US gamsung Virginia State ah thau kikapna omzel a, mi 2 in sihlawh in adang mi 2 liam cih Fox News pan kiza hi. Hih thau tawh kikapna pen Virginia State ii khuapi ahi Richmond City sung aom Greyhound Bus Terminal khatpan hi a, Thursday ni thupiang ahihi.
Virginia State Police Superintendent Col. Steven Flaherty ii genkhiatna ah thautawh akikaplum ahi kum 37 apha Chad Dermyer pen State Trooper khat hi a, dailenbuk sungah kikaplum cihi.
Bus Station gei tengah Trooper Training mi tampi in aneih laitak, Chad Dermyer pen teeltuam in aki kaplum cihi. Thautawh akappa pen a innkuan pihte aki theihcian mateng amin kua cih ki pulak khianai loding cihzong kiza hi.
Virginia Commonwealth University Medical Center te’nzong hih kikapna pan aliam te kokiang ah hongki puak hi ci’n genkhia uhhi.
Agei aom te genkhiatna ah hih thau kikapna apian ciangin palik mawtaw hongtaipah zangzang a, thau tawikawmsa in palik te ki gualpheipah uh cihi. Tuapan in thau tawipa zong akikaplum hihtuak hi.
Aveng ah aomte genna ah thau kikap pen 10 vei valbang thauging kiza a, mi kuziahziah in ki patauman mahmah cihi. Khualzinding Bus ngak in adang mi 200 valbang agei ah om himah taleh tuate bangmah kikap khalo cihzong kiza hi. ZD Sawltak #zomidaily
Comment piaknop aomleh...