USA gam ki sat in ~ Thawn Tuang

USA gam ki sat in ~ Thawn Tuang

USA gam a ki sat in lungsimleh ngaihsutna gelna tampi om te lak ah Thunih ka theihna tan tawh thala khawmleng ka ut hi. Bang hangin USA minthang a, thupi hiam. Ih lung gulhgulh USA ah ih zat ding thu te ki kum khawmni:

1. Pasian thupi sak uh:

Suakta tak in Pasian phatnaneihnuam uh hi. USA gam a sat ma un suakta tak in Pasian phat theilo uh hi khading hi. Pasian phat nopna ngiat tawh USA gam ki sat ci leng khilh luatna om loding hi. Pasian phat nopna lungsim ngiattawh ki pan uh ahih manin khantohna manawh semsem hi. Pasian a phatphat te nuaikiat cih om lo hi cih ki mu hi. Tuaahih manin gam thupi suak bek thamloh in leitung mi tampi tak in a muhnop, apai nopna gam suakzo hi.

Zogam ah khua a ki sat cilin bangteng tupna leh ngimna neih in na lam-en aa, Vaimim hauhna ding, Anhauhna ding, Ankhing khamna ding hi masa penin ka lam-en hi. Bang hang hiamcihleh An tampian deuhna ah pute pate na tai kawikawi mai uh hi. Khat leuleu ah Anhau leng Zuu ki nungzo ding, damloh ciangin dawi ki thoih zo ding cih khawng gelnaa hizaw tam cih nop huai hi.

A nungta Pasian ih biaklohmanin ih khantoh ding zahin ki khangto lo aa, lungsim ah ih theih dingzah thuki tam guan manlo hi. Theihna hauhna ki zakai hi. A hizongin Pasian thu ih uptak ciangin mite theihbang, mite neihbang aneihzo dingin Zomite ki pan ziahziahta hi cih ka mu manin ka lung adam mahmah hi.

2. Kampau leh Ngeina Thupisak uh:

A mau kampau ngiattawh angeina uhleh a mau biakna zangh nuam uhhi. Tua ahih manin a mau kam leh ngeina zanghnuam ngiat in USA gam sat uh hi, kici thei leuleu hi. USA gam sungah a om minam khempeuh in a muapauciat, a ngeina ciat uh thupit lak pah uh hi. Minam khat leh khat kampau lehngeinate thupi sim uh hi. Kisim mawhsak cih bang om lo hi.

Zomi a om sunte ee, i pau ithupit lak hiam. Ih ngeina ee ih thupi lak hiam? Na zumpih khahiam? Ei pauthupit lak mahmah ding ahihi. Namdang te paubel ih taten hilh kullo in hongtheih pah lel ding uhhi. Nupi papi tenzong mangpau ahi ciang khat theih sawmni. Mi kangpau leh a lai uhzong siamsawm ni. Mite phaktan i tun nopleh pilnathupi sakni.

USA gam sungah mangpau manglai ki zangh na pi, mi a tamzaw amau kampau, minam pau ciat tawh ki ho tangtang uh hi. Tuapen minam ki cianneihna ahihi. Mel le sa pan Zomi cih i tel sitpset khat Zopau mah in hong ki hopihtangtang uh ciangin, a pilna a theihna uh bangtan i theihloh hangin zahtaakhuai pah hi.

A tawpna ah: Ih Ngeina lehih Kampau te thupit lak mahmah ding ahihi. Minam dang khempeuh zong na en gigein mi cingtak khat ahihleh amau kampau a theilo, a zangh theilo om lo dinguhhi. Namdang pau in a pau theihpeuh zahtaak bawl aa, kihtaak bawl ding hi peuhmah lohi. A mipihte kiangah namdang pau in a paupau mipeuh mi palang tamzaw hi.

Biakna, Kampau, Ngeina, Laimah thupi sak in zangh ni.

Thawn Tuang
Zomi Angvaan
2011-12-20