US Immigration te’n Green Card bekbek akigawm in 8543 bawlkhialkha

US Immigration te’n Green Card bekbek akigawm in 8543 bawlkhialkha

US gamsung aom te, tunai in Green Card na ngahkha hiam? USCIS te’n tunai in aki piakhia Green Card honpikhat akikhialkha omhi ci’n Monday ni in pulakkhia uhhi.

USCIS (U.S. Citizenship and Immigration Services) te pulakna ah tuabangin akibawlkhial “Production Error” pen akigawm in 8543 hi a, tua akibawlkhial angahkha te in hong puakkik un ci’n genkhia cih Miami Herald pan kiza hi.

Abeisa 2018 February leh April khasung in aki khakkhia Green Card ahih keileh Permanent Resident Cards akici honkhatpen Card tungah akikhial omhi. “Resident Since” akicihna ah amanlo in ki Print khiakha hi ci’n Federal Agency te’n genkhia uhhi.

Immigration Agency te’n Statement akhahkhiatna ah tuabang amanlo in aki Print khiakha Green Card tepen U.S. Citizen ahikhin te ii innkuanpih te hi a, Form I-751 nuai ah US gamsung omtheih nadingin Residency ngetna abawlte hi ci’n pulakkhia uhhi.

Tuabangin Green Card tungah Print khialhna omkha ahih manin, Immigration Agency te’n tua akikhial te ahih keileh amau ii azat sitni te ki zasakding hi.

Tuabangin kumpi zumah Green Card khakkikding zaksakna hongki neihleh Prepaid Envelope tawh hongkipuak dinga, tua lai ip sungah koihin na ngahkhitzawh ni 20 sungin na khakkik kulding hi. Tua ahih keileh USCIS Field Office ah pai in na puakkik kulding hi.

Tuabangin Green Card aki bawlkhialte napuakkik ciangin Permanent Resident vaitawh kisai bangmah Status kikhelna omloding a, Green Card athakpen zumah atunkhitzawh ni 15 ciangin athak hongki piakik dinghi ci’n Immigration Agency te’n gencianna nei uhhi.

More: Tulaitak US gamsung tungsa te USCIS pan Interview sapkikvai

Azenzen in hih aki bawlkhial Green Card atawikha te sungpanin gampualam zinkhiatding vaihawmna khatpeuh neikhin a, Green Card puakkik kul in, angak in aomlaitak nahihleh hihvaitawh kisai in USCIS te kiangah hih phone 800-375-5283 tawh hopih in.

Malaysia gamsung aom Zomi te kipawlna Community Card tezong khatveivei kikhialthei a, tuabang hunciangin Zomi sungah mipil (amau leh amau khial akisa ngeilo) pawlkhatin zahpih in mawhsak mahmahthei uhhi. US kumpi inzong Green Card tungah khialhna nei in Print khialkha ahihleh, Community Card tepen aki Print khialthei dingmah hi ci’n theisiam ziauleng e….. Sawltak #zomidaily