US President Joe Biden in Myanmar gam tungah gawtna bawlding

US President Joe Biden in Myanmar gam tungah gawtna bawlding

“Galkapte in na mat uh State Counsellor Daw Aung San Suu Kyi, President U Win Myint leh a dang tuamtuamte a manlang thei penpenin khah khia un” ci hi.

“Kawlgam mite in a aw uh ong kizasak a leitungbup in encik mahmah hi” ci-in gen hi. “Lungphona ong tam tektek a, a democratic right uh a zang khia mipite tungah thagum hatna tawh thuh kikna pen kisang zolo ding hi, ci-in gen hi.

Rohingya Muslim te’ vai hangin galkap makai honkhat blacklist ah kikoih khin a, tun President Biden ii vaihawmna sungah “first round of targets” a cih uh galkap makai pawlkhat, a innkuanpihte uh leh a sumbawl nasepna pawlkhat tungah sanction koih ding vaihawm ding hi, ci hi.

“Export control a khauh mahmah zong ka koih ding uh hi. Kawlgam kumpi a noptuamsak US van leh nate ka puak nawnkei phot ding uh a, ahi zongin Myanmar mite’ a ding ka sep uh health care te, civil society groups te tawh ka kizopna uh leh Myanmar mipite direct a phattuamna a pia ka nasep nate uh bel ka khawl kei ding uh hi” ci hi.

President Joe Biden in USA President a suah zawh gamdang tungah sanction a zat masakna penpen ahi hi. Translated By Nem/ BBC News