickup mawtaw Driver pazong bangmah liamna omlo cihi.

Pickup Driver papen naupangno te tuanna Buggy ataihkhak khitciangin taisuak cihbang omlo a, aseptheih bangbang in Troopers te panpih in honghuh mahmah hi ci’n thunei te’n genkhia uhhi.

More: Losan “Fire Cracker” lotna hangin naupangno kum 12 khat sihlawh

Banghang in hih naupang te tuanna Buggy pen phukhahiam cih aki kansan laitak hi a, zu leh zatui “Drug & Alcohol” cihtebel Driver pa’n bangmah zattuaklo kici hi. Ahi zongin Michigan State Police te’n athu akanciansan laitak uh ahihi. Naupangno te ii amin apuam pen bangmah ki pulakkhia nailo a, ahi zongin naupangno 3 takin sihkhat in si uh ahih manin, ki khasiat mahmah hi. Sawltak #zomidaily