US gamsung aom LA Airport in Hand Luggage sungah thau aomlam mukhia zolo
US gamsung aom vanlengtual minthang mahmahkhat ahi Los Angeles International Airport (LAX) aom Security Scanner te’n numei khat avansung ah thau apuaklam theilo, mukhia zolo cimawk uhhi.
BBC te genna ah USA panin palik numei “Policewoman” khat a naseploh hunsung Vacation khualzinding in kithawikhia hi. Los Angeles International Airport (LAX) panin Taiwan gam zuanin azinkhia hi a, akhuttawi Hand Luggage sungah thau khat leh thautang 6 akoihlam phawkkhalo in puasuakkha hi.
Ahi zongin Los Angeles International Airport ah akhuttawi Hand Luggage pen Security Screening akisit ciangin asungah thau aomlam mukhiazolo uh a, vanleng tungah tuangsak uh cimawk hi.
Tua palik numei pen Santa Monica Officer Noell Grant kici khat hi a, kum 42 aphakhin khat ahihi. Taiwan atun ciangin avanlak ah thau leh thautang apuaklam phawkpan hi.
Amanzong thunei Local Authorities te’n kiangah athupiang teng genin avanlak ah thau apuakkhaklam genpah a, ahi zongin hihvai asiang mateng in Taiwan panin ki ciahkhiasaklo hi.
US Federal Officials inzong hihvai tawh kisai in Los Angeles International Airport in “Security Procedures” limtak zuilo uhhi ci’n genkhia hi.
US Transportation Security Administration (TSA) panin thunei te’nzong agenkhiatna ah Los Angeles vanlengtual ah Standard Procedures limtak zuilo uh ahih manin, Airport Checkpoint ah hiamvan “Firearm” khat khahsuah uhhi ci’n genkhia hi.
TSA panin Nico Melendez in agenna ah Police Officer nupen palik khat ahihna tawh amanlang diakin “Expedited Security” akibawl hizenzenlo a, angeina mahbang in “Regular Screening Procedures” akibawl cihi. Tuabang kawmkal ah thau leh thautang apuaklam pen kitheilomawk ahih manin, LAX te Security System pen lamdang kisa mahmah hi.
Officer Noell Grant pen nasep khawlhunsung Vacation zangding in nungkal sungin azinkhia hi a, Los Angeles panin Taipei, Taoyuan International Airport ah vanleng laihding in atung ahihi.
Taipei panin Thailand ah Family Holiday hunnuam zangdingin alengsuakding himahleh avansung ah thau apuaklam akiphawk ciangin Airport Security te genkhiapah a, ahi zongin athu aven mateng Taiwan panin ki lengkhiasak ngamlo mawk hi.
Noell Grant pen Santa Monica Police Department ah palik asepzawh kum 8 bang hikhinta a, hih buaina Incident hangin anasep asukha diam? Dann atuakdiam, Disciplinary Charges aomdiam cihpen kitheician nailo hi.
Related: Australia gamsung aom Airport te ah Security Check ki limbawl mahmahding
Amuanhuai mahmahding in aki lamen US Security System zong khatveivei kisapna omthei veve mawk hi. Hih buaina hangin Los Angeles International Airport zong mindaituam mahmah uhhi. Migilo ngongtatsawm khat himawkleh… ZD Sawltak #zomidaily
Comment piaknop aomleh...