US gamsung West Virginia ah thau kikapna piangleuleu

US gamsung West Virginia ah thau kikapna piangleuleu

US gamsung West Virginia State sungah Monday ni zingsanglam in thau kiphialkapna piangleuleu hi. Monday ni zingsanglam in mun thum ah thau kikapna piangin, mi 4 in sihlawh hi ci’n AP News in pulakkhia hi.

Monday ni nitaklam mahin tua thau tawh aphialkapding in aki ummawhpa pen amah leh amah aki kaplumsa, asisa in kimu cihzong West Virginia State Police te’n genkhia uhhi.

State Police Spokesman Lt. Dennis Johnson in agenkhiatna ah kum 39 aphakhin Jody Lee Hunt kici minneipa pen amahleh amah ki kaplumsa in Monongalia County sungah kimu hi ci uhhi.

Thau kiphialkapna apianna munpen Monongalia County, Cheat lake leh Westover Area teng ahihi ci’n State Police Spokesman Lt. Michael Baylous inzong pulakkhia hi.

Hih buaina vaitawh kisai palik thunei te’n athu ala akancian laitak cih kiza hi. ZD Sawltak